Hechos 19:26 - Manityanati Tupax

²⁶ Axaño amastai amonkoityo nuraxti maniki Pablo, sɨrotitɨ au nanaiña aɨbu nuraxti axɨbama matupaka nisamuku mañoñɨnka chɨtɨpɨ matupaka. Sane sɨrɨmanama axɨbama ikokotama, chaunantaipɨ au Éfeso, au nanaiña Asia.

Manitanati Tuparrü

²⁶ Pero chauqui tamoncoi nurarrti Pablo. Arrti matachemacanati ui ñanitacarrti ümo nanaiña genterrü au na pueblurrü, y tüsai atusi au nanaiña na provinciarrü Asia. Urapoiti isucarüma que arrübama masantuca urriancama ui mañoñünca champü yaserebiquirrimia, chüvaleopüma.

Hechos 19:26 교차 참조

1 Corintios 8:4

Axtɨ ubaka axɨba makumanataka ɨmoma axɨbama matupaka nisamuku mañoñɨnka, tɨtusiu oemo axɨmanuma matupaka nisamuku mañoñɨnka champɨ nanenekichema iku axɨna kɨx, anati kunauntañati Tupax.

Hechos 17:29

Axtɨ aɨtoxti Tupax axoñɨ, tapɨ kuatɨ au numakionko, nausɨpɨtuxti Tupax tyone takana axɨmanu oro, plata, kanx, nisamuku mañoñɨnka, uxiante uimia isiu axɨna ñakionkoxɨma.

Apocalipsis 9:20

Tapɨ axɨmanuma makiataka, axɨmanuma chɨkoiñopɨma oboi axɨmanio noxokoka, chiñokotapɨma axɨmanu taikiana aisamunema nomɨnantɨ, champɨityo axtɨ iñokotama ñanaunkuxɨma ɨmo machoboreka ɨmomaintyo axɨbama matupaka nisamuku mañoñɨnka ui oro, ui plata, ui bronce, ui kanx uityo soes, axɨmanio chumasarapɨtɨ, chomonaumpɨ champɨityo axtɨ umamenko.

Hechos 19:10

Sane isamutenti isiu tox naskɨbeka, sane naukiche namanaiña axɨmanuma po'osoma au axɨmanu kɨx Asia, axɨbama judíos takana axɨbama chɨtɨpɨ judíos, onkoimia nuraxti Yɨriabux.

Hechos 14:15

–¿Kausane apisamune axɨna sane? Axɨsomɨ mañoñɨnkaityo somɨ takana axaño. Sobekatɨ nauki suburaboi ausukarɨ axɨna omixha manityakax, nauki apiñoko axɨna apisamute champɨ niyaserebikixh, nauki abetɨ tato esati Tupax naki sɨborikoti, naki uiche uxiane kɨx, napes, narubaityu tux ichepe nanaiña axɨna ane iku.

1 Tesalonicenses 1:9

Tyopiki namanaiña uxia nuraxɨma naukiche sopiñatai tanu abaxɨpeku urapoimiaintyo kausane axaño apiñokota napanaunku ɨmo matupaka nisamuku mañoñɨnka nauki apanau ɨmoti naki ñemanaunkuxatoe Tupax naki sɨborikoti,

Gálatas 4:8

Tɨkañe naukiche chausuputakatikipɨ Tupax, kumanakax año ɨmoma axɨbama chɨtɨpɨ matupaka.

1 Corintios 12:2

Axaño tusiu aume naukiche chapikokokatikipɨ Jesús amekatɨatai isiu matupaka nisamuku mañoñɨnka.

Hechos 18:19

Naukiche iñataimia au Éfeso, axti Áquila ichepe Priscila onkonoma akamanu uiti, axti Pablo sɨrotitɨ au sinagoga, akamanu manityanati aɨbu axɨmanuma judíos oberabarama akamanu.

Hechos 19:1

Naukiche anankatiki Apolo au Corinto, tompɨkana uiti Pablo axɨmanio yirityuka, auki iñataiti au Éfeso, akamanu tabɨkoma uiti sɨrɨmanama axɨmanuma ikokoromati Jesús.

Hechos 19:25

Oberabarama uiti, namanaiña axɨmanuma isiu yachɨkoimia, nanti ɨmoma: “Axaño tusiu aume ui axɨna nubachɨkoi uxia nosɨboriki.