Hechos 19:16 - Manityanati Tupax

¹⁶ Axti maniki ñoñɨnx anati chobores kɨtɨpɨti okɨsioti ɨmoma namanaiña iyeboma uiti, taruku nikusɨuxti pɨnanakimia auki besɨburuma auki axɨmanu pox kɨsuasama, obɨrio nuxia ɨmoma uiti.

Manitanati Tuparrü

¹⁶ Au manu rratorrü icüsaborotiyü ümoma maniqui ñoñünrrü anati choborese auti. Bahiyoti ümo manuma siete. Bacheboti nurria ümoma, y macananati ümoma. Auqui besüburuma ñünanati auqui manu porrü, obürio nurria ümoma uiti, y cüsuasama.

Hechos 19:16 교차 참조

San Marcos 5:15

Naukiche aiñanaimia esati Jesús, asaramatɨ ɨmoti tɨmonsoti, ane naibixhti champɨ kausane uiti maniki amonkoma machoboreka kɨtɨpɨti. Namanaiña bixhubuma,

San Lucas 8:29

Nanti sane maniki chobores tyopiki tɨnanti Jesús ɨmoti nauki aɨrotitɨ kɨtɨpɨkiti. Yacheataxti maniki chobores aɨroti kɨtɨpɨti. Axɨbama makiataka ityomoentama ne'esti yochepe nipopesti ui karenax tapɨ taesɨburuti, botopɨro uiti axti maniki chobores besɨburuti aɨbuti kauta champɨ sɨborikixh.

San Lucas 8:35

Axɨmanuma po'oso yebomatɨ asaborimia axɨmanu sane. Naukiche iñataimia kauta anankati Jesús, tabɨkoti uimia tɨmonsoti yobesa nipopesti axti maniki ñoñɨnx amonkoma machoboreka kɨtɨpɨti, ane naibixhti kɨtɨpɨti champɨ kausane ɨmoti. Auki bixhubuma.

Hechos 19:15

Axti maniki chobores aiñumuti nuraxɨma, nanti: “Axɨñɨ isuputakati Jesús, tusiu iñemo ñakuti Pablo. Tapɨ axaño, ¿isane nabɨriaka?”

Hechos 19:17

Namanaiña axɨmanuma po'osoma au Éfeso, axɨmanuma judíos axɨmanumaintyo chɨtɨpɨ judíos, ipiatema auki taruku nixhukuxɨma, sane naukiche omixhia nuraxɨma kɨtɨpɨti Yɨriabux Jesús.

Hechos 3:8

Axti maniki chamenkotipɨ atɨraiti tobɨsoti ape auki amenkoti. Auki sɨrotitɨpo ichepema au nipo meankax, tobɨsotiatai ape, machampienkanati ɨmoti Tupax.

2 Pedro 2:19

Namatɨ ɨmoma ta chebo ñana ɨmoma aisamunema axɨna nixhantɨmoma, tapɨ axɨma ta chiñokotapɨma axɨba chomixhampɨ niyachɨkoimia. Tyopiki axti ñoñɨnx kumanakaxti oboi axɨba chomixhampɨ nixhantɨmoti.