Hechos 20:22 - Manityanati Tupax

²² Axɨñɨ yɨkatɨ au Jerusalén ui noñemaxti Espíritu Santo, chɨtusiupɨ iñemo kausane ñana nisɨboriki ta'a,

Manitanati Tuparrü

²² Arrüñü caüma yecatü uiti Espíritu Santo au Jerusalén. Chütusiopü iñemo isane pasabobo iñemo taha.

Hechos 20:22 교차 참조

Santiago 4:14

¿Kausane apanitya sane, abo chɨtusiupɨ aume kausane axɨna nausɨboriki tyubaka? Axɨna nausɨboriki takana mutusaɨx axtɨ kuatɨ auki ensoro tatityo.

2 Corintios 5:14

Axɨna nukuasɨrɨkɨ ɨmoti Cristo sɨsio suisɨtɨpɨ naukiche tɨtusiu suiñemo koiñoti taman tyaku namanaiña, sane naukiche namanaiña koiñoma.

2 Pedro 1:14

Axti naki Yɨriabux oemo Jesucristo urapoiti sukarɨñɨ ta tɨsaimia ñana atakɨru nisɨboriki.

Hechos 20:16

Sopisamute sane ityopikiti Pablo, tapɨ tochenkoti au Asia, chixhanxtipɨ aɨrotitɨ au Éfeso. Tyopiki xhanxti konto aiñanainti au Jerusalén ɨmo axɨmanu pukɨnunkux Pentecostés.

Hechos 19:21

Yopɨrɨkɨ nanaiña axɨba sane, kuatɨ au ñakionkoxti Pablo, aɨrotitɨ au Macedonia au Acaya, auki aɨrotitityo au Jerusalén, nanti sane: –Axtɨ tiyaka au Jerusalén auki yɨkatityo au Roma.

Hechos 17:16

Naukiche tochenkoti Pablo kɨmenuma au Atenas, taruku nisuchekixhti ityopiki astaiti akamanu axɨmanuma po'oso manaunuma ɨmo makiataka matupaka.

San Juan 18:4

Tɨtusiu ɨmoti Jesús axɨna ɨmoche ayematɨ, sɨrotitɨ kɨmenuma ankirioti pɨnanakimia: –¿Ñakuti naki iyoche napapacheki?

San Juan 13:1

Kɨmenu nuxia axɨmanu pukɨnunkux Paxkua, tapɨti Jesús tɨtusiu ɨmoti tɨsaimia axɨmanu mapakɨmunkutux ɨmoti aiñokoti axɨna kɨx nauki aɨrotitɨ tato esati Yaɨtoti. Taikiana taruku nikuasɨrɨkɨxɨma ɨmoti axɨbama aboma iku axɨna kɨx, sane nikuasɨrɨkɨxɨma ɨmoti ichepe nityakɨrux.

San Lucas 12:50

Kusɨrɨbo yasuriu axɨmanu pichananene makokotox iñemo, ¡taruku nichakisɨrɨkɨ ichepe axtɨ tuxiante axɨna sane!

San Lucas 9:51

Naukiche tɨsaimia axɨmanio naneneka auche ñana aɨroti tato Jesús au napes, sɨrotitɨ aɨbu narukux ɨmoti au Jerusalén.