Hechos 4:31 - Manityanati Tupax

³¹ Naukiche tɨchauki neankaxɨma, paichokonono axɨmanu kauta amonkoma oberabarama. Namanaiña sɨro kɨtɨpɨma noñemaxti Espíritu Santo, auki namanaiña manityanama kɨtɨpɨti Jesús aɨbu narukux ɨmoma.

Manitanati Tuparrü

³¹ Nauquiche tacürusu neancarrüma, paichoconono manu cauta amoncoma oberabarama. Enterurrüma süroti Espíritu Santo auma. Champü nirrucurrüma uraboimia nurarrti Tuparrü.

Hechos 4:31 교차 참조

San Mateo 21:22

Nanaiñaintyo axtɨ axaño, ameanka, apankisio aɨbu napakokonaunku, toxio aume.

San Juan 14:12

Ñemanauntu sukanañɨ aume axti naki ikokoroñɨ, omixhantetyo uiti axɨba omixhante sobi, omixhantenkityo uiti pikiataka axɨba yarusɨrɨkatoe. Tyopiki axɨñɨ yɨkatɨ esati Iyaɨ.

San Juan 15:16

Axɨñɨ chɨsamamekanapɨñɨ aboi, ta sobi samamekana año. Xhakɨpuka aume nauki amenotɨ apisamune aruki nanaiña axɨba omixhia, axɨna sane nausɨboriki sɨsio aboi. Sane axti Iyaɨ toxio aume uiti nanaiña axɨna apankitio pɨnanakiti au nisɨri.

San Juan 15:7

“Axtɨ abasikia ichepeñɨ axtɨtyo chɨtakɨrusupɨ napakionko iyo nixhanunekaka, apankisio axɨna nauxiantɨmo toxio aume.

Hechos 14:3

Axɨmanuma amonkoma isiuti Jesús, sɨsioma akamanu ñome sɨrɨmana naneneka, axɨma manityanama aɨbu narukux ɨmoma, onkomatɨ ɨmoti Yɨriabux manityanama aɨbu nɨriakaxɨma. Tapɨti Yɨriabux ityusiankatati axɨna namatɨ oboi axɨba isamutema axɨba champɨ tu bastai.

Hechos 2:1

Naukiche iñatai axɨmanu nanenes Pentecostés, axɨmanuma amonkoma isiuti Jesús chepe nakaxɨma au taman pox.

Hechos 2:2

Isiukaɨ, onkoimia takana taman yarusɨrɨx makiɨtɨx kuatɨ auki napes kɨpurabo uixh nanaiña axɨmanu pox kauta amonkoma.

Hechos 2:4

Sane naukiche sɨsio kɨtɨpɨma noñemaxti Espíritu Santo, auki manityanama pikiataka manityakaka, axɨna nanti Espíritu Santo ɨmoma.

Hechos 4:13

Axɨmanuma mayɨriabuka taruku nikɨtobɨxɨma naukiche astaimia axti Peru ichepeti Kuan, champɨ nixhukuxɨma anityanema, auki atusi ɨmoma ta chipiakapɨma ɨmo Nikorox, auki tusityo ɨmoma, ta tyonema axɨbama nesaxti apóstoles Jesús.

Hechos 4:29

Asasatɨ kaɨma Yɨriabux, kausane ñapixhumukuxɨma suiñemo. Ariaku suichepe nauki aruku suiñemo suburaboi axɨba omixhia manityakax.

Filipenses 1:14

Ui axɨna astaimia amanañɨmpo, sɨrɨmanama axɨbama ikokoromati Jesús iñatama nuxia uraboimia axɨba omixhia manityakax, champɨ nixhukuxɨma au nɨrixhti Yɨriabux Jesucristo.

Filipenses 1:20

Ñonkatɨ nuxia ta chisɨsokapɨ oboi nanaiña axɨba isamukio. Axtɨ isɨborikiaiki o axtɨ tisonka, taikiana ixhanka isamune nanaiña aɨbu narukux iñemo, nauki chopikiñɨ namanaiña anityama kɨtɨpɨ axɨna niyarusɨrɨkɨxti Cristo.

Santiago 1:5

Axtɨ anati naki abaxɨpekuki champɨ nipiatɨmoti, tari ankirioti pɨnanakiti Tupax, toxio uiti ɨmoti. Tyopiki axti Tupax toxio uiti ɨmo namanaiña champɨ nɨmoche uiti ñakuti naki ɨmoche aityoximiati kausaneityo nakaxti.