Hechos 18:6 - Manityanati Tupax

⁶ Tapɨ axɨma kaɨma ɨnantɨ ɨmoma auki chuxiampɨ nuraxɨma ɨmoti Pablo. Auki kaɨma ikɨtobitati Pablo naibixhti, nauki atusi ɨmoma ta ane nipɨnatema, nanti ɨmoma: –Aboiyapatoe axtɨ chautaesɨbukapɨ eanaki nomɨnantɨ. Axɨñɨ champɨki nɨmoche sobi. Aukina kaɨma yɨkatɨ suraboi sukarɨ axɨbama chɨtɨpɨ judíos.

Manitanati Tuparrü

⁶ Pero arrübama israelitarrü chirranrrüpüma asuriuma arrüna nurarrti Tuparrü. Manitanama churriampü ümoti. Auqui caüma arrti Pablo icütobitati naibirrti, nanti ümoma: —Aboiyapatoe caüma ane napipünate. Arrüñü chauqui tüsurapoi ausucarü arrüna uiche puerurrü autaesübu eanaqui nomünantü. Auquina caüma yecatü suraboi isucarü bama chütüpü israelitarrü.

Hechos 18:6 교차 참조

San Mateo 10:14

Axtɨ chixhanxɨpɨma asuriuruma año chixhanxɨpɨmaintyo onkoimia napanunekaka, amekosi aukimanu pox aukimanauintyo tube apikɨtobi kɨtox yokɨtɨpɨki naupope.

San Mateo 21:41

Aiñumuma nuraxti: –Champɨ nipukɨruxti tyakuma koiñoma uiti axɨmanuma chuxiampɨ nisɨborikixhimia, auki toxio uiti axɨmanu ñanaunx ɨmo makiataka axɨbama ityoximiatama kɨmuintya axɨna iyebo uimia auki axɨmanu ñanaunx ɨmoti naki iyoche.

San Mateo 21:43

Sane naukiche sukanañɨ aume kaɨburu ñana amopɨnanaki axɨna nɨriakax, nauki atoxi ɨmo makiataka axɨbama ikokoromati.

San Mateo 22:10

Axɨmanuma ikumanakataxti sɨromatɨ tatityo yusiu kutubiuka auki oberabarama uimia namanaiña axɨbama ikuñunuma, axɨbama uxia nɨsɨborikixhimia takanaintyo axɨbama chuxiampɨ nisɨborikixhimia. Sane naukiche ataso nipoxti uimia.

San Mateo 27:25

Namanaiña iñumutama: –¡Axɨsomɨ ichepe axɨbama suisaɨtaiki tari yɨraka suiñemo nikonkoxti!

San Mateo 8:11

Sukanañɨntyo aume sɨrɨmanama ñana kuamatɨ auki tansɨrɨ aukityo nimɨmɨx, tɨmonsoma ñana a'ama ichepeti Abraham, ichepeti Isaac ichepetityo Jacob au nɨriakax au napes,

San Lucas 22:65

Unumati oboi axɨba chɨtamampɨ nuraxɨma kɨtɨpɨti.

San Lucas 9:5

Axtɨ apiñatai au taman tube axtɨ chixhanxɨpɨma asuriuruma año, amekosi aukimanu apikɨtobi kɨtox aupopeki, yakɨna atusi ɨmoma ta ane nipɨnatema.

Hechos 13:51

Auki axɨma ikɨtobitama kɨtox ipopekimia nauki atusi ɨmo axɨmanuma po'oso ta ane nipɨnatema. Auki sɨromatɨ au Iconio.

Hechos 26:11

Taruku nityakisɨrɨkɨxɨma sobi au nanaiña axɨmanio sinagogas nauki aiñokoma ñakokonaunkuxɨma, taruku nichɨbori kuatama yɨkatɨ isiuma axtɨ besɨburuma au pikiataka poka tanu ichee.

Hechos 26:20

kusɨrɨbo xhanuneka nuraxti Tupax ɨmo axɨmanuma po'osoma au Damasco, auki xhanunekaka ɨmoma axɨmanuma auki Jerusalén au nanaiñaintyo axɨmanu kɨx Judea, ɨmo axɨbamaintyo chɨtɨpɨ judíos, sukanañɨ ɨmoma nauki aiñokoma axɨmanu nomɨnantɨ isamutema nauki ayematɨ tato esati Tupax. Tari aisamunema axɨna uxia, nauki atusi, ta ñemanauntu kuamatɨ tato esati Tupax.

Hechos 28:28

Atusi aume, aukina kaɨma axɨna nuraxti Tupax sɨrotɨ ɨmo axɨbama chɨtɨpɨ judíos, ityopiki axɨma ikokotama ñana.

Romanos 3:29

¿Axti Tupax chɨtɨpɨ Tupaxti ɨmoma axɨbamantai judíos? ¿Ensapɨ chɨtɨpɨ ɨmomaintyo axɨbama chɨtɨpɨ judíos? ¡Ñemanauntu ɨmomaintyo axɨbama chɨtɨpɨ judíos,

1 Timoteo 5:22

Tapɨ aikɨsabukɨ aikunusɨankanati naki baserebiobo ɨmoti Tupax asasai nuxia, tyopiki axtɨ axti maniki ñoñɨnx isamutenti axɨna chuxiampɨ axɨkɨtyo ane naipɨnate chepeti. Tapɨ chebo obi aisamune axɨna chuxiampɨ.

2 Timoteo 2:25

tari masamunaunxti akuansomokoti ɨmoma axɨbama taruku nomɨnantɨ uimia, tari ui noñemaxti Tupax aiñoxonkonomakɨ nauki asuputaraimia axɨna ñemanauntu

1 Pedro 4:14

Tari taruku naupukɨnunku, axtɨ anati naki unuti año tyopikiti Cristo, tyopiki nesaxti Espíritu Tupax taikiana ane auchepe.

1 Pedro 4:4

Tapɨ kaɨma, axɨna chapisamutenkipɨ chepema axɨna chuxiampɨ nisɨborikixhimia, axɨma kiatax ñakionkoxɨma sane naukiche chuxiampɨ nuraxɨma aume.