Hechos 21:18 - Manityanati Tupax

¹⁸ Au kiatax nanenes, yebotitɨ Pablo suichepe sumasarati Santiago, akamanu amonkoma oberabarama namanaiña mayɨriabuka.

Manitanati Tuparrü

¹⁸ Au quiatarrü nanenese arrti Pablo iquianati somü esati Jacobo. Acamanu iyoberabaramacü ito namanaiña bama ane nüriacarrüma eana bama icocoromati Jesús.

Hechos 21:18 교차 참조

San Mateo 10:2

Tyoneio axɨba nɨrixhimia axɨmanuma sɨromatɨ isiuti Jesús nɨrixhimiaintyo uiti axɨbama apóstoles: kusɨrɨboti Simón nɨrixhtityo Peru, axti Ñantrexi yarukityoxtiatoe. Axti Santiago ichepeti yarukityoxtiatoe axti Kuan, aɨtoxti Zebedeo.

Hechos 11:30

Sane isamutema, bakɨpuruma aɨbu ñakumanataxɨma aɨbuti Bernabé ichepeti Saulo, ɨmo axɨmanuma mayɨriabuka au Judea.

Hechos 12:17

Tapɨti nanti ɨmoma esurutiatai ui ne'esti tapɨ manityanama, auki urapoiti nanaiña sukarɨma axɨna yachɨkoiti Yɨriabux aɨbuti, kausane aɨrotitɨ tyɨrɨpo aukimanu kauta anankati amanatipo. Auki nantityo: –Aburasoi axɨna sane sukarɨti Santiago ichepe axɨmanuma yarukityoxti, auki sɨrotitityo aukimanu.

Hechos 15:13

Naukiche tɨtochenko ñanityakaxɨma, axti Santiago nanti sane: –Masarukityaiki amonsapesio nisura:

Hechos 15:2

Axti Pablo chepeti Bernabé uratokioma nuxia aɨbuma tyopiki axɨna sane, au nityakɨrux axti Pablo, chepeti Bernabé chepe axɨmanumaintyo makiataka bakɨpuruma ɨmoma nauki aɨromatɨ au Jerusalén, aparimia nuxia ɨmo axɨna sane aɨbu axɨmanuma amonkoma isiuti Jesús, aɨbu axɨmanumaintyo mayɨriabuka axɨbama ikokoromati Jesús.

Hechos 15:23

uimia aɨrotɨ axɨmanu kichonimiakax korobo nantɨ sane: “Axɨsomɨ axɨbama apóstoles, axɨbamaintyo mayɨriabuka, axɨbama aubarukityaiki apasusiu supakionko tanu aume, axɨbama suisarukityaiki, chɨtɨpɨ judíos po'oso año au Antioquía au Siria au Cilicia.

Hechos 15:6

Auki iyoberabaramakɨ axɨmanuma amonkoma isiuti Jesús chepe axɨmanuma mayɨriabuka nauki asaraimia axɨna sane.

Hechos 20:17

Naukiche amonkosomɨ au Mileto, bakɨpuruti Pablo iyo axɨmanuma mayɨriabuka axɨpekukimia axɨmanuma ikokoromati Jesús auki Éfeso.

Hechos 24:11

Axtɨ axianka ankisio, tɨtabe doceatai naneneka naukiche iñanai xhanau ɨmoti Tupax au Jerusalén.

Gálatas 1:19

Chiyasakapɨma axɨmanuma makiataka apóstoles, kunauntañantiatai Santiago yasakati yarukityoxti Yɨriabux Jesús.

Gálatas 2:9

Axti Santiago chepeti Peru axtityo Kuan, tyonema axɨbama yɨriabuxɨma ɨmoma axɨbama ikokoromati Jesús, ikokotama ta uiti Tupax aityoximiati iñemo axɨna nisɨriaka, nauki atusi ta yasuriuruma somɨ chepema, ityoximiatama ne'esɨma iñemo ɨmotityo Bernabé, auki chepe ñakionkoxɨma nauki somenotɨ aɨbu axɨna supachɨkoi axɨpekuma axɨbama chɨtɨpɨ judíos, tapɨ axɨma sɨromatɨ axɨpekuma axɨbama judíos.

Santiago 1:1

Axɨñɨ Santiago yaserebikia ɨmoti Tupax ɨmotityo Yɨriabux Jesucristo, nixhakionko tanu ɨmoma axɨbama aɨtoxti Israel axɨbama aboma au nanaiña iku axɨna kɨx.