Hechos 24:16 - Manityanati Tupax

¹⁶ Sane naukiche nantax taikiana uxia nixhapanaunku sukarɨti Tupax takanaintyo sukarɨ namanaiña.

Manitanati Tuparrü

¹⁶ Sane nauquiche nantarrtai arucu nurria iñemo, itopiqui urria nirrapanauncu isucarüti Tuparrü y isucarü macrirrtianuca.

Hechos 24:16 교차 참조

Hechos 23:1

Axti Pablo asaratitɨ ɨmo axɨmanuma mayɨriabuka nanti ɨmoma: –Ma sarukityaiki, axɨñɨ champɨ kausane nisɨboriki au axɨba naneneka sukarɨti Tupax.

Romanos 2:15

ityusiankatama ui nisɨborikixhimia ta ane axɨmanu bakɨpukux uiti Moisés korobo au nausasɨxɨma. Ui ñakiokoxɨmantoe uraboi axtɨ uxia o chuxiampɨ axɨna isamutema

Romanos 9:1

Ñemanauntu sukanañɨ au nɨrɨxhti Cristo, chixhapankapɨ, axɨna nixhapanaunku uixh uraboi sukarɨñɨ ui noñemaxti Espíritu Santo, ta ñemanauntu axɨna sukanañɨ

1 Corintios 10:32

Tapɨ apisamute axɨna chuxiampɨ sukarɨ makiataka. Sukarɨ axɨbama judíos, sukarɨma axɨbama chɨtɨpɨ judíos, axɨbamaintyo ikokoromati Tupax.

1 Corintios 4:4

Au nixhakionko champɨ nomɨnantɨ sobi, chuixhipɨ ñemanauntu uxia nisɨboriki. Axti Yɨriabux auki napes tyonenti naki uiche asaraiti.

2 Corintios 1:12

Ane axɨna tyopikiche taruku suipukɨnunku, tyopiki axɨna suiyausɨpɨ uixh uraboi ta besɨro suisɨboriki iku axɨna kɨx, takanaintyo aupu. Tyopiki axɨsomɨ chisomekapɨtɨ isiuki ñapanaunkuxɨma mañoñɨnka, ta somonkatɨ ɨmo noñemaxti Tupax.

2 Corintios 4:2

Sopiñokota axɨmanu tɨkañe nanaiña anekanatai soboi, takana axtɨ suisɨsoka. Chɨsupatachemakakapɨ chɨkiataxɨpityo supanunekaka nuraxti Tupax. Axɨsomɨ supanunekaka axɨna ñemanauntu, sane sopityoximiata ɨmo namanaiña takanaintyo ɨmoti Tupax nanaiña axɨna sopisamute.

1 Tesalonicenses 2:10

Axaño tusiu nuxia aume, takanaintyo ɨmoti Tupax, ta axɨsomɨ sopisamute nantax axɨna besɨro suisɨboriki aɨbu namanaina axaño axɨbama apikokokati Cristo.

1 Timoteo 1:19

Iyebo ñana obi takanati sortabox naki onkotitɨ nuxia ɨmoti Tupax naki champɨ tyopikiche chuxiampatai nuraxɨma ɨmoti.

1 Timoteo 1:5

Asamu nuxia iñemo aiñununekasama nauki ñemanaunkuxatoe akuasɨrɨma ɨmomantoe. Axɨbama champɨ kausane au nausasɨxɨma, axtɨ ñemanauntuityo ikokoromati Tupax, sane ñakumananaunkuxɨma.

1 Timoteo 3:9

Tari taikiana aikokoma nanaiña axɨba omixhia manityakax botoxio oemo uiti Tupax axɨba uikokokio, tari taikiana uxia ñapanaunkuxɨma.

2 Timoteo 1:3

Ñachampienkaka ɨmoti Tupax, naki ɨmoche yaserebikia aɨbu axɨna kicheseña niyausasɨ, takana axɨbama iyaɨtaiki tɨkañe, taikiana xhakionoñɨ akɨ axtɨ ñeanka au sapes autyo tobixh.

Tito 1:15

Axɨbama uxia nisɨborikixhimia nanaiña uxia ɨmoma. Tapɨ axɨbama isamutema nomɨnantɨ champɨ uxia ɨmoma, chixhanxɨpɨmaintyo aikokoromati Jesús, tyopiki kunauntaña axɨna chuxiampɨ xhanxɨma aisamunema, choxonenepɨ ɨmoma axɨna sane nisɨborikixhimia.

Hebreos 10:22

Sane naukiche kuri esati Tupax aɨbu kicheseña nuyausasɨ aɨbuityo ñemanauntu numakokonaunku, axɨbio nuxia nuyausasɨ pɨnanaki nanaiñantai nomɨnantɨ takanaintyo nokɨtɨpɨ axɨbio ui tux kɨcheseña.

Hebreos 13:18

Apanki pɨnanakiti Tupax suichaku, tyopiki tusiu suiñemo champɨ sopipɨnate ɨmoti Tupax, tyopiki axɨsomɨ sopiñata nuxia nauki besɨro suisɨboriki.

Hebreos 9:14

Axtɨ sane, ¡notoxti Cristo taruku nɨriakax ñopɨnanaki noboto numukianka! Tyopiki ui noñemaxti Espíritu Santo, naki champɨ nityakɨru nisɨborikixhti, axti Cristo uixhtiatoe aityoximianatiyɨ ɨmoti Tupax takana makumanatax champɨ nomɨnantɨ kɨtɨpɨ, ui notoxti sɨrɨbu nomɨnantɨ okɨtɨpɨki axɨbaityo chomixhampɨ uisamukio axɨba oboiche uɨkatɨ ɨmo nokonko, nauki sane baserebi ɨmoti Tupax naki sɨborikoti.

1 Pedro 2:19

Tyopiki enaunku atoxi oemo uiti Tupax axtɨ champɨ tyakuche utakisɨrɨka ui makiataka.

1 Pedro 3:16

apisamuse aɨbu nautakisɨrɨkɨ aɨbuityo napanaunku. Apisamuse nausɨboriki isiuki axɨna uxia napapanaunku, nauki axɨbama chuxiampɨ nuraxɨma ɨmo axɨna uxia nausɨboriki tyopiki apikokokati Cristo, akɨsoma tato oboi axɨba chomixhampɨ nuraxɨma.

1 Pedro 3:21

Axɨmanu tux tɨkañe tyone axɨna tux uiche osɨrikia, tyone axɨna uiche kaɨma ane maximiakatax oemo. Axtɨ osɨrikia chɨtɨpɨ nauki uiyaxɨbi nokɨtɨpɨ, ta nauki manki pɨnanakiti Tupax uxia numapanaunku, ixhimiakatityo axɨba nomɨnantɨ osoi tyopiki ta sɨborikoti tato Jesucristo,