Hechos 10:41 - Manityanati Tupax

⁴¹ Chityusiankanatiyɨpɨ sukarɨ namanaiña, ta suisukarɨatai, axɨbama tɨsamamekana somɨ uiti Tupax aukiapae ñemonkox nauki sumasarai nanaiña axɨna sane. Axɨsomɨ suichaka subaka chepeti naukiche tɨsɨborikoti tato.

Manitanati Tuparrü

⁴¹ Pero sí, champürrtü itusiancanatiyü isucarü namanaiña macirrtianuca, ta suisucarüatai, arrüsomü suichacümanauncuca uiti Tuparrü ümo arrüna sane. Arrüsomü suichaca y subaca ichepeti, nauquiche tüsüboricoti tato eanaqui macoiñoca.

Hechos 10:41 교차 참조

San Lucas 24:30

Naukiche tɨtɨmonsoma nauki a'ama, asuriuti mekuti axɨmanu pan, achampienkati ɨmoti Tupax, aichepesɨnati auki aityoximiati ɨmoma.

San Lucas 24:48

axaño aburasoi sukarɨ makiataka nanaiña axɨna sane.

San Juan 14:17

Manunekanati ñana aume yokɨtɨpɨ axɨba ñemanauntu. Axɨbama chikokoropɨmati Tupax tarukuityo nontarabekixhimia yutaku axɨba ikuki axɨna kɨx, chiyasuriurupɨmati Espíritu Santo, ityopiki chasaramatipɨ chisuputarapɨmatityo. Tapɨ axaño ausuputakati ityopiki anati auchepe, sɨsiotityo abaxɨpeku ñana.

San Juan 14:19

Tɨsaimia ñana nanenes auche axɨbama ikuki axɨna kɨx chasarapɨmañɨ, tapɨ axaño amasakañɨ. Tyopiki axtɨ isonka axɨñɨ isɨborikia tato, sobi ñana ausɨborikiaityo tato.

San Juan 14:22

Axti kiatax Judas ñankitioti pɨnanakiti Jesús: –Axɨkɨ Yɨriabux, ¿kausane aityusiankanɨ suisukarɨatai tapɨ sukarɨ makiataka chaityusiankakɨpɨ?

San Juan 15:16

Axɨñɨ chɨsamamekanapɨñɨ aboi, ta sobi samamekana año. Xhakɨpuka aume nauki amenotɨ apisamune aruki nanaiña axɨba omixhia, axɨna sane nausɨboriki sɨsio aboi. Sane axti Iyaɨ toxio aume uiti nanaiña axɨna apankitio pɨnanakiti au nisɨri.

San Juan 15:27

Axañointyo apanityaka ñana au nisɨri, ityopiki amonkaño ichepeñɨ aukiapae.

San Juan 21:13

Auki aikianti Jesús mekuti axɨmanu pan, ityoximiati ɨmoma. Saneityo uiti aɨbu axɨmanu nopiokox.

Hechos 1:22

aukiapae naukiche ɨrioti uiti Kuan ichepe niyɨkɨxti tato au napes. Uxia axtɨ anati kiatax ityoboti Judas auna ochepe, nauki aɨrotitɨ ochepe uraboiti ta sɨborikoti tato Jesús.”

Hechos 1:4

Naukiche anankatiki ichepe axɨmanuma amonkoma isiuti, nanti Jesús ɨmoma tapɨ sɨromatɨ auki Jerusalén. Nanti ɨmoma: –Abasikia auna chepe axtɨ apasutiu axɨmanu toxiobo aume uiti Iyaɨ, axɨmanu tɨsukanañɨ aume.

Hechos 10:39

Axɨsomɨ sumastai nanaiña axɨna isamutenti au Judea, au Jerusalén. Auki takubaxioti uimia kɨtɨpɨ kurusɨx sane ityabairomati.

Hechos 13:31

Ityusiankanatiyɨ Jesús sukarɨma namanaiña axɨbama yebomatɨ ichepeti auki Galilea au Jerusalén, tyonema axɨbama kaɨma uiche uraboimia sukarɨ namanaiña.