Hechos 13:45 - Manityanati Tupax

⁴⁵ Naukiche axɨmanuma judíos astaimia sɨrɨmanama oberabarama, kuatɨ kiatax ñakionkoxɨma ɨnantɨ ɨmoma, sane naukiche tɨborikoma uratokioma ɨmoti Pablo.

Manitanati Tuparrü

⁴⁵ Numo tarrtaimia arrüna sane bama israelitarrü, ünantü ümoma. Uratoquioma ümoti Pablo. Unumatito.

Hechos 13:45 교차 참조

San Mateo 23:13

“¡Autakisɨrɨkatai ñana, axɨbama apanunekaka bakɨpukux uiti Moisés ichepetyo axɨbama fariseos, chapisamutempɨ axɨna amukanaño!, axaño apiñamata tyurux ɨmo napes tapɨ sɨromatɨpo makiataka. Axaño chamekapɨtɨpo, chichebopityo aboi aɨromatɨpo axɨbama xhanxɨma aɨromatɨpo.

San Mateo 27:18

Tɨtusiu ɨmoti tyopikiche aityoximianamati ɨmoti ta tyopiki ubatiomati.

Hechos 13:50

Tapɨ axɨmanuma judíos manityanama yupu axɨmanio paɨka axɨba taruku niyupukɨrux tyaku makiataka, manityanamaintyo aɨbu mayɨriabuka auki axɨmanio poka, auki tɨborikoma uimia makiataka nauki atɨborimia ɨmoti Pablo chepeti Bernabé, nauki tapɨ sɨsioma au axɨmanu nikɨxɨma.

Hechos 14:19

Auki iñataimia axɨmanuma judíos auki Antioquía aukityo Iconio, tɨborikoma uimia makiataka. Auki yarurumati Pablo oboi kanka, au ñakionkoxɨma tɨkoiñoti uimia, ityononomati akɨ tyɨrɨpo axɨmanu tube.

Hechos 14:2

Tapɨ axɨmanuma judíos axɨbama chikokotapɨma, ityɨmoniankanama axɨbama chɨtɨpɨ judíos nauki tapɨ ikokotama sane atɨborimia ɨmo axɨmanuma urapoimia nuraxti Jesús.

Hechos 14:4

Tapɨ axɨmanuma po'oso chauki tiñanamakɨ peese, aboma axɨbama uxia ɨmoma axɨna namatɨ axɨmanuma judíos, tapɨ makiataka sɨromatɨ isiu ñanunekakaxɨma axɨmanuma nesaxti apóstoles Jesús

Hechos 14:5

Auki, axɨmanuma chɨtɨpɨ judíos takana axɨmanuma judíos, chepe ñakionkoxɨma aɨbu axɨmanuma ɨriatuxɨma, nauki aityabairoma oboi kanka.

Hechos 17:5

Tapɨ axɨmanuma judíos chikokotapɨma ɨnantɨ ɨmoma, oberabarama uimia axɨmanuma champɨ niyachɨkoimia, makusɨpɨka, mayatabayoka nauki chɨtamampatai uimia sukarɨ makiataka. Auki sɨromatɨ au nipoxti Jasón, yapachekixhimia iyoti Pablo xhanxɨma aiñenomati nauki aɨromatɨ aɨbuma esa mayɨriabuka,

Hechos 18:6

Tapɨ axɨma kaɨma ɨnantɨ ɨmoma auki chuxiampɨ nuraxɨma ɨmoti Pablo. Auki kaɨma ikɨtobitati Pablo naibixhti, nauki atusi ɨmoma ta ane nipɨnatema, nanti ɨmoma: –Aboiyapatoe axtɨ chautaesɨbukapɨ eanaki nomɨnantɨ. Axɨñɨ champɨki nɨmoche sobi. Aukina kaɨma yɨkatɨ suraboi sukarɨ axɨbama chɨtɨpɨ judíos.

Hechos 19:9

Tapɨ axɨmanuma chixhanxɨpɨma aikokoma, sukarɨ namanaiña chuxiampɨ nuraxɨma kɨtɨpɨ axɨmanu aɨbo manunekakax, axti Pablo, iñanatiyɨ peese pɨnanakimia, axɨmanumaintyo nesaxti apóstoles, naneneka baparioti aɨbuma au nipoxti maniki nɨrixhti Tirano, akamanu manunekanati naneneka.

Hechos 5:17

Axti maniki ɨriatu axɨbama sacerdotes, ichepe axɨmanuma saduceos amonkoma ichepeti, ubatioma axɨmanio isamutema axɨbama apóstoles,

Romanos 1:29

Ane uimia aruki nanaiñantai axɨna chuxiampɨ nisɨborikixhimia sukarɨ makiataka, taruku nixhankaxɨma ɨmo monixh, champɨ uxia ɨmoma, ubatioma nenaxixhti kiatax, mayatabayoka, mañatachemakaka, manityanama mapankax kɨtɨpɨti kiatax.

1 Corintios 3:3

tyopiki masiomankaiki año, axɨna autɨborikiatai aumeampatoe abubatioityo namenaxi, tyopiki masiomankaiki año apisamute takana ñapanaunkuxɨmantai mañoñɨnka.

2 Corintios 11:26

Sɨrɨmanatai anankañɨ yusiu kutubiuka, añekanañɨ oboi nusɨruka, añekanañɨ ui makusɨpɨka, añekanañɨntyo ui axɨbama auki nisɨ'ɨ axɨpekumaintyo axɨbama auki kiatax kɨx. Añekanaintyo nisɨboriki kauta sɨrɨmana poka, kautaityo champɨti po'oso, au narubaityu tux, añekanaintyo nisɨboriki axɨpekuma axɨbama chiñemanauntupɨ ikokoromati Jesús.

Gálatas 5:21

Ubatioma nenaxixhti kiatax, mayatabayoka, machabo'oka, tarukapae niyakaxɨma abikityo pikiataka axɨba isamutema. Sukanañɨ aume, takana axɨna tɨsukanañɨ aume, axɨbama sane nisɨborikixhimia chiyebopɨ ñana uimia esati Tupax.

1 Tesalonicenses 2:16

axtɨ suixhanka supanuneka ɨmo axɨbama chɨtɨpɨ judíos, nauki ataesɨbumaintyo eanaki nomɨnantɨ chichebopɨ uimia suiñemo. Ui axɨna sane isamutema yarusɨrɨx nomɨnantɨ uimia. Nauki atakɨru nanaiña axɨna sane axti Tupax bakɨpuruti ñana yarusɨrɨx ityakisɨrɨkɨboma.

2 Timoteo 3:11

asutiutyo chepeñɨ axɨba nichakisɨrɨkɨ takanaintyo axɨna nityɨborixhimia, takana axɨmanio oboiche ichakisɨrɨka au Antioquía, au Iconio autyo Listra. ¡Tarukapae nityɨborixhimia iñemo! Tapɨti Yɨriabux Jesús añekanañɨ uiti ñopɨnanaki.

Santiago 4:5

Sane naukiche nantɨ iku Nikorox: “Axti Tupax taruku nikuasɨrɨkɨ nuyausɨpɨ ɨmoti axɨmanu sɨro uiti okɨtɨpɨ.”

1 Pedro 4:4

Tapɨ kaɨma, axɨna chapisamutenkipɨ chepema axɨna chuxiampɨ nisɨborikixhimia, axɨma kiatax ñakionkoxɨma sane naukiche chuxiampɨ nuraxɨma aume.

SAN JUDAS 1:10

Tapɨ axɨmanuma mañoñɨnka chuxiampɨ nuraxɨma yokɨtɨpɨ axɨba chɨtusiupɨ ɨmoma. Nisɨborikixhimia takana niyosɨboriki numukianka, yusuputakai nanaiña ta chɨtusiupɨ ñome kausane, au nityakɨrux obɨrio oboi ñomeampatoe.