Hechos 18:21 - Manityanati Tupax

²¹ axti masamunuti nariox ɨmoma, nanti: “Axtɨ xhanxti Tupax, isekatɨ tatityo yasaraño.” Auki axti Pablo masamunuti nariox ɨomoma, sɨrotitɨ au Éfeso isuki tux.

Manitanati Tuparrü

²¹ Nanti: —Irranca te iñanai au Jerusalén ümo cuatü pierrta. Pero arrtü rranrrti Tuparrü, iseca tato ñana tauna aubesa, nauqui yasaraño tatito. Auqui masamunuti nariorrü ümoma. Sürotitü auqui Efeso au barco isuqui narubaitu turrü.

Hechos 18:21 교차 참조

San Mateo 26:39

Auki sɨrotitɨ Jesús ta'aiki kɨmenuma, bachesoiyoti matakonokonoti iñatai nisuxti akɨ, nanti sane au neankaxti: “Iyaɨ, axtɨ axianka, aikiaɨbu xhopɨnanakiñɨ axɨna ichɨpoboñɨ pichananene. Tapɨ uxiante isiuki nixhanka, tari isiuki naxianka.”

San Marcos 6:46

Naukiche tɨsɨromatɨ tato namanaiña, sɨrotitɨ onɨ yirityux eanti.

San Lucas 9:61

Nanti kiatax ɨmoti: –Axɨkɨ Yɨriabux, ixhanka yɨrotɨ tanu asiukɨ, kusɨrɨbo baeta chebo obi yɨrotɨ suraboi au nipo.

Hechos 15:29

tapɨ aubaka numañetu axɨba numukianka makumanatax ɨmo makiataka tupaka. Tapɨ auchakaityo notox, tapɨ aubakaityo numañetu axɨba numukianka mokoiñatai, axɨbama poso tapɨ iñanamakɨ peese. Axtɨ apisamute nanaiña axɨba sane, uxia nausɨboriki. Supakionko tanu aume.”

Hechos 18:19

Naukiche iñataimia au Éfeso, axti Áquila ichepe Priscila onkonoma akamanu uiti, axti Pablo sɨrotitɨ au sinagoga, akamanu manityanati aɨbu axɨmanuma judíos oberabarama akamanu.

Hechos 18:20

Axɨma mankioma pɨnanakiti asamuti nuxia nauki sɨsiotiki baeta akamanu ichepema, tapɨti chixhanxtipɨ,

Hechos 18:24

Au axɨmanio naneneka tɨkañe iñataiti tamanti ñoñɨnx judío au Éfeso nɨrixhti Apolo po'osoti au Alejandría, axti isuputakati nuxia Nikorox kɨtɨpɨti Tupax.

Hechos 19:1

Naukiche anankatiki Apolo au Corinto, tompɨkana uiti Pablo axɨmanio yirityuka, auki iñataiti au Éfeso, akamanu tabɨkoma uiti sɨrɨmanama axɨmanuma ikokoromati Jesús.

Hechos 19:17

Namanaiña axɨmanuma po'osoma au Éfeso, axɨmanuma judíos axɨmanumaintyo chɨtɨpɨ judíos, ipiatema auki taruku nixhukuxɨma, sane naukiche omixhia nuraxɨma kɨtɨpɨti Yɨriabux Jesús.

Hechos 19:21

Yopɨrɨkɨ nanaiña axɨba sane, kuatɨ au ñakionkoxti Pablo, aɨrotitɨ au Macedonia au Acaya, auki aɨrotitityo au Jerusalén, nanti sane: –Axtɨ tiyaka au Jerusalén auki yɨkatityo au Roma.

Hechos 20:16

Sopisamute sane ityopikiti Pablo, tapɨ tochenkoti au Asia, chixhanxtipɨ aɨrotitɨ au Éfeso. Tyopiki xhanxti konto aiñanainti au Jerusalén ɨmo axɨmanu pukɨnunkux Pentecostés.

Hechos 21:14

Tyopiki chixhanxtipɨ onkoiti supanityaka, chɨsubasikiapɨ kuatati, sukanasomɨ ɨmoti: –Tari uxiane isiu noñemaxti Yɨriabux.

Hechos 21:29

Namatɨ axɨna sane ityopiki asaramati Pablo chepeti Trófimo auki Éfeso, ñakionkoxɨma yebotitɨ Pablo aɨbuti au nipo meankax.

Romanos 1:10

auki nixheanka xhankikia pɨnanakiti Tupax axtɨ au noñemaxti yɨrotɨ tanu yasaraño.

Romanos 15:32

nauki axtɨ ui noñemaxti Tupax, iñanai tanu aubesa yasaraño sane ñakansa aɨbu nipukɨnunku.

1 Corintios 15:32

Axɨñɨ takanati ñoñɨnx xhaikia au Éfeso yupu nuitɨmɨka, ¿isanempɨ iyebo sobi uixh? Axtɨ ñemanauntu axɨbama tɨkoiñoma chɨsɨborikopɨma tato, sane kaɨma, aboma axɨbama namatɨ: “¡Ubara, uchara, tyopiki tyubaka okonka!”

1 Corintios 16:7

Chixhankapɨ yasarañoantai ixhanka yasikia auchepe ñome mantukubatai naneneka, axtɨ sane noñemaxti Yɨriabux Jesús.

1 Corintios 16:8

Axɨñɨ yasikia au Éfeso chepe axtɨ tiñatai Pentecostés,

1 Corintios 4:19

Axtɨ xhanxti Yɨriabux Jesús, konto ñana yɨkatɨ tanu yasaraño. Akamanu ixhanka yasarama axɨmanuma au ñakiokoxɨma champɨti kiatax pɨrɨkɨma, champɨityo axtɨ axɨmanuantai nuraxɨma.

2 Corintios 13:11

Au nityakɨrux masarukityaiki, taikiana uxia nausɨboriki apapachesio kausane nauki besɨro nausɨboriki. Apiña nuxia taikiana uxia aboi aumeampatoe au nausɨboriki. Sane axti Tupax naki taruku nukuasɨrɨkɨ ɨmoti tari anati auchepe.

Efesios 1:1

Axɨñɨ Pablo, yaka isiuti Jesús ui noñemaxti Tupax, nixhakionko ɨmo namanaiña axɨbama auki Éfeso axɨbama ikokoromati Jesús aboma chepeti.

Hebreos 6:3

Tyone axɨna supanunekatabo, axtɨ sane nixhankaxti Tupax.

Santiago 4:15

Ta uxia axtɨ amukanaño sane: “Axtɨ xhanxti Tupax, osɨborikia nauki uisamune axɨna sane o axɨna kiatax.”

1 Pedro 3:17

Uxia axtɨ utakisɨrɨka tyopiki axɨna uxia uisamute, tyopiki sane nixhankaxti Tupax, pɨnanaki utakisɨrɨ tyaku axɨna chuxiampɨ uisamute.

Apocalipsis 1:11

Axɨmanu tosibixh nantɨ iñemo sane: “Aikonomo iku kichonimiakax axɨna astai, akɨpu aɨbu ñome axɨmanio siete kauta aboma axɨbama ikokoromati Jesús au Asia: au Éfeso, au Esmirna, au Pérgamo, au Tiatira, au Sardes, au Filadelfia, autyo Laodicea.”

Apocalipsis 2:1

“Akonomo ɨmoti ángel auki Éfeso kauta aboma axɨbama ikokoromañɨ: ‘Tyone nuraxti maniki abe siete nostoñeka au nepanaunku ne'esti amenkotityo omeana axɨmanio siete kantreruka omixhante ui oro: