Hechos 7:27 - Manityanati Tupax

²⁷ Auki axti maniki okɨsioti ɨmoti maniki kiatax ɨnantɨ ɨmoti aipenenoti Moisés, nanti ɨmoti: ¡Isane nɨmoche obi! ‘¿Ñakuti nanti aemo ta axɨkɨ yɨriabuxɨkɨ suiñemo nauki asarai axɨna chɨrɨri soboi?

Manitanati Tuparrü

²⁷ Auqui arrti maniqui iñapachenuche ünantü ümoti arrüna nanti Moisés. Nanti ümoti: “¡Ñacutipü naqui uiche aicüpurü, nauquipü yüriaburrücü suiñemo!

Hechos 7:27 교차 참조

San Mateo 21:23

Pɨrɨkɨ axɨna sane, sɨrotitɨpo Jesús au nipo meankax. Naukiche anankati akamanu, manunekanati, sɨromatɨ esati ɨriatuxɨma axɨmanuma sacerdotes ichepe axɨbama mayɨriabuka judíos, ñankitioma pɨnanakiti: –¿Isane nɨriaka nauki aisamune axɨna sane? ¿Ñakuti uiche aityoximiati aemo axɨna nɨriaka?

San Lucas 12:14

Tapɨti Jesús aiñumuti nuraxti: –Churapa, ¿ñakuti uiche aiñanatiñɨ yɨriabuxɨñɨ aume nauki ichepesɨna namenaxi?

Hechos 4:7

Bakɨpuruma nauki aɨrotitɨ Peru ichepeti Kuan akamanu esama. Sɨroma uimia akamanu kɨmuintya ɨmoma, auki ñankitioma pɨnanakimia: –¿Ñakuti naki yakɨpukuche aume, nauki apanuneka ɨmo namanaiña axɨna sane? ¿Ñakuti uiche ane nabɨriaka apisamunio axɨba champɨ tɨsumastai?

Hechos 5:33

Naukiche onkoimia axɨna sane, axone nuxia nityɨborixhimia, auki xhanxɨma aityabairoma.

Hechos 7:35

“Axɨma tɨkañe chixhanxɨpɨma asuriurumati Moisés namatɨ ɨmoti: ‘¿Ñakuti uiche aikɨpurɨ nauki yɨriabuxɨkɨ suiñemo?’, uiti Tupax yɨriabuxti nauki ataesɨbuma, uiti maniki ángel tɨkañe uraboiti sukarɨti naukiche asarati eana nonko axɨmanu pes kɨtɨpɨ naxchopɨro.

Hechos 7:39

Tapɨ axɨmanuma uyaɨtaiki tɨkañe chɨmakokonaumpɨma ɨmoti Moisés, xhanxɨmampɨ asɨkɨbɨma tato au Egipto.

Hechos 7:54

Naukiche onkoimia axɨna sane, axɨmanuma mayɨriabuka taruku nityɨborixhimia ɨmoti Esteban.