Hechos 28:1 - Manityanati Tupax

¹ Naukiche tɨsopiñatai namanaiña isiu nabeux, akamanu atusi suiñemo axɨmanu kɨx kɨmuintya tux, nɨrixh Malta.

Manitanati Tuparrü

¹ Numo turria tato supaquionco, sopipiate nüri manu cürrü cümüinta turrü, nürirri Malta.

Hechos 28:1 교차 참조

Hechos 13:6

Sɨromatɨ au nanaiña axɨmanu kɨx iñataimia au Pafos, tabɨkoti uimia tamanti judío naki ane nipiakati, taruku ñapantuxti nɨrixhti Barjesús.

Hechos 16:10

Naukiche tastaiti Pablo axɨna sane, supapacheka kausane nauki somenotɨ au Macedonia, ityopiki au axɨna supakionko axti Tupax ityasuruti somɨ nauki somenotɨ supanuneka axɨba omixhia manityakax.

Hechos 27:1

Naukiche tɨchepe ñakionkoxɨma aikɨpuruma somɨ au Italia, axti Pablo ichepe axɨmanuma makiataka amonkoma amanamampo toxioma ɨmoti ɨriatu masortaboka nɨrixhti Julio, auki axɨmanu nipo masortaboka nɨrixh Emperador.

Hechos 27:26

Sane axtɨ sɨsio canoax eana kɨosox.

Hechos 27:39

Naukiche tɨtaneneka, axɨmanuma uiche aikiama axɨmanu canoa, chɨtusiupɨ ɨmoma kauta nakaxɨma, astaimia axɨmanu kɨosox, auki xhanxɨma aɨromatɨ atochema akamanu aɨbu axɨmanu canoa.

Hechos 27:44

Tapɨ makiataka tari yɨrakamatɨ omonɨ nichepesɨtu axɨmanu canoa. Sane sopiñatai namanaiña isiu nabeux champɨti koiño.