Hechos 13:39 - Manityanati Tupax

³⁹ Namanaiña axɨbama ikokoromati moximiakana tato nomɨnantɨ uimia, ɨmo axɨbama champɨ maximiakatax ɨmoma ui nɨriakaxti Moisés tɨkañe.

Manitanati Tuparrü

³⁹ Arrüna sane champürrtü urriante ui nüriacarrti Moisés tücañe. Pero caüma arrtü amoncatü nurria ümoti Jesús, urria nabaca au narrtarrti Tuparrü.

Hechos 13:39 교차 참조

San Lucas 10:25

Tamanti maniki manunekana bakɨpukux uiti Moisés yebotitɨ anityati aɨbuti Jesús, nauki aiñanti makokotox ɨmoti ñankitioti pɨnanakiti: –Maestro, ¿isane yachɨkoboibo nauki aye sobi kauta champɨ nityakɨru nisɨboriki?

San Lucas 10:28

Nanti Jesús ɨmoti: –Uxia axɨna aiñumuta. Axtɨ aisamute sane, iyebo ñana obi asɨborikibokɨ.

San Lucas 18:14

Sukanañɨ aume axti naki bakaɨburuti monixh sɨrotitɨ tato au nipoxti tɨxhimiakana nomɨnantɨ uiti, tapɨti maniki fariseo chɨsanempɨ. Tyopiki axti naki au ñakionkoxti taruku napekixhti, tyonenti ñana champɨ nɨmocheti. Tapɨti naki iñoxonkonotiyɨ, sɨrotitɨ ñana ape.”

San Juan 1:17

Axɨna bakɨpukux toxio tɨkañe uiti Moisés, tapɨ axoñɨ usuputakai axɨna nukuasɨrɨkɨ axɨnaintyo ñemanauntu uiti Jesucristo.

San Juan 5:24

“Ñemanauntu sukanañɨ aume axti naki onsapetioti nisura ta ikokorotityo naki uiche aikɨpuruñɨ, toxio ɨmoti axɨna champɨ nityakɨru nisɨborikixhti. Champɨityo kausane uiti Tupax ɨmoti, tyopiki chauki tiyebo uiti nisɨborikixhti pɨrɨkɨ nikonkoxti.

Hechos 10:43

Namanaiña axɨbama profetas tɨkañe turapoimia niyekixhti Jesús, namatɨ axti naki ikokoroti, moximiakana tato axɨba nomɨnantɨ uiti.

Romanos 10:10

Tyopiki ui nuyausasɨ uikokota nauki aye uxia nosɨboriki tapɨ ui nusaru tusiu nikuaxti Jesucristo oemo nauki aye osi champɨ nityakɨru nosɨboriki.

Romanos 10:4

Tyopiki axɨmanu bakɨpukux uiti Moisés iñatai nityakɨrux aɨbuti Cristo, nauki namanaiña axɨbama ikokoromati uiti uxia nisɨborikixhimia.

Romanos 3:19

Tusiu oemo nanaiña axɨmanu nantɨ Nikorox uiti Moisés, manunekana ɨmoma axɨbama ikokotama, nauki namanaiña etayoimia, sane namanaiña axɨbama ikuki axɨna kɨx uiti Tupax ñana asaraiti ɨmoma.

Romanos 3:20

Champɨti nanti ñana axɨñɨ isamute nanaiña axɨmanu bakɨpukux uiti Tupax nanti ɨmoti champɨ nomɨnantɨ uiti, tyopiki axɨmanu bakɨpukux uiti Moisés baserebio nauki atusi ta ane nomɨnantɨ osoi.

Romanos 4:15

Axɨmanu bakɨpukux uiti Moisés kuatɨ uixh chɨrɨri, tapɨ axɨna kauta champɨ bakɨpukux uiti Moisés, chɨtusiupɨ axtɨ ane nuipɨnate.

Romanos 4:24

Saneityo korobo oemo iku Nikorox. Axti Tupax yasutiuti axɨna numakokonaunku axtɨ uikokokati naki uiche asɨboriti tato Yɨriabux Jesucristo,

Romanos 5:1

Axti Tupax, chauki tɨbesɨro uiti nosɨboriki, ui numakokonaunku, taikiana uxia osoi oemantoe aɨbuti Tupax, ityopikiti Yɨriabux Jesucristo.

Romanos 5:20

Axɨmanu bakɨpukux uiti Moisés toxio nauki aisumainkianɨ axɨmanu nomɨnantɨ. Naukiche axɨmanu nomɨnantɨ tɨsɨrɨmanax, axti Tupax ityusiankatati axɨna taruku nipukɨruxti.

Romanos 5:9

Tapɨ kaɨma axɨna uxia nosɨboriki uiti Tupax auki nikonkoxti Jesucristo. Sane naukiche utaesɨbuka ñana pɨnanaki nutakisɨrɨkɨ tyopikiti.

Romanos 8:1

Sane kaɨma, champɨki tyakuche atoximia ɨmo nityakisɨrɨkɨxɨma axɨbama aboma ichepeti Jesucristo,

Romanos 8:3

Tyopiki axti Tupax isamutenti axɨna chisamutempɨ axɨmanu bakɨpukux uiti Moisés, chisamutempɨ ityopiki axɨna nokɨtɨpɨ champɨ narukux ɨmo. Axti Tupax bakɨpuruti ɨmoti Aɨtoxti takana nakaxti ñoñɨnx naki ane nomɨnantɨ kɨtɨpɨti takana makumanatax ityobo axɨna nomɨnantɨ.

Romanos 9:31

Tapɨ axɨbama auki Israel, xhanxɨma aiñama nisɨborikixhimia isiuki bakɨpukux uiti Moisés, nauki uxia nisɨborikixhimia au nastaxti Tupax.

1 Corintios 6:11

Tyonema axɨbama aboma tɨkañe abaxɨpeku. Tapɨ kaɨma chauki tɨbukaɨburu nomɨnantɨ kɨtɨpɨkimia au nɨrixhti Yɨriabux Jesucristo ui nesaxti Espíritu naki Tupax oemo.

Gálatas 2:16

Tusiu oemo champɨti ñoñɨnx uxia nisɨborikixhti au nastaxti Tupax axtɨ ikokotati axɨmanu bakɨpukux uiti Moisés ta chapie ɨmo makokonaunkux ɨmoti Jesucristo. Sane naukiche, axoñɨntyo uikokokati Jesucristo, chapie ɨmo axɨmanu makokonaunkux chɨtɨpɨ ui axɨna uisamute axɨmanu bakɨpukux uiti Moisés.

Gálatas 2:19

Ui axɨmanu bakɨpukux axɨñɨ isonka ɨmo, nauki isɨbori ɨmoti Tupax. Aɨbuti Cristo ichakubaxikia kɨtɨpɨ kurusɨx,

Gálatas 3:8

Axɨna Nikorox, aukiapae tɨkañe nantɨ axɨpekuma axɨbama chɨtɨpɨ judíos uxia nisɨborikixhimia au nastaxti Tupax axɨbama ikokoromati, urapoiti tɨkañe sukarɨti Abraham axɨna uxia manityakax: “Namanaiña mañoñɨnka ikuki axɨna kɨx kurusɨoma ñana atopikikɨ.”

Gálatas 5:3

Sukanañɨ tatityo ɨmo namanaiña mañoñɨnka axɨbama circuncidaboma, nanaiña axɨmanu bakɨpukux tari aisamunenti.

Hebreos 10:11

Namanaiña axɨbama sacerdote judío makumananama numukianka ɨmoti Tupax naneneka taikiana tyone tatityo, axɨmanio makumanataka champɨ nobɨriakax nauki apikiaɨbu nomɨnantɨ okɨtɨpɨki.

Hebreos 10:4

Tyopiki noboto numukianka chɨbakaɨburupɨ nomɨnantɨ.

Hebreos 7:19

tyopiki axɨmanu bakɨpukux uiti Moisés chɨbesɨropɨ uixh nisɨboriki mañoñɨnka, ityobo kaɨma ane kiatax kɨmenuche baxɨpera axɨna uiche uɨkatɨ esati Tupax.