Hechos 19:34 - Manityanati Tupax

³⁴ Naukiche tɨtusiu ɨmoma ta judioxti, auki tosibikoma namanaiña taki tox horax: “¡Yarusɨrɨx Artemisa tyone Tupax ɨmoma axɨbama auki Éfeso!”

Manitanati Tuparrü

³⁴ Pero numo tütusio ümoma, que arrti israelitarrti, tosibicoma fuerte chépe nurria, namatü: —¡Yarusürürrü arrüna nutupa Diana auna Efeso! Arrüna nitosibirrimia ururao torrü horarrü.

Hechos 19:34 교차 참조

San Mateo 6:7

“Axtɨ ameanka tapɨ abasikia amukanaño tatityo axɨna champɨ nɨmoche, takana yachɨkoimia axɨbama chɨriopɨma, axɨma au ñakionkoxɨma axtɨ abaityux nuraxɨma ikokotati Tupax.

Hechos 16:20

Ityusiankanama sukarɨ axɨmanuma mayɨriabuka auki, namatɨ: –Axɨbama mañoñɨnka judíos, aboma ausɨratai uimia sukarɨma axɨbama po'oso,

Hechos 19:24

auki nakaxti maniki nɨrixhti Demetrio, axti naki ipiakati asamuti aruki nanaiñantai ui plata. Masamunuti axɨba poka mochiomankatai ui plata takana isamutentityo nipo axɨmanu Tupax ɨmoma, nɨrixh Artemisa, toxio uiti chama monixh ɨmo axɨmanuma makiataka masamunuma chepeti.

Hechos 19:26

Axaño amastai amonkoityo nuraxti maniki Pablo, sɨrotitɨ au nanaiña aɨbu nuraxti axɨbama matupaka nisamuku mañoñɨnka chɨtɨpɨ matupaka. Sane sɨrɨmanama axɨbama ikokotama, chaunantaipɨ au Éfeso, au nanaiña Asia.

Hechos 19:28

Naukiche onkoimia axɨna sane, taruku nityɨborixhimia auki tosibikoma: “¡Yarusɨrɨx Artemisa axɨna Tupax ɨmo axɨbama auki Éfeso!”

Hechos 19:33

Axɨpekuki namanaiña axti Alejandro, ipenenomati au nusuara nauki anityati sukarɨ namanaiña. Axti Alejandro esurutiatai ui ne'esti nauki etayoimia sane anityati tyakuma axɨmanuma judíos sukarɨ namanaiña.

Hechos 19:35

Auki axti maniki taman yɨriabux, nanti sane ɨmoma: “Axaño axɨbama auki Éfeso, namanaiña ikuki axɨna kɨx tusiu ɨmoma ta axɨbama auki Éfeso, toxio oemo nauki basaratɨ tyaku nipo yarusɨrɨx Tupax Artemisa tyakuityo axɨmanu nausɨpɨx kuatɨ akɨ tɨkañe auki napes.

Romanos 2:22

Axtɨ ukanɨ tapɨ ane kiatax paɨx uiti ñoñɨnx, o paɨx axtɨ anati kiatax ñoñɨnx uixh pɨnanakiti ikiana, ¿kausane aisamune sane? Axtɨ atɨborikiatai kuata nityupa makiataka, ¿kausane asikia akusɨpɨ nenaxi nipo neankaxɨma?

Apocalipsis 13:4

Manaunuma ɨmo axɨmanu noixhobox tyopiki toxio uixh ɨriakabo axɨmanu yarusɨrɨx numukianx, auki manaunumaintyo ɨmo axɨmanu yarusɨrɨx numukianx, namatɨ sane: “¿Ñakutipɨ anati takana axɨna yarusɨrɨx numukianx, ñakutipɨ xhanxti aiti aɨbu?”