Hechos 3:10 - Manityanati Tupax

¹⁰ taruku nikɨtobɨxɨma, ityopiki chɨtusiupɨ ɨmoma kausane axɨna sane astaimia. Tusiu ɨmoma, ta tyonenti maniki naneneka anankati tɨmonsoti abeu tyurux nɨrixh koñoxtai au nipo meankax.

Manitanati Tuparrü

¹⁰ Tarucu nicütobürrüma ui arrüna arrtaimia sane. Tusio ümoma, ta tonenti maniqui nanenecatai anancati tümonsoti abeu nituru niporrti Tuparrü, arrümanu nürirri “Coñorrtai” nauqui acumanama ümoti.

Hechos 3:10 교차 참조

San Mateo 14:35

Axɨmanuma po'oso isuputaramati Jesús, tusinaunku au nanaiña axɨmanu kɨx. Sɨromatɨ esati aɨbu axɨbama maunxokono,

San Lucas 4:36

Namanaiña kɨtobɨsoma, namatɨ ɨmomantoe: –¿Isane axɨna sane manityakax? Axti naki ñoñɨnx ane nipiakaxti aɨbu nɨriakaxti bakɨpuruti ɨmo machoboreka naukiche aikiaɨburumakɨ, ¡axɨma ikokotama sɨromatɨ!

San Lucas 9:43

Auki namanaiña kɨtobɨsoma ui axɨna nɨriakaxti Tupax. Amonkomainki aɨbu nipukɨnunkuxɨma ui axɨna isamutenti Jesús, nanti ɨmo axɨbama nesaxti apóstoles:

San Juan 5:20

Axti Yaɨtoti kuasɨrɨti Aɨtoxti ɨmoti ityusiankatati sukarɨti nanaiña axɨna isamutenti. Ityusiankatatiki sukarɨti nanaiña axɨba yarusɨrɨka, axɨba oboiche taruku naukɨtobɨkɨ.

San Juan 9:3

Aiñumuti Jesús nuraxɨma: –Chiyotopikipɨ nomɨnantɨ ui axɨbama yaɨtoti. Anati iku kɨx sane nauki axaño amasarai uxiankati tato ui nɨriakaxti Tupax.

San Juan 9:8

Axɨmanuma iposapataxti namanaiña axɨbama isuputaramati ta tyonenti maniki mankioti monixh tɨkañe, ñankitioma pɨnanakimiantoe: –¿Chityonentipɨ naki tɨmonsoti nantax ankiti monixh?

Hechos 2:12

Namanaiña kɨtobɨsoma, chɨtusiupɨ ɨmoma kausane uimia, auki ñankitioma pɨnanakimiantoe: –¿Isanempatai nanaiña axɨna sane?

Hechos 2:7

Taruku nikɨtobɨxɨma, auki namatɨ ɨmomantoe: –¿Kanapaemo auki Galilea namanaiña axɨbama manityanama?

Hechos 3:2

Tamanti ñoñɨnx naki chɨpokorotipɨ aukiapae naukiche aɨbo anati iku kɨx, sɨromatɨ aɨbuti naneneka esa axɨmanu tyurux au nipo meankax nɨrixh koñoxtai. Akamanu mankioti monixh pɨnanaki axɨbama sɨromatɨpo.