Hechos 27:13 - Manityanati Tupax

¹³ Auki makiɨtɨka auki mankax au ñakionkoxɨma uxia axtɨ sɨromatityo. Auki sɨromatɨ petakuki axɨmanu kɨx Creta.

Manitanati Tuparrü

¹³ Auqui iñatai pario mancarrü. Arrüma caüma ñaquioncorrüma puerurrü aiñanaimia au Fenice. Auqui itononioma ape manio cüboca yerurrü, arrüba uiche tochenco barco. Somecatü isiuqui nabeu manu cürrü Creta.

Hechos 27:13 교차 참조

San Lucas 12:55

Axtɨ bausukɨro auki mankax, amukanaño kuatɨ xhimianene, ñemanauntu xhimianene.

Hechos 2:11

Aboma axɨbama judíos aukiapae naukiche aboma iku kɨx, tapɨ makiataka iñatama isiuki ñakokokoxɨma axɨbama judíos. Abomaintyo axɨbama kuamatɨ auki Creta aukityo Arabia. ¡Oñonkoi nuraxɨma auki nusuratoe yokɨtɨpɨ axɨba champɨ tubastai omixhante uiti Tupax!

Hechos 27:12

Au axɨmanu kauta opiñatai axɨba canoa chuxiampɨ nuxia nauki sɨsioma akamanu ñome axɨmanio naneneka ximianene, tɨsaipɨ namanaiña chepe ñakionkoxɨma nauki aɨromatɨ aukimanu xhanxɨma aiñanaimia au Fenice, axɨmanu kauta opiñatai canoa au Creta, axɨmanio poka akamanu abe au nityoripiakɨ tansɨrɨ ɨmo mankax.

Hechos 27:21

Tɨsɨrɨmana naneneka chɨsubakapɨ, auki atɨraiti Pablo axɨpekuma, nanti ɨmoma: –Uxiampɨ axtɨ apikokotapɨ nisura naukiche sukanañɨ tapɨ uɨkatɨ auki Creta. Sane naukiche ensoro oñopɨnanaki nanaiña axɨna kuatɨ osoi.

Hechos 27:8

Aukimanu somekatɨ abeuki axɨmanu kɨx Creta, au nityakɨrux sopiñatai au axɨmanu nɨrixh Puertux Uxia, saimia axɨmanu tube nɨrixh Lasea.

Tito 1:12

Uiti tamanti profeta axɨpekukimiantoe auki Creta naki uiche uraboiti kɨtɨpɨma axɨmanuma niposapataxti: “Axaño axɨbama auki Creta, chiyaupɨ napapantu, takana nisɨborikixhimia axɨbama abomainki eana nɨunx, uxia aume aubaka nuxia, uxia aume champɨ napachɨkoi.”

Tito 1:5

Naukiche iñokokɨ akamanu au Creta axɨmanu ane kɨmuintya tux, nauki aikoñokonio nanaiña axɨmanu chɨtakɨrusupɨ akoñoko, nauki aiñanama mayɨriabuka au nanaiña axɨmanu tube kauta ikokoromati Jesús. Takana axɨmanu nixhakɨpuku aemo.