Hechos 3:13 - Manityanati Tupax

¹³ Axti Tupax ɨmoti Abraham, ɨmoti Isaac ɨmotityo Jacob, ɨmoma axɨbamaintyo kusɨrɨboma tɨkañe usaɨbu, tyonenti naki uiche yarusɨrɨx nɨrixhti Jesús axti Aɨtoxti. Naki toxioti aboi ɨmo mayɨriabuka, axti yɨriabux Pilato xhanxtipɨ tɨkañe aiñemekanati, tapɨ axaño chauxiankapɨ.

Manitanati Tuparrü

¹³ Ta arrti Tuparrü naqui ümoche tarucu tücañe ñacoconauncurrti Abraham y arrti Isaac y arrti Jacob, bama upariente tücañe, tonenti naqui uiche aisamune arrüna sane, na atusi ümo macrirrtianuca arrüna tarucu nicuarrti Jesús ümoti. Arrti Jesús baserebioti ümoti Tuparrü, pero torrioti tücañe aboi ümo bama mayüriabuca na aconti. Arrti yüriaburrü Pilato rranrrtipü tücañe aiñemecanatiti, pero arraño chaurriancapü.

Hechos 3:13 교차 참조

San Mateo 11:27

“Toxio iñemo uiti Iyaɨ nanaiña. Champɨti naki isuputarati nuxia naki Aɨtoxti, axtiatai Yaɨtoti. Champɨtityo isuputarati nuxia Yaɨtoti, axtiatai Aɨtoxti axɨbamaintyo axti naki Aɨtoxti xhanxti nauki asuputaramati.

San Mateo 20:19

ityoximianamatityo ɨmo axɨbama auki iche nauki unumati, okɨsimia ɨmoti nauki aityakubaxiromatityo kɨtɨpɨ kurusɨx. Yopɨrɨkɨ trex naneneka sɨborikoti tato.

San Mateo 22:32

‘Axɨñɨ Tupaxɨñɨ ɨmoti Abraham, ɨmoti Isaac ɨmoti Jacob’? ¡Chɨtupaxtipɨ ɨmo axɨbama tɨkoiñoma, ta ɨmo axɨbama sɨborikoma!

San Mateo 27:2

Sɨrotitɨ uimia tomoenoti nauki aityoximianamati ɨmoti Pilato, naki yɨriabux romano.

San Mateo 28:18

Sɨrotitɨ Jesús esama, nanti ɨmoma: –Axti Tupax ane nisɨriaka uiti au napes ikunaintyo axɨna kɨx.

San Marcos 15:11

Axɨmanuma kaɨma ɨriatu axɨbama sacerdote ityɨmoniankanama makiataka, nauki ankirioma ataesɨbuti Barrabás.

San Lucas 22:57

Tapɨti Peru nanti ta chisuputaratipɨ, nanti: –Axɨkɨ paɨx, axɨñɨ chisuputakatipɨ.

San Lucas 23:4

Auki nanti Pilato ɨmo axɨmanuma ɨriatu axɨbama sacerdotes takana ɨmo makiataka: –Champɨ tabɨko sobi nipɨnatenti naki ñoñɨnx ityopikiche ityoximianati nauki akonti.

San Lucas 6:37

“Tapɨ ane nɨmoche aboi nipɨnate makiataka, sane champɨ nɨmoche uiti Tupax napipɨnate. Tapɨ apiñata nikuax nipɨnate makiataka, sane chiñatatipɨ Tupax aume nikua axɨna napipɨnate. Apixhimiaka ɨmo makiataka axɨna nipɨnatema aume, sane ixhimiakatati Tupax aume napipɨnate ñana.

San Juan 12:16

Aukiapae aɨbo, axɨmanuma apóstoles chɨtusiupɨ ɨmoma isane axɨna sane. Naukiche tɨtusiu axɨna niyarusɨrɨkɨxti Jesús, auki akionomakɨ nanaiña axɨna sane isamutema ɨmoti ananka korobo iku Nikorox.

San Juan 18:40

Auki namanaiña tosibikoma tatityo: –¡Axti maniki tapɨ aiñemekakati! ¡Aiñemekasaxti Barrabás! Axti Barrabás tyonenti maniki yatabayoxti.

San Juan 19:11

Auki aiñumuti Jesús nuraxti: –Kiubupɨ ane nɨriaka iñemo, axtɨ chɨtoxiopɨ aemo uiti Tupax. Sane naukiche axti naki uiche aityoximianatiñɨ aemo taruku nomɨnantɨ uiti apɨnanakikɨ.

San Juan 19:12

Auki kaɨma, bapacheroti Pilato nikiubuti kausane nauki emekati Jesús uiti, tapɨ axɨmanuma judíos tosibikoma ɨmoti: –¡Axtɨ aiñemekakati, chɨtɨpɨ aturapati yɨriabux César! ¡Tyopiki axti naki isamunutiyɨ yɨriabuxti, chɨtɨpɨ nityurapataxti yɨriabux César!

San Juan 19:15

Tapɨ axɨma tosibikoma: –¡Aityakubaxisoti kɨtɨpɨ kurusɨx! ¡Aityakubaxisoti kɨtɨpɨ kurusɨx! Ñankitioti Pilato pɨnanakimia: –¿Ñemanauntu auxianka ityabairoti naki yɨriabux aume? Auki axɨmanuma ɨriatu axɨbama sacerdotes iñumutama nuraxti: –¡Axɨsomɨ champɨti kiatax yɨriabux suiñemo, kunauntañatiatai yɨriabux César!

San Juan 7:39

Tyone axɨna nanti Espíritu axɨna toxiobo ñana ɨmoma axɨbama ikokoromati, tyopiki chiñataitikipɨ Espíritu Santo, tyopiki axti Jesús chɨsɨborikotikipɨ tato.

Hechos 22:14

Auki nanti iñemo: ‘Axti Tupax ɨmo axɨbama uyaɨtaiki samamekanakɨ uiti nauki asuputane noñemaxti, nauki asuputarati naki uxia nisɨborikixhti, sane onkoi nuraxti aikitiatoe.

Hechos 24:14

Axɨna ixhanka suraboi asukarɨkɨ axɨñɨ xhanaunka ɨmoti Tupax ɨmoma axɨbama iyaɨtaiki. Axɨñɨ ikokota nanaiña axɨmanu Nikorox uiti Moisés, axɨmanuintyo ui axɨbama profetas.

Hechos 3:12

Naukiche astaiti Peru axɨna sane, nanti ɨmoma: “Axaño axɨbama auki Israel: ¿Isane uiche taruku naukɨtobɨ? ¿Kausane abasikia amastaikiatɨ suiñemo sane? ¿Takana axtɨ soboiyapatoe uxiankati tato naki ñoñɨnx?

Hechos 3:26

Naukiche axti Tupax sɨborikoti tato Aɨtoxti uiti, ikɨpuruti tanu aubesa nauki aukurusɨka uiti, nauki apikoñoko axɨmanu chuxiampɨ nausɨboriki.”

Hechos 4:27

“Ñemanauntu axti Herodes ichepeti Poncio Pilato chepe ñakionkoxɨma, axɨbama auki Roma axɨbamaintyo auki Israel, nauki aityabairomati Jesús, naki samamekanati obi nauki yɨriabuxti suiñemo.

Hechos 4:30

Aityusianka noñema nauki uxiankama tato soboi axɨbama maunxokonoma, nauki sopisamunentyo axɨba champɨ tɨsubastai au nɨrixhti Jesús.”

Hechos 7:32

‘Axɨñɨ Tupaxɨñɨ ɨmo axɨbama aɨmantaiki tɨkañe. Axɨñɨ Tupax ɨmoti Abraham, ɨmoti Isaac, ɨmoti Jacob.’ Auki axti Moisés paichokononoti ui nixhukuxti, chasaratitɨpɨ ape.

Romanos 9:5

Tyonema aɨtoxɨma axɨbama kusɨnɨtaña tɨkañe usaɨbu. Axɨpekukimia kuatati Cristo, taikiana uxia nuraxɨma kɨtɨpɨti ñome nanaiña naskɨbeka, axti Tupaxti ñome nanaiña. Taikiana sane.

Hebreos 2:9

Basakati Jesús, naki simia nɨriakaxti uiti Tupax pɨnanaki axɨbama ángeles ñome mɨmanantai naneneka, anati aɨbu yarusɨrɨx nɨriakaxti, tyopiki nikonkoxti. Axti Tupax, ui ñakumananaunkuxti, chebo uiti nauki asuriuti nikonkoxti tyaku namanaiña.

Apocalipsis 1:18

tyonentityo naki sɨboriko. Isonka tɨkañe, tapɨ kaɨma isɨborikia tato ɨmo nanaiña naskɨbeka, axɨñɨ ane nisɨriaka pɨnanaki nɨriaka konkox.

Apocalipsis 1:5

ñakionkoxtityo aume axti Jesucristo naki urapoiti usukarɨ nanaiña axɨna ñemanauntu, naki kusɨrɨboti asɨboriti tato, ane nɨriakaxti ɨmoma axɨbama mayɨriabuka iku axɨna kɨx. Axti Cristo ukuasɨrɨka ɨmoti, ui notoxti anentyo maximiakatax ñome axɨba nomɨnantɨ osoi,