Hechos 26:25 - Manityanati Tupax

²⁵ Tapɨti Pablo aiñumuti: –Chɨmamesopɨ nichanu, yɨriabux Festo. Axɨna sukanañɨ tyone ñemanauntu, uxia axɨna nixhapanaunku.

Manitanati Tuparrü

²⁵ Pero arrti Pablo nanti: —Champürrtü rranitacatai, señor Festo. Urria niñapensaca, itopiqui ñemanauntu arrüna nisura.

Hechos 26:25 교차 참조

San Lucas 1:3

Axɨñɨntyo, yarusɨrɨx Teófilo, aukiapae ñasamunka nuxia yapacherio, yastai uxia ikonomonio aemo axɨba sane koñokono nuxia,

San Juan 8:49

Aiñumuti Jesús nuraxɨma: –Axɨñɨ champɨti chobores sɨtɨpɨñɨ. Axɨna niyachɨkoi ta isamune noñemaxti Iyaɨ. Tapɨ axaño chuxiampɨ nabura sɨtɨpɨñɨ.

Hechos 23:26

“Axɨñɨ Claudio Lisias ɨmoti yarusɨrɨx yɨriabux Félix: taruku nixhakionko.

Hechos 24:3

Nanaiña axɨna sane supasutiu nantax au nanaiñantai aɨbu suipukɨnunku, yarusɨrɨx yɨriabux Félix asusiu supachampienkaka.

Tito 1:9

Tapɨ ikokotati tapɨ manunekanatityo axɨna chiñemanauntupɨ nuraxti Tupax. Sane aisamunema makiataka isiukiti oboi axɨba ñemanauntu manunekatax yakɨna aikokoma axɨbama chikokotapɨma.

1 Pedro 3:15

Apanau ɨmoti Cristo naki Yɨriabux au nabausasɨ. Taikiana amasankatɨ nuxia nauki apanuneka ɨmoma axɨbama xhanxɨma atusi ɨmoma axɨna kɨtɨpɨche napakokonaunku,

1 Pedro 3:9

Axtɨ isamutema aume axɨna chuxiampɨ, tapɨ sane aboi ɨmoma, axtɨ uratokioma aume, tapɨ apiñumuta nuratokikixhimia. Apanki tyone pɨnanakiti Tupax apukɨruti tyakuma, tyopiki uiti aityasuruti año nauki apasuriu nipukɨruxti.