Hechos 26:10 - Manityanati Tupax

¹⁰ Sane sobi tɨkañe au Jerusalén. Ui yakɨpukuxɨma axɨbama ɨriatu axɨbama sacerdotes, amanamampo sobi sɨrɨmanama axɨbama ikokoromati Jesús. Axtɨ koiñoma uimia uxia au nixhakionko.

Manitanati Tuparrü

¹⁰ Sane isamute tücañe au Jerusalén. Rranquiquia isüriacabo pünanaqui bama üriatu sacerdoterrü. Sürümanama bama icocoromati Jesús süroma au preso sobi. Urriampae iñemo arrtü taborioma.

Hechos 26:10 교차 참조

Hechos 7:58

Tononoti akɨ uimia auki axɨmanio poka, akamanu yarurumati oboi kanka. Axɨmanuma uiche urabomati iñokotama nikɨbuxixhimia esati taman yaɨx nɨrixhti Saulo, nauki asaratitɨ yutaku.

Hechos 8:1

Au axɨmanu tɨkañe nanenes namanaiña axɨbama ikokoromati Jesús auki Jerusalén matanekanama. Iñaxiomantai, sɨromatɨ au Judea au Samaria, tapɨ axɨbama apóstoles sɨsioma au Jerusalén. Au axɨmanu nanenes axɨmanuma ikokoromati Jesús matanekanama ñɨnanama axɨmanuma chuxiampɨ uimia ɨmoma au Jerusalén. Namanaiña iñaxiomantai, sɨromatɨ au Judea au Samaria, tapɨ axɨmanuma nesaxti apóstoles Jesús chiñaxipɨma.

Hechos 8:3

Tapɨti Saulo, sɨrotitɨ isiuma axɨmanuma ikokoromati Jesús, sɨrotitɨpo ubau poka tononoma akɨ uiti mañoñɨnka takanaintyo paɨka nauki amanamampo uiti.

Hechos 9:21

Namanaiña axɨmanuma amonkoma akamanu kɨtobɨsoma ui axɨna nuraxti, namatɨ: –¿Kanapaemo axti maniki anankati isiu axɨbama urapoimia nɨrixhti Jesús au Jerusalén? Tyonenti naki kuatati tauna nauki aɨromatɨ uiti tomoenoma au Jerusalén, esama ɨriatuxɨma axɨbama sacerdotes.

Hechos 9:26

Naukiche iñataiti Saulo au Jerusalén, xhanxtipɨ oberabarama uiti axɨmanuma ikokoromati Jesús. Tapɨ axɨma bixhubuma ñɨnanati, tyopiki chikokotapɨma axtɨ ikokoroti Jesús.

Hechos 9:32

Axti Peru, niyacheataxti aɨrotitɨ esama axɨmanuma ikokoromati Jesús, sɨrotitityo esa axɨmanuma champɨ nipɨnatema po'osoma au Lida.

Hechos 9:41

Axti Peru iñentati ne'es, iñatɨnaiñakatati. Auki tasuruma uiti axɨbama ikokoromati Jesús yochepe axɨmanio biuraka. Ityusiankatati sukarɨma, sɨboriko tato.

1 Corintios 15:9

Axɨñɨ simiamañɨantai axɨpekuma axɨbama apóstoles, chɨkoñopɨtɨ iñemo sane nisɨri takana axɨmanuma makiataka, tyopiki tɨkañe ikuneunkama axɨbama ikokoromati Jesús.

Gálatas 1:13

Axaño apipiate kausane tɨkañe nisɨboriki naukiche ikokota axɨna ikokotama axɨbama judíos, kausaneityo naukiche anankañɨ isiuma aɨbu nichɨbori axɨbama ikokoromati Tupax ixhankaityo iñamesoko axɨna ñakokonaunkuxɨma.

Efesios 1:1

Axɨñɨ Pablo, yaka isiuti Jesús ui noñemaxti Tupax, nixhakionko ɨmo namanaiña axɨbama auki Éfeso axɨbama ikokoromati Jesús aboma chepeti.

Apocalipsis 17:6

Auki kuatɨ au nixhakionko axɨmanu paɨx ta orisɨbabo ui noto axɨbama ikokoromati Tupax uityo notoxɨma axɨbama manunekanama tɨkañe au nɨrixhti Jesús. Isɨtobɨka nuxia uixh, naukiche yasakatɨ ɨmo.