Hechos 26:18 - Manityanati Tupax

¹⁸ Ikɨpukɨ axɨpekuma nauki aiyaɨbu nisɨtoxɨma nauki tapɨ amenkomainki au tomikianene, tari amenkoma au nanentax. Nauki ataesɨbuma pɨnanaki nɨriakaxti chobores, nauki aɨromatɨ isiuti Tupax. Sane aikokoromañɨ nauki asuriuma maximiakatax ityopiki axɨna nomɨnantɨ uimia nauki asuriumaintyo ñana nikuaxɨma kauta nakaxti Tupax.’

Manitanati Tuparrü

¹⁸ Icüpucü eanama nauqui atusi ümoma, y nauqui aiñocoma nomünantü, y aye uimia eana nanentarrü uiti Tuparrü. Obi ito taesüburuma pünanaqui nüriacarrti Satanás (naqui choborese), nauqui aserebimia ümoti Tuparrü. Rrimiacana tato nomünantü uimia. Torrio ñana ümoma nicuarrüma sobi ichepe namanaiña bama maquiataca icocoromañü, bama samamecanama ümoti Tuparrü”.

Hechos 26:18 교차 참조

San Mateo 4:10

Aiñumuti Jesús nuraxti: –Akosi aukina, Chobores, ityopiki iku Nikorox nantɨ sane: ‘Anau ɨmoti Yɨriabux Tupax aemo, ɨmotiatai aserebi.’

San Mateo 4:16

Axɨmanuma amenkoma au tomikianene astaimia yarusɨrɨx basarux. Taman basarux kuara uixh ɨmo axɨbama sɨborikoma au nausɨpɨtu konkox.”

San Lucas 1:77

nauki atusi ɨmoma axɨbama aɨtoxti ta moximiakana uiti Tupax nomɨnantɨ uimia taesɨburumaintyo eanaki nomɨnantɨ.

San Lucas 1:79

nauki ane nanentax ɨmo axɨbama sɨborikoma auna tarukapae tomikianene, nauki uxia nuñame isiu kutubiux kauta champɨ nomɨnantɨ.”

San Lucas 2:32

Tyonenti takana basarux kuara ñana ɨmo namanaiña iku axɨna kɨx tyonenti ñana ipukɨnunkubuma axɨbama aɨtaiki auki Israel.”

San Lucas 24:45

Auki aurɨbo uiti nipiakaxɨma nauki aye uimia axɨmanio Nikorox,

San Lucas 24:47

au nɨrixhti urapoimia ñana sukarɨ namanaiña iku axɨna kɨx nauki ayematɨ tato esati Tupax, nauki aixhimiakati tato axɨna nomɨnantɨ uimia. Kusɨrɨboma axɨbama auki Jerusalén,

San Lucas 4:18

“Axti Espíritu uiti Yɨriabux anati sɨtɨpɨñɨ, ityopiki ikunusɨankanatiñɨ nauki yɨrotɨ yupu axɨba omixhia manityakax ɨmo axɨbama takisɨrɨma. Ikɨpurutiñɨ suraboi nityaesɨbukuxɨma axɨbama amanamampo axɨbama supusu nauki asaramatɨ tato sobi. Ataesɨbuma sobi axɨbama takisɨrɨma ui makiataka.

San Juan 17:17

Tari ui noñema sɨsoma aserebimia aemo yusiuki axɨba nura. Axɨna nura tyone axɨna ñemanauntu.

San Juan 3:19

Axɨbama chɨmakokonaumpɨma, tɨtoxioma ɨmo nityakisɨrɨkɨxɨma, ityopiki chomixhampɨ axɨba isamutema, naukiche iñatai nanentax iku axɨna kɨx onkomatɨ ɨmo tomikianene pɨnanaki nanentax.

San Juan 4:10

Aiñumuti Jesús nurax: –Axtɨ asuputakaipɨ axɨna ñakumanataxti Tupax, ñakutityo naki mankioti tux apɨnanakikɨ, axɨpɨkɨ ankikia pɨnanakiti, toxiopɨ kaɨma aemo uiti axɨna tux sɨboriko.

San Juan 4:14

Tapɨti naki chaboti axɨna tux toxiobo sobi, chanantopɨ atosɨti tato. Axɨna tux toxiobo sobi ɨmoti isamunɨ kɨtɨpɨti nantaityux uixh champɨ nityakɨru nisɨborikixhti.

San Juan 8:12

Manityanati tatityo Jesús ɨmo namanaiña, nanti sane: –Axɨñɨ basaruxɨñɨ ɨmo axɨbama sɨborikoma iku axɨna kɨx. Axti naki kuatati isiuñɨ, ane nanentax ɨmoti uiche asɨboriti, chanantopɨ amenti au tomikianene.

San Juan 9:39

Auki nantityo Jesús: –Axɨñɨ isekatɨ iku axɨna kɨx nauki yasarai axɨna isamutema namanaiña. Nauki asaramatɨ sobi axɨbama supusu tapɨ axɨbama uxia nastaxɨma sɨsioma supusuma.

San Juan 9:5

Axɨna yakaiki iku axɨna kɨx, axɨñɨ basaruxɨñɨ ɨmo namanaiña.

Hechos 10:43

Namanaiña axɨbama profetas tɨkañe turapoimia niyekixhti Jesús, namatɨ axti naki ikokoroti, moximiakana tato axɨba nomɨnantɨ uiti.

Hechos 13:47

Tyopiki sane yakɨpukuxti Yɨriabux suiñemo, nanti sane: ‘Iñakɨ takana basarux ɨmo axɨbama chɨriopɨma, nauki aɨrotɨ uraboi sukarɨma kausane ataesɨbuma eanaki nomɨnantɨ namanaiña axɨbama ikuki axɨna kɨx.’

Hechos 15:9

Ɨmoti Tupax chepatai nakaxɨma takana nusaka, tyopiki moximiakanaintyo uiti ɨmoma axɨba nomɨnantɨ uimia ui axɨna ikokoromati.

Hechos 2:38

Aiñumuti Peru nuraxɨma: –Apankisio pɨnanakiti Tupax, aixhimiakati nomɨnantɨ aboi, apikokosio yakɨpukuxti, cheboityo aboi nauki soboi abɨrikia au nɨrixhti Jesucristo. Sane ixhimiakatati nomɨnantɨ aboi, auki toxio noñemaxti Espíritu Santo.

Hechos 20:21

Ɨmo axɨbama judíos ɨmo axɨbamaintyo chɨtɨpɨ judíos sukanañɨ ɨmoma nauki ayematɨ tato esati Tupax, aikokoromatityo Yɨriabux Jesucristo.

Hechos 20:32

“Kaɨma masarukityaiki ityoximiakaño ɨmoti Tupax, ɨmointyo axɨba omixha nuraxti. Ui noñemaxti sunaunti Espíritu Santo aukɨtɨpɨ nauki aityoximiatityo aume axɨmanu aukiapae xhanxti aityoximiati ɨmo axɨbama aɨtoxti.

Hechos 26:19

“Sane naukiche, axɨkɨ yɨriabux Agripa, axɨñɨ ikokota axɨmanu yastai auki napes,

Hechos 26:23

axti Mesías ta koiñoti ñana, tyonentityo naki kusɨrɨboti ñana asɨboriti tato nauki aityusiankati basarux ɨmo axɨbama ikokoromati, ɨmo axɨbamaintyo chɨtɨpɨ judíos.

Hechos 3:19

Sane naukiche, apiñokosio nomɨnantɨ, apikokosio yakɨpukuxti Tupax. Sane moximiakana tato uiti nanaiña axɨmanio nomɨnantɨ aboi,

Hechos 5:31

Atɨraiti tato uiti Tupax auki aityɨmokonoti au nepanaunkuxti, Yɨriabuxti uiti naki uiche utaesɨbuka ñopɨnanaki nominainte, nauki axɨbama auki Israel aiñokoma nomɨnantɨ sane ixhimiakatati Tupax nomɨnantɨ uimia.

Romanos 8:17

Tyopiki aɨtoxti Tupax oñɨ, ane ñana toxiobo oemo nenaxixhti axɨmanu ɨriotɨ tɨkañe uiti oemo tyone axɨna basutiu chepeti Cristo, tyopiki utakisɨrɨka chepeti nauki ayetyo osoi chepeti au nɨriakaxti.

1 Corintios 1:2

xhakonomoka ɨmoma axɨbama ikokoromati Tupax axɨbama aboma au Corinto, axɨbama au nɨrixhti Jesucristo kurusɨoma ɨmoti Tupax, tasuruma nauki tyonema aɨtoxti tapɨ ane nipɨnatema chepe namanaiña axɨbama ñemanauntu ikokotama nuraxti Yɨriabux Jesús, tyonenti Yɨriabuxti ɨmoma takanaintyo oemo.

1 Corintios 1:30

Uitiatoe Tupax abaka chepeti Cristo Jesús, uitityo Cristo tyonenti axɨna nuipiaka, axɨnaintyo uxia numapanaunku, uitityo ukurusɨka uitityo ane maximiakatax oemo.

2 Corintios 4:4

Tyopiki axɨma chikokotapɨma, axti naki tupax ikuki axɨna kɨx (axti chobores) uiti tabuxio ñapanaunkuxɨma, nauki tapɨ astaimia nanentakax axɨba omixhia manityakax uiti Yɨriabux Jesús, tyone axɨna sɨboriko nausɨpɨtuxti Tupax.

2 Corintios 4:6

Tyopiki axti Tupax naki bakɨpuruti tɨkañe nauki ane basarux au tomikianene, tyonenti naki uiche ane basarux au nuyausasɨ, nauki anentax osoi ɨmo makiataka, ui numanunekaka ɨmoma axɨna niyarusɨrɨkɨxti Tupax axɨna ane kuara kɨtɨpɨti Jesucristo.

2 Corintios 6:14

Tapɨ abasikia kɨtɨpɨ taman yubux aɨbuma axɨbama chikokoropɨmati Tupax. Tyopiki ¿isane iyebo axtɨ uichepekata axɨna uxia mapanaunkux chepe axɨna chuxiampɨ? ¿Axtɨ basarux uiñata chepe tomikianene?

Gálatas 2:20

chauki chaxɨpɨñɨnki isɨborikia, ta tyonenti Cristo naki sɨborikoti sɨtɨpɨñɨ. Tapɨ axɨna nisɨboriki kaɨma ane sɨtɨpɨñɨ, isɨborikia ui axɨna ikokokati naki Aɨtoxti Tupax, tyopiki isuasɨrɨka ɨmoti ityoximiatatityo nisɨborikixhti chopikiñɨ.

Gálatas 3:14

Sane nauki nipukɨnunkuxti Abraham uiti Tupax aiñanaintyo tyopikiti Cristo Jesús ɨmoma axɨbama chɨtɨpɨ judíos. Sane isiuki numakokonaunku namanaiña basuriuruti Espíritu naki uiti Tupax ɨriotɨ tɨkañe.

Gálatas 3:2

Tyoneantai axɨna ixhanka xhankiyo amopɨnanaki: ¿Apasukiukati Espíritu Santo auki napes tyopiki apikokota axɨmanu bakɨpukux uiti Moisés o tyopiki apasutiu axɨna manityakax ɨmo napakokonaunku?

Efesios 1:11

Aɨbuti Cristo, uiti Tupax samamekana oñɨ aukiapae tɨkañe nauki basuriu aruki axɨmanu toxiobo uiti oemo, sane takana nixhankaxti Tupax aisamunenti, tyopiki nanaiña isamunenti auki noñemaxti.

Efesios 1:14

Axti Espíritu Santo tyonenti kusɨrɨboti uiche atusi ta ñemanauntu toxio ñana axɨmanu ɨriotɨ uiti Tupax, axtɨ tɨtane maximiakatax ɨmo namanaiña oemo axɨbama aɨtoxti, nauki namanaiña machampienka tyopki yarusɨrɨx nɨriakaxti.

Efesios 1:18

Xhankikiaityo pɨnanakiti Tupax nauki aye nuxia aboi kausane niyarusɨrɨkɨx axɨmanu maximiakatax ɨmoma axɨbama ikokoromati Tupax.

Efesios 1:7

Aɨbuti Cristo ane maximiakatax oemo ui notoxti, axɨna maximiakatax ñome nomɨnantɨ oboi niyarusɨrɨkɨ nipukɨruxti.

Efesios 2:8

Tyopiki ui nipukɨruxti Tupax axaño apasutiu maximiakatax ñome nomɨnantɨ aboi tyopiki apikokokati Tupax. Chaboiyapatoepɨ aye aboi axɨna sane, ta tyone ñakumanataxti Tupax.

Efesios 4:18

champɨ isane ñapanaunkuxɨma, chiyebpopɨ uimia axɨmanu sɨborikixh kuatɨ esakiti Tupax, tyopiki champɨ nipiakaxɨma ui nityai nausasɨxɨma.

Efesios 5:11

Tapɨ apisamute axɨna chuxiampɨ isiuki axɨbama chisuputaramapɨti Tupax, tyopiki axɨmanu isamutema champɨ nanenekiche. Axɨna uxia ta axtɨ aburapoi sukarɨma axɨna chuxiampɨ isamutema.

Efesios 5:14

tyopiki nanaiña axɨna ityusiankanɨ nuxia, ane aɨbu basarux. Sane naukiche nantɨ sane: “Astopɨ, axɨkɨ naki anuka. Atɨsai axɨpekuki makoiñoka, uiti Cristo anentax aemo.”

Efesios 5:8

Axaño tɨkañe ausɨborikia au tomikianene, tapɨ kaɨma ui axɨna abaka aɨbuti Yɨriabux Jesús ausɨborikia au nanentax. Sane naukiche apiña takana axɨbama aboma au nanentax.

Efesios 6:12

Tyopiki chubaikiapɨ aɨbu mañoñɨnka takana axoñɨ, ta aɨbu machoboreka axɨbama chuxiampɨ uimia au napes. Tyonema axɨbama kaɨma iñatama nɨriakaxɨma takanaintyo noñemaxɨma auna iku axɨna kɨx.

2 Timoteo 2:26

sane añekama ui nimetoxti chobores kauta aboma amanama nauki aisamunenti aɨbuma axɨna nixhantɨmoti.

Hebreos 10:10

Axoñɨ ukunusɨankaka uiti Tupax tyopiki axti Jesucristo isamutenti noñemaxti. Ta ityoximiatati nikɨtɨpɨxti taman niyɨkɨx ɨmo nanaiña naskɨbeka, takana makumanatax nauki amoximiaka nomɨnantɨ osoi.

Hebreos 10:14

tyopiki ui kunauntañantai ñakumanataxti kicheseña tato nakaxɨma axɨbama samamekanama ɨmoti Tupax ɨmo nanaiña naskɨbeka.

Hebreos 11:6

Chuxiampɨ ɨmoti Tupax axtɨ chuikokokatipɨ, nauki apukɨnuti Tupax ukuata uikokora ta anati sɨborikoti, ane toxiobo uiti ɨmoma axɨbama yapacherioromati.

Hebreos 9:15

Sane naukiche tyonenti Jesucristo naki manityanabo utaku ɨmo axɨmanu aɨbo ɨriotɨ oemo tatityo uiti Tupax. Tyopiki axti Cristo koiñoti nauki axti Tupax aixhimiakati nomɨnantɨ osoi axɨba uisamute tɨkañe naukiche usakaiki aɨbu axɨmanu kusɨrɨbo ɨriotɨ oemo, tyopiki ui nikonkoxti ane maximiakatax ɨmo mañoñɨnka, uityo nikonkoxti, namanaiña axɨbama samamekanama yasutiuma ñana axɨmanu toxiobo ɨmoma axɨna champɨ nityakɨrux ɨriotɨtɨ uiti tɨkañe ɨmoma.

Santiago 2:5

Masarukityaiki, amonsapesio axɨna sane: Axti Tupax samamekanama uiti axɨbama taruku nityakisɨrɨkɨxɨma ikuki axɨna kɨx, nauki nenaxixhimia tyone ñana axɨna ñakokonaunkuxɨma nauki asuriuma enaxiboma nanentakax au napes axɨna ɨriotɨ tɨkañe uiti ɨmoma axɨbama manaunuma ɨmoti.

1 Pedro 1:4

uitityo toxio ñana aume nanaiña axɨmanu ane aɨburu uiti au napes, axɨmanu champɨ isane uiche amameso ñana.

1 Pedro 2:25

Tɨkañe axaño amamenka takana axobe nobixhaka bokɨsebo, tapɨ kaɨma abekatɨ tato esati Cristo, tyonenti takanati naki asaratitɨ autaku ta okɨmanatityo autaku.

1 Pedro 2:9

Axaño tyonema axɨbama aɨtoxti Tupax samamekana año uiti, sacerdote año nauki apaserebi ɨmoti Yɨriabux, axɨbama champɨ nipɨnatema, axɨbama kaɨburuma uiti Tupax eanaki nomɨnantɨ. Axɨna sane ta nauki aburaboi axɨba champɨ tu bastai nisamukuxti Tupax, nauki aye aboi kauta taruku nanentakax esati.

1 Juan 1:9

Tapɨ axtɨ usuraka oñɨ sukarɨti Tupax, sane oñonkatɨ ɨmoti, axti naki uxia ñapanaunkuxti, ixhimiakatati nanaiña axɨba nomɨnantɨ osoi.

1 Juan 2:12

Masaɨtaiki, xhakonomoka aume tyopiki axti Tupax moximiakana uiti nomɨnantɨ aboi yotopiki axɨba isamutenti Jesucristo.

1 Juan 3:8

Axti naki taikiana aisamunenti nomɨnantɨ tyonenti ityurapataxti chobores, tyopiki axti chobores isamutenti nomɨnantɨ auki ñemonkox tɨkañe, tyone axɨna nɨmoche ayetitɨ Jesús, naki Aɨtoxti Tupax: nauki aiñaximiakati nanaiña axɨba nisamukuxti chobores.

1 Juan 5:19

Tusiu oemo ta aɨtoxti Tupax oñɨ, tapɨ axɨbama makiataka iku axɨna kɨx aboma kiana nɨriakaxti chobores.

SAN JUDAS 1:1

Axɨñɨ Judas, yaserebikia ɨmoti Jesucristo isarukitityo Santiago, nixhakionko ɨmoma axɨbama kuasɨrɨma ɨmoti Tupax, naki Uyaɨ axɨbama samamekanama uiti, axɨbama asaratitɨ Jesucristo tyakuma.

Apocalipsis 21:27

Chiyebopɨ ñana akamanu ui axɨna chuxiampɨ ɨmoti Tupax. Chiyebopɨ ñana uimia axɨbama manaunuma ɨmo matupaka nisamuku mañoñɨnka. Kunauntañamantai axɨbama ane korobo nɨrixhimia iku axɨmanu kichonimiakax ui Nobixhax.