Hechos 17:12 - Manityanati Tupax

¹² Sane naukiche sɨrɨmanama axɨbama ikokoromati Jesús, sɨrɨmanamaintyo ikokotama axɨbama auki Grecia, paɨka axɨba ane nobɨriakax ichepe mañoñɨnka.

Manitanati Tuparrü

¹² Sane nauquiche sürümanama bama israelitarrü icocoromati Jesús au manu pueblurrü. Aboma ito bama griegorrü icocotama, paüca ito, arrüba urria ñupapanauncurrü.

Hechos 17:12 교차 참조

San Marcos 15:43

Axti Kiosen, auki Arimatea, axɨpekukimia axɨmanuma mayɨriabuka, anankatityo baxɨperarati kɨmenu nɨriakaxti Tupax, sɨrotitɨ ankirioti pɨnanakiti Pilato nikɨtɨpɨxti Jesús.

San Juan 7:17

Axti naki xhanxti aisamunenti noñemaxti Tupax, tyonenti tusiu ɨmoti axtɨ axɨna xhanunekaka kuatɨ aukiti, o xhanunekaka saukiñɨantoe.

Hechos 13:46

Auki axti Bernabé ichepeti Pablo champɨ nixhukuxɨma anityama, aiñumuma nuraxɨma: –Tyone axɨna supachɨkoi nauki kusɨrɨbo suburaboi ausukarɨ axɨna nuraxti Tupax, aume axɨbama judíos. Axaño chauxiankapɨ apasuriu axɨna ausɨborikibo champɨ nityakɨrux, kaɨma somekatɨ esa axɨbama chɨtɨpɨ judíos.

Hechos 13:50

Tapɨ axɨmanuma judíos manityanama yupu axɨmanio paɨka axɨba taruku niyupukɨrux tyaku makiataka, manityanamaintyo aɨbu mayɨriabuka auki axɨmanio poka, auki tɨborikoma uimia makiataka nauki atɨborimia ɨmoti Pablo chepeti Bernabé, nauki tapɨ sɨsioma au axɨmanu nikɨxɨma.

Hechos 14:1

Au axɨmanio poka nobɨrixh Iconio, axti Pablo chepeti Bernabé chepema sɨromatɨpo au axɨmanu sinagoga nesaxɨma axɨmanuma judíos, akamanu urapoimia nuraxti Tupax, sɨrɨmanama axɨmanuma judíos takana axɨmanuma chɨtɨpɨ judíos ikokotama.

Hechos 2:47

Machampienkanama ɨmoti Tupax taruku nipukɨruxɨma makiataka tyakuma. Naneneka isumainkianɨ uiti Yɨriabux nububikixhimia axɨbama ikokoromati.

1 Corintios 1:26

Masarukityaiki, atusi aume ta axti Tupax ityasuruti año champɨ nɨmoche uiti axtɨ mɨmanamantai abaxɨpekuki axɨbama ane napipiatɨmo, mɨmanamantaityo axɨbama ane nɨriakaxɨma axɨbamaintyo chiyaupɨ nimonixhimia.

Efesios 5:14

tyopiki nanaiña axɨna ityusiankanɨ nuxia, ane aɨbu basarux. Sane naukiche nantɨ sane: “Astopɨ, axɨkɨ naki anuka. Atɨsai axɨpekuki makoiñoka, uiti Cristo anentax aemo.”

Santiago 1:10

Tapɨti naki taruku nenaxixhti, tari pukɨnuñantityo axtɨ takisɨrɨti uiti Tupax, tyopiki axɨba noñenaxi tyoneio takana pɨsioka auki xhoens axɨba chabaityuxɨpɨ nubakax.

Santiago 1:21

Sane naukiche, tapɨ abasikia apisamune nomɨnantɨ, tyopiki tɨtarukapae nomɨnantɨ iku axɨna kɨx. Apasusiu axɨmanio omixhia manityakax sɨro au nabausasɨ. Tyopiki axɨmanu manityakax ane nɨriakax nauki aixhimiaka nomɨnantɨ aboi.