Hechos 13:36 - Manityanati Tupax

³⁶ Ñemanauntu, axti David baserebioti tɨkañe ɨmo axɨmanuma po'oso auki axɨmanio naskɨbeka naukiche sɨborikotiki, takana axɨna yakɨpukuxti Tupax ɨmoti. Auki koiñoti, sɨroti kɨtu petaku axɨmanuma yaɨtoti, auki nikɨtɨpɨxti mameso.

Manitanati Tuparrü

³⁶ Arrti David tücañe baserebioti ümoti Tuparrü numo süboricotiqui. Isamutenti tacana arrüna yacüpucurrti Tuparrü ümoti. Auqui coiñoti, süroti cütu petacu bama yaütoti, y auqui caüma nicunturrti poreo.

Hechos 13:36 교차 참조

San Mateo 25:16

Axti maniki kumanakax toxio ɨmoti cinco mil monikia nauki ane yachɨkoiti aɨbu makananati pikiataka cinco mil monikia.

San Juan 11:39

Auki bakɨpuruti akaɨbu axɨmanu kanx uiche tabuxio axɨmanu nikɨxti. Tapɨ Marta nantɨ ɨmoti: –Nɨriabux, tɨtabe cuatro naneneka nikonkox, chauki toriotɨ.

Hechos 13:22

Auki kaɨburuti Saúl uiti, maniki yɨriabux sɨroti David ityoboti, naki kɨtɨpɨche nanti: ‘Tabɨkoti sobi David, aɨtoxti Kiosen, axti naki ñoñɨnx uxia nisɨborikixhti au niyasata, tyopikik isamutenti nanaiña nixhakɨpuku ɨmoti.’

Hechos 2:29

“Masarukityaiki, chebo aboi sukanañɨ aume axɨna ñemanauntu, naukiche koiñoti David, sɨroti kɨtu, namanaiña tusiu oemo kauta naka nikɨxti.

Hechos 20:27

ityopiki xhanunekaka aume nanaiña axɨna nixhantɨmoti Tupax, champɨ axɨna chisurapoipɨ.

Hechos 7:60

Auki bachesoiyoti rabotɨ nuxia nityosibixhti: “¡Yɨriabux, tapɨ ane kausane obi ɨmoma yutaku axɨba nomɨnantɨ uimia!” Naukiche tɨnanti axɨna sane, koiñoti.

Hechos 8:1

Au axɨmanu tɨkañe nanenes namanaiña axɨbama ikokoromati Jesús auki Jerusalén matanekanama. Iñaxiomantai, sɨromatɨ au Judea au Samaria, tapɨ axɨbama apóstoles sɨsioma au Jerusalén. Au axɨmanu nanenes axɨmanuma ikokoromati Jesús matanekanama ñɨnanama axɨmanuma chuxiampɨ uimia ɨmoma au Jerusalén. Namanaiña iñaxiomantai, sɨromatɨ au Judea au Samaria, tapɨ axɨmanuma nesaxti apóstoles Jesús chiñaxipɨma.

1 Corintios 15:18

Axtɨ sane, axɨbamaintyo tɨkoiñoma aɨbuti Cristo champɨ nanenekiche aikokoromati.

1 Corintios 15:6

Auki ityusiankanatiyɨ sukarɨma axɨbama quinientos nububikixhimia axɨbama ikokoromati, tisaipɨ namanaiña sɨborikomainki, makiataka tɨkoiñoma.

1 Tesalonicenses 4:13

Masarukityaiki, suixhanka atusi nuxia aume kausane ñana aɨbuma axɨbama tɨkoiñoma, nauki tapɨ ausucheka isiuma, takana makiataka axɨbama champɨ kɨmenuche axɨperama.