Hechos 5:16 - Manityanati Tupax

¹⁶ Sɨrɨmanamaintyo auki axɨmanio pikiataka tube saimiantai ɨmo Jerusalén yebomatityo aɨbuma axɨbama maunxokonoma axɨbamaintyo aboma machoboreka kɨtɨpɨma. Namanaiña uxiankama tato.

Manitanati Tuparrü

¹⁶ Cütüpürrü macrirrtianuca iñataimia acamanu esa bama apostolerrü auqui manio piquiataca puebluca saimia ümo Jerusalén. Cuamatü uimia bama maunrrocono y arrübama taquisürüma itopiqui aboma machoboreca auma. Enterurrüma urriancama tato.

Hechos 5:16 교차 참조

San Mateo 2:16

Naukiche tɨtusiu ɨmoti Herodes ta axɨmanuma taruku nipiakaxɨma mapañama ɨmoti, kuatɨ ɨmoti taruku nityɨborixhti, auki bakɨpuruti nauki aityabairoma namanaiña mañaɨmanka axɨbama ane tox naskɨbeka ɨmoma au Belén, auki nanaiña axɨmanio poka saimiantai ityupeku, isiu axɨmanio naneneka urapoimia isukarɨti axɨmanuma taruku ñapanaunkuxɨma.

San Mateo 4:24

Ipiatemaintyo nɨrixhti Jesús au nanaiña axɨmanu kɨx Siria, kuamatɨ uimia esati namanaiña axɨbama taruku nityakisɨrɨkɨxɨma oboi axɨba chɨtamampatai noxokoka, axɨbamaintyo aboma machoboreka kɨtɨpɨma, axɨbama konsaboma axɨbamaintyo chɨpokoropɨma. Uxiankama tato uiti Jesús.

San Mateo 8:16

Naukiche tɨtobikia sɨromatɨ esati Jesús sɨrɨmanama aɨbu axɨbama aboma machoboreka kɨtɨpɨma. Ui taman yakɨpukuxti penekoma uiti machoboreka kɨtɨpɨkimia, namanañaintyo uxiankama tato uiti.

San Lucas 5:17

Taman nanenes naukiche anankati Jesús manunekanati, tɨmonsomaintyo akamanu axɨmanuma fariseos ichepe axɨbama manunekanama bakɨpukux uiti Moisés axɨbama kuamatɨ auki nanaiña poka auki Galilea, auki Judea, aukityo Jerusalén. Tapɨ axɨna nɨriakaxti Yɨriabux ityusiankanɨ kɨtɨpɨti Jesús oboi axɨba uxiankama tato axɨbama maunxokonoma uiti.

San Lucas 6:18

Iñataimia onsaperioma nuraxti Jesús nauki uxiankama tato uiti axɨba noxokoka kɨtɨpɨma. Axɨbama takisɨrɨma ui machoboreka, uxiankamaintyo tato.

San Lucas 9:11

Naukiche tɨtusiu ɨmoma axɨmanuma po'oso, sɨromatɨ isiuti. Baparioti Jesús aɨbuma, manityanati ɨmoma kɨtɨpɨ nɨriakaxti Tupax uxiankamaintyo tato uiti axɨbama maunxokono.

San Juan 14:12

Ñemanauntu sukanañɨ aume axti naki ikokoroñɨ, omixhantetyo uiti axɨba omixhante sobi, omixhantenkityo uiti pikiataka axɨba yarusɨrɨkatoe. Tyopiki axɨñɨ yɨkatɨ esati Iyaɨ.

Hechos 4:30

Aityusianka noñema nauki uxiankama tato soboi axɨbama maunxokonoma, nauki sopisamunentyo axɨba champɨ tɨsubastai au nɨrixhti Jesús.”

Hechos 5:15

Sɨromatɨ aɨbuma axɨbama maunxokonoma iku nikɨruxɨma, sɨroma uimia isiu kutubiux axɨna aukiche sɨrotitɨ Peru, nauki axtɨ nausɨpɨtuxtiatai iyebo kɨtɨpɨma.

Hechos 5:17

Axti maniki ɨriatu axɨbama sacerdotes, ichepe axɨmanuma saduceos amonkoma ichepeti, ubatioma axɨmanio isamutema axɨbama apóstoles,

1 Corintios 12:9

Makiataka toxio ɨmoma aikokoromati Jesús ui noñemaxti Espíritu Santo, tapɨ makiataka toxio ɨmoma nauki uxiankama tato uimia axɨbama maunxokonoma.

Santiago 5:16

Sane naukiche, aburasaño sukarɨti kiatax axɨba nomɨnantɨ aboi, amea autakuapatoe nauki uxia tato aume. Axɨna ñemanauntu neankaxti naki uxia nisɨborikixhti ane nɨriakax.