Hechos 12:17 - Manityanati Tupax

¹⁷ Tapɨti nanti ɨmoma esurutiatai ui ne'esti tapɨ manityanama, auki urapoiti nanaiña sukarɨma axɨna yachɨkoiti Yɨriabux aɨbuti, kausane aɨrotitɨ tyɨrɨpo aukimanu kauta anankati amanatipo. Auki nantityo: –Aburasoi axɨna sane sukarɨti Santiago ichepe axɨmanuma yarukityoxti, auki sɨrotitityo aukimanu.

Manitanati Tuparrü

¹⁷ Pero arrti masamunuti señarrü ümoma, nauqui etayoimia. Auqui urapoiti nanaiña arrüna yachücoiti Señor aübuti, nauqui aiquiaüburutiti auqui preso. Nanti: —Aburasoi arrüna ümoti Jacobo yaruquitorrti Juan y ümo bama maquiataca masaruquitaiqui. Auqui sürotitü Pedro auqui manu.

Hechos 12:17 교차 참조

San Mateo 10:23

Axtɨ apatanekaka ñana ñɨnanama ubau poka, aupesɨbu au kiatax. Ñemanauntu sukanañɨ aume axti Aɨtoxti ñoñɨnx kusɨrɨbo ayetitɨ kɨmenu apiñanai tyakɨru nanaiña poka au Israel.

San Marcos 6:3

¿Chɨtyonentipɨ carpinterux naki, naɨto Mariax, yarukityoxti Santiago, axti Kiosen, axti Judas axtityo Simón? ¿Axɨba nikiastyoti bopo'oso auna uyaxɨpeku? Chikokoromatipɨ.

San Lucas 1:22

Au nityakɨrux kuatati tato tyɨrɨpo, chɨmanityanatipɨ ɨmoma. Auki ane au ñakionkoxɨma ta ane astaiti au santuario, auki esurutiatai ñanityakaxti ɨmoma. Sɨsioti sane, chɨmanityanatipɨ.

San Juan 10:40

Basɨkɨbɨkoti tato Jesús tyopɨ axɨmanu nusɨrux Jordán, sɨsioti akamanu kauta anankati tɨkañe Kuan Bautixhta maunimianati.

San Juan 11:54

Sane naukiche axti Jesús chamenkotikipɨ au axɨmanio poka axɨpekuma axɨmanuma judíos, sɨrotitɨ auki Judea saimia axɨmanu kauta champɨ sɨborikixh, au axɨmanu tube nobɨrixh Efraín. Akamanu sɨsioti aɨbuma axɨmanuma nesaxti apóstoles.

San Juan 13:24

axti Simón Peru nanti ɨmoti ui ne'esti nauki ankirioti pɨnanakiti Jesús, ñakuti maniki ɨmoche sane nuraxti.

San Juan 7:1

Yopɨrɨkɨ nanaiña axɨna sane, sɨrotitɨ Jesús au nanaiña axɨmanu kɨx Galilea. Chixhanxtipɨ aɨrotitɨ au Judea, ityopiki axɨmanuma ɨriatu axɨbama judíos yapacherioromati nauki aityabairomati.

San Juan 8:59

Auki axɨmanuma judíos xhanxɨma arurumati oboi kanka. Tapɨti Jesús matanekanati axɨpekuma makiataka auki sɨrotitɨ tyɨrɨpo auki nipo meankax.

Hechos 1:15

Au axɨmanio naneneka nanti Peru ɨmoma axɨmanuma ikokoromati Jesús oberabarama akamanu, saimia ciento veinte nububikixhimia, nanti ɨmoma:

Hechos 12:16

Tapɨti Peru sɨsioti iyotobaitati tyurux. Naukiche iyaɨbutama asaramatɨ ɨmoti, kɨtobɨsoma.

Hechos 12:18

Naukiche tɨtaneneka, axɨmanuma masortaboka chɨtusiupɨ ɨmoma kausane uimia tyopiki chɨtusiupɨ ɨmoma kausane axɨna sane aɨbuti Peru.

Hechos 13:16

Auki atɨraiti Pablo, ui ne'esti nanti ɨmoma nauki etayoimia, nanti sane: –Amonsapesio, axaño axɨbama auki Israel, axañointyo axɨbama apanaunka ɨmoti Tupax auki kiatax kɨx.

Hechos 15:13

Naukiche tɨtochenko ñanityakaxɨma, axti Santiago nanti sane: –Masarukityaiki amonsapesio nisura:

Hechos 16:40

Naukiche tɨtaesɨburuma aukimanu kauta amonkoma amanamampo, sɨromatɨ au nipo Lidia, naukiche tɨmanityanama aɨbuma axɨmanuma ikokoromati Jesús, auki sɨromatityo.

Hechos 19:33

Axɨpekuki namanaiña axti Alejandro, ipenenomati au nusuara nauki anityati sukarɨ namanaiña. Axti Alejandro esurutiatai ui ne'esti nauki etayoimia sane anityati tyakuma axɨmanuma judíos sukarɨ namanaiña.

Hechos 21:18

Au kiatax nanenes, yebotitɨ Pablo suichepe sumasarati Santiago, akamanu amonkoma oberabarama namanaiña mayɨriabuka.

Hechos 21:40

Axti maniki ɨriatu masortaboka chebo uiti, auki axti Pablo atɨraiti omonɨ axɨmanio kanka ui ne'esti nanti ɨmo makiataka nauki etaiyoimia. Naukiche tetayoimia, manityanati ɨmoma auki hebreo, nanti:

Hechos 28:15

Axɨmanuma ikokoromati Jesús au Roma tɨtusiu ɨmoma ta sopiñatai ñana esama. Sane naukiche kuamatɨ aikuñunuma somɨ esa axɨmanio poka, nobɨrixh Foro ichepe Apio esaityo axɨmanu nɨrixh Trex Tabernas. Naukiche asaratitɨ Pablo ɨmoma, machampienkanati ɨmoti Tupax, auki aruku tato ɨmoti.

1 Corintios 15:7

Auki ityusiankanatiyɨ sukarɨti Santiago, aukityo sukarɨma namanaiña axɨmanuma amonkoma isiuti.

Gálatas 1:19

Chiyasakapɨma axɨmanuma makiataka apóstoles, kunauntañantiatai Santiago yasakati yarukityoxti Yɨriabux Jesús.

Gálatas 2:12

Tyopiki kusɨrɨbo a'ati chepema axɨbama chɨtɨpɨ judíos, naukiche tiñataimia axɨmanuma amonkoma chepeti Santiago. Auki aiñanatiyɨ pese pɨnanakimia, auki kaɨma chɨbasotikipɨ chepema, tyopiki bixhubuti ñɨnanama axɨmanuma isamutema axɨmanu circuncisión.

Gálatas 2:9

Axti Santiago chepeti Peru axtityo Kuan, tyonema axɨbama yɨriabuxɨma ɨmoma axɨbama ikokoromati Jesús, ikokotama ta uiti Tupax aityoximiati iñemo axɨna nisɨriaka, nauki atusi ta yasuriuruma somɨ chepema, ityoximiatama ne'esɨma iñemo ɨmotityo Bernabé, auki chepe ñakionkoxɨma nauki somenotɨ aɨbu axɨna supachɨkoi axɨpekuma axɨbama chɨtɨpɨ judíos, tapɨ axɨma sɨromatɨ axɨpekuma axɨbama judíos.

Santiago 1:1

Axɨñɨ Santiago yaserebikia ɨmoti Tupax ɨmotityo Yɨriabux Jesucristo, nixhakionko tanu ɨmoma axɨbama aɨtoxti Israel axɨbama aboma au nanaiña iku axɨna kɨx.