Hechos 18:5 - Manityanati Tupax

⁵ Naukiche axti Silas ichepeti Timoteo iñataimia auki Macedonia, tyoneantai kaɨma yachɨkoiti Pablo, manunekanati nuraxti Tupax, manunekanati ɨmo axɨmanuma judíos axti Jesús ta tyonenti Mesías.

Manitanati Tuparrü

⁵ Auqui arrti Silas ichepeti Timoteo iñataimia auqui Macedonia. Arrti Pablo caüma toneantai niyachücoiti, uraboiti nurarrti Tuparrü. Urapoiti nurria isucarü bama israelitarrü, que arrti Jesús tonenti Cristo, naqui ümoche tücoboi yarrüperacarrüma.

Hechos 18:5 교차 참조

San Lucas 12:50

Kusɨrɨbo yasuriu axɨmanu pichananene makokotox iñemo, ¡taruku nichakisɨrɨkɨ ichepe axtɨ tuxiante axɨna sane!

San Lucas 16:28

kauta abomainki cinco masarukityaiki, nauki akuansomokoti ɨmoma, tapɨ kuamatityo tauna, asuriuma nityakisɨrɨkɨxɨma.’

San Juan 1:41

Kusɨrɨbo aikuñunuti Andrés yarukityoxtiatoe Simón, nanti ɨmoti: –Sopisuñukati Mesías (nantɨ sane: axti Cristo)

San Juan 10:24

Auki axɨmanuma judíos pesuarama tyupekuti ñankitioma pɨnanakiti: –¿Auchepɨ ñana uraboi suisukarɨ? Axtɨ ñemanauntu axɨkɨ tyonenti Mesías, urasoi nuxia kaɨma suisukarɨ.

San Juan 15:27

Axañointyo apanityaka ñana au nisɨri, ityopiki amonkaño ichepeñɨ aukiapae.

San Juan 3:28

Axaño amonkoi nisura axɨñɨ chityonentipɨ Mesías, axtiatai naki bakɨpukux ɨmoti akusɨrɨti kɨmenuti.

Hechos 10:42

Uiti aikɨpuruti somɨ nauki suburaboi sukarɨ axɨbama ikokoromati Tupax, ta uiti aiñanati nauki asaraiti ɨmoma axɨbama sɨborikoma takanaintyo ɨmoma axɨbama tɨkoiñoma.

Hechos 15:22

Auki chepema uxia au ñakionkoxɨma, axɨmanuma amonkoma isiuti Jesús takana axɨmanuma mayɨriabuka saneityo ñakionkoxɨma namanaiña axɨmanuma ikokoromati Jesús. Auki bapacheroma axɨpekuki mañoñɨnka nauki aɨromatɨ ichepeti Bernabé ichepetityo Pablo au Antioquía. Tyonema axɨbama, axti Judas nɨrixhtityo uimia Barsabás, chepeti Silas, axɨbama ɨmoche onkomatɨ nuxia axɨmanuma makiataka,

Hechos 16:1

Iñataiti Pablo au Derbe sɨrotitityo au Listra, po'osoti akamanu tamanti ñoñɨnx nɨrixhti Timoteo, aɨto taman paɨx judía axɨna ikokoroti Jesús, tapɨti yaɨtoti manityanati griego.

Hechos 16:12

Aukimanu somenotityo au axɨmanio poka Filipos, akamanu po'osoma axɨbama auki Roma. Axɨmanio poka akamanu taruku nɨmoche au axɨmanu kɨx Macedonia. Akamanu amonkosomɨ sɨrɨmana naneneka.

Hechos 16:9

Taman tobixh, axti Pablo ane astaiti. Asaratitɨ ɨmoti taman ñoñɨnx auki axɨmanu kɨx Macedonia, anankati atɨraiti esati, nanti ɨmoti nauki asamuti nuxia: “Ariaku au Macedonia nauki ayura suiñemo.”

Hechos 17:3

Manunekanati ɨmoma ta axti Mesías koiñoti ñana, yopɨrɨkɨ trex naneneka sɨborikoti tato. Nanti ɨmoma: –Axti Jesús, naki surapoi nɨrixhti ausukarɨ, tyonenti Mesías.

Hechos 18:28

ityopiki tusiu nuxia ɨmoti, champɨti iñumutati nuraxti axɨmanuma judíos, oboi Nikorox urapoiti ta axti Jesús tyonenti Mesías.

Hechos 2:36

“Namanaiña axɨbama auki Israel atusi aume, axti maniki Jesús takubaxioti aboi kɨtɨpɨ kurusɨx, toxio uiti Tupax ɨriakaboti ɨmo namanaiña iku axɨna kɨx.”

Hechos 20:21

Ɨmo axɨbama judíos ɨmo axɨbamaintyo chɨtɨpɨ judíos sukanañɨ ɨmoma nauki ayematɨ tato esati Tupax, aikokoromatityo Yɨriabux Jesucristo.

Hechos 20:23

axɨna tusiu iñemo uiti Espíritu Santo au nanaiña poka kauta yɨkatɨ, ane sɨmenuñɨ kauta aiñamanamañɨmpo tarukuityo nichakisɨrɨkɨ.

Hechos 20:24

Tapɨ axɨñɨ champɨapae nɨmoche sobi axtɨ ikiaɨbutama xhopɨnanakiñɨ nisɨboriki, axɨna nixhantɨmo ta iñanai tyakɨru niyachɨkoi aɨbu nipukɨnunku nauki sane isamune yakɨpukuxti Yɨriabux Jesús iñemo xhanuneka axɨba omixhia manityakax nukuasɨrɨkɨ ɨmoti Tupax.

Hechos 4:20

Axɨsomɨ champɨ ityopikiche someteikei aɨbu axɨna sumastai axɨnaintyo somonkoi.

Hechos 9:22

Tapɨti Saulo yusiu naneneka aruku nuxia ɨmoti aɨbu ñanunekakaxti, axɨmanuma po'osoma au Damasco chɨmastakaxɨpɨ ɨmoma oboi nuraxti, urapoiti sukarɨma axti Jesús ta tyonenti Mesías.

2 Corintios 1:19

Tyopiki axti Jesucristo, Aɨtoxti Tupax naki kɨtɨpɨche supanunekaka abaxɨpeku, axti Silas, axti Timoteo axɨñɨntyo chɨsukanasomɨmpɨ “sane” sukanasomɨntyo “chɨsanempɨ.” Toxio uiti Tupax aɨbuti Cristo ɨmo nanaiña naskɨbeka nesaxti “sane”,

2 Corintios 11:9

Naukiche anankañɨ abaxɨpeku chixhankikiapɨ amopɨnanaki axtɨ champɨ iñemo axɨna nixhantɨmo. Tyopiki axɨbama usarukityaiki auki Macedonia naukiche iñataimia toxio uimia iñemo axɨna champɨ sobi.

2 Corintios 5:14

Axɨna nukuasɨrɨkɨ ɨmoti Cristo sɨsio suisɨtɨpɨ naukiche tɨtusiu suiñemo koiñoti taman tyaku namanaiña, sane naukiche namanaiña koiñoma.

Filipenses 1:23

Ñemanauntu chɨtusiupɨ nuxia iñemo isane axɨpekuki axɨmanio tox uxia iñemo: tyopiki axtɨ isɨborikiaiki, yaserebikia ɨmoti Tupax iku axɨna kɨx. Tapɨ axtɨ isonka yɨkatɨ chepeti Cristo au napes, tyone axɨna taruku nixhanka.

1 Tesalonicenses 3:2

nauki sopikɨpuruti tanu usaruki Timoteo, baserebiotityo ɨmoti Tupax nauki uraboiti axɨba omixhia manityakax kɨtɨpɨti Cristo. Sopikɨpukati tanu nauki acheti aupukɨnunkubu nauki sane aruku nuxia aume aɨbu napakokonaunku kɨtɨpɨti Jesucristo.

1 Tesalonicenses 3:6

Ta kaɨma tiñataiti tato Timoteo auki Tesalónica, urapoiti suisukarɨ ta axaño taruku naukuasɨrɨkɨ aumeampatoe, champɨityo axtɨ apiñokota napakokonaunku ɨmoti Tupax. Urapoitityo ta axaño tarukuityo nauxianka amasara somɨ takana axɨsomɨ aume.

1 Pedro 5:12

Axti Silvano, tyonenti makonomonoti chepeñɨ axɨna nixhakonomoso aume. Tusiu iñemo ta ikokoroti Cristo. Xhakonomoka nauki xhanuneka aume suraboityo ausukarɨ ta nanaiña axɨba omixhia botoxio aume uiti Tupax uixh atusi ta taruku naukuasɨrɨkɨ ɨmoti. Apikoko ta aukuasɨrɨka ɨmoti Tupax.