Hechos 12:7 - Manityanati Tupax

⁷ Isiukai iñataiti tamanti ángel uiti Yɨriabux, kuarapo au nanaiña axɨmanu kauta anankati amanatipo. Axti maniki ángel ipokonokonoti Peru, nauki astopɨti, nanti ɨmoti: “¡Atɨsaikaɨ!” Isiukai axɨmanio karenax bupakio kɨtɨpɨki ne'esti.

Manitanati Tuparrü

⁷ Rrepenteatai iñataiti taman ángel esaquiti Tuparrü aumanu cauta anancati presoti. Arrümanu cuarto anentarrüpo uiti maniqui ángel. Auqui ipoconoconotiti Pedro, narrtopünacarrti ümoti y nanti ümoti: —¡Atüsai apuraucü! Auqui caüma manio cadenaca botopüro, bupaquio cütüpüqui neherrti Pedro.

Hechos 12:7 교차 참조

San Mateo 2:13

Naukiche tɨsɨromatɨ tato axɨmanuma taruku ñapanaunkuxɨma, tamanti ángel auki napes ityusiankanatiyɨ sukarɨti Kiosen auki ñanukuxti, nanti sane ɨmoti: “Atɨsai, aikiasti maniki simia ichepe nipiakɨtoti, aesɨbu aɨbuti au Egipto. Asikia akamanu sobi suraboi asukarɨkɨ, ityopiki axti Herodes yapacherioroti taunainki naki simia nauki aityabairoti.”

San Lucas 2:9

Ityusiankanatiyɨ sukarɨma tamanti ángel auki napes, axɨmanu nanentakaxti Tupax kuara akamanu tyupekuma. Axɨma taruku nixhukuxɨma.

San Lucas 24:4

Chɨtusiupɨ ñome kausane ñupakionkox ui axɨna sane, isiukai umasaratɨ ɨmo tox mañoñɨnka atɨraimia yobesa, kuara nuxia naibixhimia.

Hechos 10:30

Aiñumuti Cornelio: –Tɨtabe cuatro naneneka, takana axɨna kaɨma, chixhakapɨ axɨmanu nanenes. Isiu trex ɨmo nimɨmɨx anankañɨ xheanka au nipo, yasakati taman ñoñɨnx sutakikiboñɨ kuara nuxia naibixhti.

Hechos 12:23

Isiukai, tamanti ángel uiti Yɨriabux obɨrio uiti ɨmoti. Tyopiki churapoitipɨ niyarusɨrɨkɨ nɨriakaxti Tupax, auki koiñoti, takɨrusu nikɨtɨpɨxti oboi nikɨmɨka.

Hechos 12:6

Naukiche xhanxtipɨ Herodes aikiaɨburuti tyɨrɨpo numo tɨtaneneka nauki aityusiankanati sukarɨ namanaiña, axɨmanu tobixh, anankati Peru kɨmuintya ui toxɨma masortaboka, tomoenoti nuxia oboi tox karenax. Tapɨ makiataka asaramatɨ tyaku tyurux kauta anankati amanatipo.

Hechos 12:8

Nanti ángel ɨmoti: “Aiña naibi akɨtɨpɨkɨ, aiñasio napopetaki.” Sane isamutenti Peru, auki maniki ángel nanti tatityo ɨmoti: “Aiña naibi akɨtɨpɨkɨ ariaku isiuñɨ.”

Hechos 16:26

auki paichokonono kɨx, pokoro uixh nanaiña axɨmanu kauta amonkoma amanamampo. Isiukai nanaiña tyuruka baurɨbo, namanaiña axɨmanuma amanamampo bupakio karenas kɨtɨpɨkimia.

Hechos 2:24

Tapɨti Tupax sɨborikoti tato uiti, ityopiki axɨmanu nikonkoxti champɨ nɨriakax kɨtɨpɨti.

Hechos 5:19

Tamanti ángel yakɨpukuxti Yɨriabux, ubaurɨbo uiti tyuruka axɨmanu kauta amonkoma amanamampo, auki taesɨburuma uiti, nanti sane ɨmoma:

Hechos 9:3

Naukiche tɨtanati saimia axɨmanio poka au Damasco, kuatɨ anentax tyupekuti auki napes.

Efesios 5:14

tyopiki nanaiña axɨna ityusiankanɨ nuxia, ane aɨbu basarux. Sane naukiche nantɨ sane: “Astopɨ, axɨkɨ naki anuka. Atɨsai axɨpekuki makoiñoka, uiti Cristo anentax aemo.”

Hebreos 1:14

Tyopiki namanaiña axɨbama ángeles tyonema axɨbama espíritu baserebioma ɨmoti Tupax, axɨbama bakɨpukux ɨmoma nauki asaramatɨ tyakuma axɨbama toxio ñana ɨmoma axɨna maximiakatax.

Apocalipsis 18:1

Yopɨrɨkɨ nanaiña axɨba sane, yasakatɨ ɨmoti kiatax ángel kuatati akɨ auki napes. Taruku nɨriakaxti, anentax iku kɨx ui nanentakaxti.