Hechos 23:23 - Manityanati Tupax

²³ Axti maniki yɨriabux ɨmo nipo masortaboka batasuruti ɨmo axɨmanuma tox ɨriatu masortaboka, bakɨpuruti ɨmoma nauki akoborimia aɨbu axɨbama docientos masortaboka auki akɨ, setenta yuchaku kabayuka docientos aɨbu nixhankaxɨma, nauki aɨromatɨ au Cesarea ɨmo saimia kɨmuintya tobixh.

Manitanati Tuparrü

²³ Auqui tasuruma uiti comandanterrü bama torrrü macapitaneca, nanti ümoma: —Aucobori aübu doscientos masortaboca acü setenta masortaboca yuchacu cabayuca y doscientos masortaboca aübu ransaca. Tiene que amenotü au Cesarea caüma tobita a las nueve.

Hechos 23:23 교차 참조

San Mateo 14:25

Naukiche tɨkuatɨ nanenes, axti Jesús sɨrotitɨ kɨmenuma amenkoti isuki tux.

San Lucas 12:38

Taikiana chiyaupɨ nipukɨnunkuxɨma axɨbama, axtɨ tabɨkoma uiti astayomatɨ champɨ nɨmoche axtɨ iñataiti kɨmuintya tobixh axtɨ tɨkuatɨ nanenes.

Hechos 23:22

Auki axti maniki yɨriabux ɨmo nipo masortaboka, nanti ɨmoti maniki ñaɨma asamuti nuxia tapɨ urapoiti sukarɨ makiataka axɨna urapoiti sukarɨti.

Hechos 23:31

Axɨmanuma masortaboka isiuki axɨmanu bakɨpukux ɨmoma, sɨromatɨ aɨbuti Pablo au tobixh au Antípatris.

Hechos 23:32

Au axɨmanu kiatax nanenes, axɨmanuma masortaboka sɨromatɨ akɨ basɨkɨbɨkoma tato au nesaxɨma nipo masortaboka, tapɨ axɨmanuma yebomatɨ yuchaku kabayuka sɨromatityo aɨbuti Pablo.

Hechos 23:33

Naukiche tiñataimia au Cesarea, ityoximiatama axɨmanu kichonimiakax ɨmoti maniki yɨriabux akamanu, auki toxiotityo Pablo uimia ɨmoti.

Hechos 24:7

Auki nakaxti yɨriabux ɨmo nipo masortaboka axti Lisias, kaɨburuti uiti somopɨnanaki.

Hechos 8:40

Auki anankati Felipe au Azoto, auki sɨrotitɨ au pikiataka tube manunekanati axɨmanio omixhia manityakax, auki iñataiti au Cesarea.