Hechos 28:4 - Manityanati Tupax

⁴ Axɨmanuma po'oso naukiche astaimia axɨmanu noixhobox otoxio mekuti Pablo, namatɨ ɨmomantoe: “Axti naki ñoñɨnx yatabayoxti, axtɨ añekanati ui narubaityu tux, tapɨ uiti Tupax, chañekanatipɨ.”

Manitanati Tuparrü

⁴ Acamanu bama pohoso ane nituparrüma, nürirri “Bacurrtacarrü”. Numo asaramatü ümo manu noirroborrü ane apü neherrti Pablo, namatü ümomantoe: —Arrti naqui ñoñünrrü canapae yatabayorrti. Taesüburuti eanaqui turrü, pero caüma arrüna tuparrü Bacurrtacarrü chirranrrüpü na asüboriti naqui ñoñünrrü.

Hechos 28:4 교차 참조

San Mateo 23:35

Sane naukiche toxio aume ñana manityomokotox tyaku nikonkoxɨma axɨbama champɨ nipɨnatema naukiche koiñoti Abel naki uxia nisɨborikixhti iñatai esati Zacarías, naki aɨtoxti Berequías, axti naki koiñoti aboi esa santuario ichepe altar.

San Mateo 27:25

Namanaiña iñumutama: –¡Axɨsomɨ ichepe axɨbama suisaɨtaiki tari yɨraka suiñemo nikonkoxti!

San Lucas 13:2

Nanti Jesús ɨmoma: “¿Au napakionko axɨna sane sɨro ɨmo axɨmanuma mañoñɨnka auki Galilea ityopiki axɨma taruku nomɨnantɨ uimia pɨnanaki axɨmanuma makiataka auki nikɨxɨma?

San Lucas 13:4

¿Au napakionko axɨmanuma dieciocho koiñoma naukiche taɨbɨko onɨma axɨmanu petaisɨrɨ pox au Siloé sɨrɨmana nomɨnantɨ uimia pɨnanaki axɨmanuma makiataka po'osoma au Jerusalén?

San Juan 7:24

Tapɨ amukanaño ane axɨna chuxiampɨ ityopiki chuxiampɨ au napakionko, amukanaño chuxiampɨ axtɨ ñemanauntu chuxiampɨ.

Hechos 28:2

Axɨmanuma po'osoma akamanu taruku nipukɨruxɨma suichaku, ityopiki xobeoka ximianene, maunximianama pes, auki namatɨ suiñemo somenotɨ supape.

Hechos 28:3

Auki axti Pablo, makanati niyupa soemanka axɨba bosɨbo, tɨniyɨkɨxti aiñanti oto pes taman noixhobox besɨburu ui nipeki pes, osityoi ne'esti.

Hechos 28:5

Tapɨti Pablo yarutaɨbutati oto pes axɨmanu noixhobox, champɨ niyacheux ɨmoti.

Apocalipsis 21:8

Tapɨ axɨbama taruku nixhukuxɨma, axɨbama chɨmakokonaumpɨma, axɨbama chuxiampɨ uimia ɨmo makiataka, axɨbama mayatabayoka, axɨbama xhanxɨma ɨmomantoe, mapichareruka, axɨbama manaunuma ɨmo matupaka nisamuku mañoñɨnka namanaiñaintyo mañapanka, tyonema ñana axɨbama sɨrobomatɨ au axɨmanu narubaityu pes, tyone axɨmanu kiatax konkox.”