Hechos 2:41 - Manityanati Tupax

⁴¹ Au axɨmanu nanenes, saimia ɨmo trex mil nububikixhimia ikokotama axɨna ñanunekakaxti Peru. Naukiche ɨrioma ui axɨmanuma amonkoma isiuti Jesús, namanaiña sɨromatɨ isiuma.

Manitanati Tuparrü

⁴¹ Arrübama yasutiuma ñacuansomococorrti, ürioma. Au manu nanenese iñanamacü arrüpecu bama icocoromati Jesús, taqui tres mil nubiquirrimia.

Hechos 2:41 교차 참조

San Juan 14:12

Ñemanauntu sukanañɨ aume axti naki ikokoroñɨ, omixhantetyo uiti axɨba omixhante sobi, omixhantenkityo uiti pikiataka axɨba yarusɨrɨkatoe. Tyopiki axɨñɨ yɨkatɨ esati Iyaɨ.

San Juan 21:11

Sɨrotitɨ Simón Peru au axɨmanu canoa auki aityonoti isiu nabeux axɨmanu momes ataso oboi nopiokoka posɨrɨmanaka, amonkio ciento cincuenta trex. Ui axɨna sane nisubaiki nopiokox, axɨmanu momes chɨkiopɨropɨ.

Hechos 1:15

Au axɨmanio naneneka nanti Peru ɨmoma axɨmanuma ikokoromati Jesús oberabarama akamanu, saimia ciento veinte nububikixhimia, nanti ɨmoma:

Hechos 13:48

Naukiche onkoimia axɨna sane axɨmanuma chɨtɨpɨ judíos pukɨnuñama nuxia uixh, auki namatɨ ta uxia axɨna nuraxti Yɨriabux. Namanaiña ikokotama axɨmanuma tɨsamamekanama nauki aye uimia axɨna champɨ nityakɨru nisɨborikixhimia.

Hechos 2:37

Naukiche axɨmanuma amonkoma akamanu onkoimia axɨna sane, taruku nisuchekixhimia auki ñankitioma pɨnanakiti Peru pɨnanakityo axɨmanuma makiataka amonkoma isiuti Jesús: –Masarukityaiki, ¿isane axɨna supachɨkoboibo?

Hechos 2:47

Machampienkanama ɨmoti Tupax taruku nipukɨruxɨma makiataka tyakuma. Naneneka isumainkianɨ uiti Yɨriabux nububikixhimia axɨbama ikokoromati.

Hechos 27:37

Axɨna sububiki au axɨmanu canoa doscientos setenta y seis.

Hechos 3:23

Tyopiki axti naki chɨmakokonaumpɨ ɨmoti maniki profeta, penekoti abaxɨpekuki.’

Hechos 4:4

Tapɨ axɨmanuma sɨrɨmanama amonkoma onsapekoma nuraxti Peru, ikokotama. Sane naukiche axɨmanu nububikixhimia axɨbama ikokoromati Jesús, iñatai saimia cinco mil axɨbamantai mañoñɨnka.

Hechos 7:14

Auki bakɨpuruti Kiosen iyoti yaɨtoti axti Jacob iyoityo namanaiña axɨbama yarukityoxti, setenta y cinco nububikixhimia.

Romanos 13:1

Tari namanaiña akokonauma ɨmo mayɨriabuka, tyopiki namanaiña mayɨriabuka sɨroma ui noñemaxti Tupax, axɨbama aboma kaɨma sɨroma ui noñemaxti.

1 Tesalonicenses 1:6

Axaño apisamute nanaiña suisiuki isiukitityo Yɨriabux Jesucristo, axaño apasutiu axɨmanio omixhia manityakax aɨbu naupukɨnunku uiti Espíritu Santo champɨ nɨmoche aboi nautakisɨrɨkɨ.

1 Pedro 3:20

Tyonema axɨbama chɨmakokonaunxɨpɨma ɨmoti Tupax tɨkañe, au axɨmanio naneneka tɨkañe naukiche sɨborikotiki Noé, naukiche axti Tupax pukɨrusutiki tyakuma naukiche amonkoma isamutema axɨmanu canoa, akamanu añekanama ocho nubukixhimia ui tux.

Apocalipsis 16:3

Axti maniki kiatax ángel iyarapatati nichapoxti onɨ narubaityu tux, auki axɨmanu tux sɨsio notox nakax, takana notoxti naki ityabairomati, auki mokoiño nanaiña axɨmanio bosɨboriko eana axɨmanu tux.