Hebreos 9:16 - Manityanati Tupax

¹⁶ Nauki ñemanauntu akoko axɨmanu kichonimiakax korobo, tari kusɨrɨbo atusianka axɨna uiche atusi ta tɨkoiñoti maniki uiche aisamunenti.

Manitanati Tuparrü

^16-17 Arrübama macrirrtianuca iconomotama icu quichonimiacarrü quiti uiche aürotü nenarrirrimia arrtü coiñoma. Arrümanu quichonimiacarrü nürirri testamento. Pero arrümanu quichonimiacarrü chüvaleopü, arrtü süboricotiqui naqui uiche acoro. Aüboqui valeo, arrtü tücoiñoti. Aüboqui puerurrü aüro nenarrirrti. Pero tiene que atusi nurria, arrtü tücoiñoti.

Hebreos 9:16 교차 참조

Romanos 5:12

Axɨna nomɨnantɨ iku axɨna kɨx kuatɨ aukiti tamanti ñoñɨnx tɨkañe, isiuki axɨmanu nomɨnantɨ kuatityo konkox, sane iñatai ɨmo namanaiña tyopiki namanaiña ane nomɨnantɨ uimia.

Romanos 6:23

Axɨna bapakatax toxio ui nomɨnantɨ, tyone axɨna konkox, tapɨ axɨna ñakumanataxti Tupax tyone axɨna nosɨboriki ɨmo nanaiña naskɨbeka chepeti Jesucristo axti Yɨriabux.

1 Corintios 15:22

Sane takana aɨbuti Adán namanaiña koiñoma, saneityo aɨbuti Cristo namanaiña sɨborikoma tato.

Hebreos 1:3

Tyonenti naki yarusɨrɨx nanentakaxti Tupax, tyoneantoe nakaxti Tupax naki uiche bosɨboriko nanaiña axɨba abe iku axɨna kɨx ui nɨriaka nuraxti. Naukiche tɨkicheseña nokɨtɨpɨ uiti pɨnanaki nomɨnantɨ, tɨmonsoti au nepanaunku nityɨmoxti Tupax au napes,

Hebreos 13:20

Axti Tupax, naki uiche atɨraiti tato axɨpekuki makoiñoka naki Yɨriabux Jesús oemo, tyonenti naki yarusɨrɨx axɨpekuki axɨbama asaramatɨ yutaku nobixhaka, naki ui notoxti atusi oemo ta champɨ nityakɨrux ñana axɨmanu ɨriotɨ tɨkañe uiti,

Hebreos 9:15

Sane naukiche tyonenti Jesucristo naki manityanabo utaku ɨmo axɨmanu aɨbo ɨriotɨ oemo tatityo uiti Tupax. Tyopiki axti Cristo koiñoti nauki axti Tupax aixhimiakati nomɨnantɨ osoi axɨba uisamute tɨkañe naukiche usakaiki aɨbu axɨmanu kusɨrɨbo ɨriotɨ oemo, tyopiki ui nikonkoxti ane maximiakatax ɨmo mañoñɨnka, uityo nikonkoxti, namanaiña axɨbama samamekanama yasutiuma ñana axɨmanu toxiobo ɨmoma axɨna champɨ nityakɨrux ɨriotɨtɨ uiti tɨkañe ɨmoma.

Hebreos 9:17

Tyopiki taman kichonimiakax chɨkokonopɨ axtɨ sɨborikotiki naki uiche aisamunenti, ta axtɨ tɨkoiñoti.

Santiago 2:10

Tyopiki axtɨ axaño apisamute nanaiña axɨmanu bakɨpukux uiti Tupax, axtɨ ane taman chapisamutempɨ, ta takana axtɨ chapisamutempɨ nanaiña.