Hechos 13:1 - Manityanati Tupax

¹ Axɨpekuma axɨmanuma ikokoromati Jesús au Antioquía, abomaintyo axɨbama profetas ichepe axɨbama manunekanama: axti Bernabé, axti Simón, (axti naki nɨrixhtityo “kɨbɨsiti”), axti Lucio auki Cirene, axti Manahén, naki sunaunti ichepeti Herodes naki yɨriabuxti tɨkañe au Galilea, axtityo Saulo.

Manitanati Tuparrü

¹ Au Antioquía amoncoma arrti Bernabé, arrti Simón, naqui nürirrtito “Cübüsi”, arrti Lucio auqui Cirene, arrti Manaén, naqui sunaunti ichepeti maniqui quiatarrü Herodes naqui yüriaburrü au Galilea, y arrti Saulo. Arrüma amoncoma eana bama icocoromati Jesús. Manunecanama y manitanama uiti Espíritu Santo.

Hechos 13:1 교차 참조

San Mateo 27:32

Naukiche tɨsɨromatɨ aukimanu, ikuñunumati tamanti ñoñɨnx nɨrixhti Simón, auki Cirene, bakɨpuruma ɨmoti aikianti nikurusɨxti Jesús.

San Lucas 3:1

Tɨtabe tɨkañe quince naskɨbeka nɨriakaxti yɨriabux Tiberio, tapɨti Poncio Pilato yɨriabuxti au axɨmanu kɨx Judea. Tapɨti Herodes yɨriabuxti au Galilea, axti yarukityoxti, Filipo yɨriabuxti au Iturea ɨmointyo Traconítide, tapɨti Lisanias yɨriabuxti au Abilene.

Hechos 11:30

Sane isamutema, bakɨpuruma aɨbu ñakumanataxɨma aɨbuti Bernabé ichepeti Saulo, ɨmo axɨmanuma mayɨriabuka au Judea.

Hechos 12:25

Naukiche axti Bernabé ichepeti Saulo, chauki yachɨkoimia au Jerusalén, basɨkɨbɨkoma tato, sɨrotitɨ isiuma axti Kuan nɨrixhtityo uimia Marcos.

Hechos 13:9

Auki axti Saulo, nɨrixhtityo Pablo, ui noñemaxti Espíritu Santo, sɨsioti astayotitɨ nuxia ɨmoti

Hechos 15:32

Axti Judas ichepeti Silas, axɨmanuma profetas, manityanamaintyo ɨmoma bacheboma uɨbo nipukɨnunkuxɨma axɨmanuma ikokoromati Jesús.

Hechos 15:35

Axti Pablo chepeti Bernabé sɨsioma au Antioquía, manunekanama nuraxti Yɨriabux ichepe axɨmanuma makiataka.

Hechos 19:6

Naukiche iñatati Pablo ne'esti ityama, isiuityo kuatati Espíritu Santo kɨtɨpɨma, auki manityanama pikiataka manityakaka ui npñemaxti Tupax.

Hechos 21:9

axti Felipe abe cuatro nityakiumukutuxti chɨboposopɨ, axɨba profetax nubakax.

Hechos 4:36

Saneityo uiti maniki ñoñɨnx nityakɨbaɨtuxti Leví, nɨrixhti Kiosen, axti maniki po'osoti au Chipre, nɨrixhti Bernabé ui axɨmanuma amonkoma isiuti Jesús, (auki besɨro “Naki uiche pukɨnuñama makiataka”).

Hechos 9:1

Tapɨti Saulo chaiyatai ñapixhumukuxti ui nixhankaxti atabaiti ɨmo axɨbama ikokoromati Yɨriabux. Sane naukiche sɨrotitɨ esati maniki iriatuxɨma axɨmanuma sacerdotes,

Romanos 16:21

Ñakionkoxti Timoteo tanu aume, axti naki yachɨkoisapa. Ñakionkoxtityo tanu aume axti Lucio axti Jasón axti Sosípater, axɨbama isarukibo.

1 Corintios 11:4

Axtɨ tamanti ñoñɨnx tabuxioti axtɨ meaboti axtɨ manunekanati noñemaxti Tupax champɨ ñanaunkuxti ɨmo nityanuxti.

1 Corintios 13:2

Axtɨ toxio iñemo yachɨkoboiboñɨ suraboi noñemaxti Tupax, axtɨ tusiuityo iñemo noñemaxti Tupax axɨba umanekana uiti, tusiuityo iñemo nanaiña axɨba abe iku axɨna kɨx, axtɨ ikokokati Jesús axɨna uiche ikɨmɨnakanio yirityuka, ta champɨ nikuasɨrɨkɨxɨma iñemo makiataka, champɨ nanenekicheñɨ.

1 Corintios 13:8

Axɨna nukuasɨrɨkɨ oemoampatoe champɨ nityakɨrux. Axɨna manityakax ui noñemaxti Espíritu Santo ane nityakɨrux ñana. Axɨba manityakaka axɨbaityo nuipiaka iñatai tyakɨru ñana.

1 Corintios 14:29

Saneityo axɨbama profetas, tari ñanityanama toxɨma o trexɨma, tapɨ makiataka tari uimia asaraimia axɨmanu nuraxɨma.

1 Corintios 14:32

Axɨbama profetas, tari sɨsioma ɨmo yakɨpukuxti naki profeta,

1 Corintios 9:6

¿Axɨñɨ chepeti Bernabé axɨsomɨantai champɨ tyopikiche nauki apasaparasomɨ?

Gálatas 2:13

Axɨmanuma makiataka judíos axɨbama ikokoromati Jesús sɨromatɨ isiu ñapantuxti Peru, tyopiki axtityo Bernabé isamutenti isiukimia.

Gálatas 2:9

Axti Santiago chepeti Peru axtityo Kuan, tyonema axɨbama yɨriabuxɨma ɨmoma axɨbama ikokoromati Jesús, ikokotama ta uiti Tupax aityoximiati iñemo axɨna nisɨriaka, nauki atusi ta yasuriuruma somɨ chepema, ityoximiatama ne'esɨma iñemo ɨmotityo Bernabé, auki chepe ñakionkoxɨma nauki somenotɨ aɨbu axɨna supachɨkoi axɨpekuma axɨbama chɨtɨpɨ judíos, tapɨ axɨma sɨromatɨ axɨpekuma axɨbama judíos.

Efesios 4:11

Tyonenti naki uiche aboma axɨbama toxio ɨmoma aɨromatɨ isiuti Jesús. Makiataka, anityama ui noñemaxti Tupax, makiataka uraboimia axɨba omixhia nuraxti Jesús, makiataka nauki asaramatɨ tyaku namanaiña makiataka nauki anunekama.

Filipenses 4:22

Ñakionkoxɨmaintyo tanu aume namanaiña axɨbama ikokoromati Jesús, axɨbamampae baserebioma ɨmoti yɨriabux auki Roma.

1 Tesalonicenses 5:20

Tapɨ chapasutiupɨ axtɨ toxio uiti aume noñemaxti nauki apanitya au nɨrixhti Tupax.