Hebreos 9:10 - Manityanati Tupax

¹⁰ Nanaiña axɨba bakɨpukuka sane tyoneiantai yokɨtɨpɨ axɨba uñutuburibo otɨpobo, takanaintyo ɨmo nokobori ɨmo noñeanka, axɨba bakɨpukuka uburapoi axɨba uisamutumuebo, paserebio chepe axtɨ isamutenti Tupax kiatax axɨna ñemanauntu uxia.

Manitanati Tuparrü

¹⁰ Arrübama manaunuma sane ümoti Tuparrü pururrü bacüpucuca ümoma y icütüpü arrüba puerurrü aama y achama, y arrüba chüpuerurrüpü, y causane nauqui atopimia naneneca. Omirriantai arrüba bacüpucuca tücañe, pero caüma ane quiatarrü niyücürrü uiti Tuparrü. Caüma chauqui chüvaleoiquipü arrümanu nanancarrü.

Hebreos 9:10 교차 참조

San Marcos 7:4

Axtɨ iñataimia tato aukina yapachekixhimia utuburiboma, chɨbasopɨma kusɨrɨbo ñana entunumimia. Abikityo sɨrɨmana pikiataka axɨba yacheataxɨma aisamunema, iyaxɨbitama nanaiña axɨba aukiche achama, takanaityo nikɨruxɨma.)

Gálatas 4:9

Tapɨ kaɨma axɨna tausuputakati Tupax, saneityo, tisuputarati año Tupax, ¿kausane amenotɨ tatityo apikokoroma axɨmanuma champɨ nɨriakaxɨma, nauki kumanakax tatityo año uimia?

Efesios 1:10

axtɨ iñatai ñana axɨmanu mapakɨmunkutux. Axɨna nixhantɨmoti Tupax ta nauki aiyoberabatati nanaiña axɨba nisamukuxti ikuki axɨna kɨx auki napes nauki aityoximiati mekuti Cristo.

Efesios 2:15

Uiti Cristo iñatai au nityakɨrux axɨmanu bakɨpukux, ui noñemaxtiatoe isamutenti kunauntaña nakaxɨma mañoñɨnka.

Colosenses 2:16

Sane naukiche tapɨ chebo oboi anati naki chuxiampɨ nuraxti aume axtɨ aubaka axtɨ auchaka, tyopiki chapiñanauntapɨ axɨba naneneka nesa pukɨnunkux, takanaintyo axtɨ aɨbo ane tato ape panx axɨbaityo naneneka sábaruka.

Hebreos 10:22

Sane naukiche kuri esati Tupax aɨbu kicheseña nuyausasɨ aɨbuityo ñemanauntu numakokonaunku, axɨbio nuxia nuyausasɨ pɨnanaki nanaiñantai nomɨnantɨ takanaintyo nokɨtɨpɨ axɨbio ui tux kɨcheseña.

Hebreos 13:9

Sane naukiche tapɨ ane nɨmoche aboi pikiataka manunekataka, axɨba champɨ bastaboibo oboi pɨnanaki ñanunekakaxti Jesucristo. Uxia axtɨ aruku nuxia oemo ui nukuasɨrɨkɨ ɨmoti Tupax, tapɨ uisamute isiuki axɨmanu bakɨpukux ñome axɨba umatamoebo. Tyopiki axɨmanio bakɨpukux champɨ bastaboibo oboi.

Hebreos 2:5

Axti Tupax chɨtoxiopɨ uiti ɨriakaboma axɨbama ángeles ɨmo axɨmanu kɨx kuabotɨki ñana, axɨna kɨtɨpɨche supanityaka.

Hebreos 6:2

axɨba manunekatax kɨtɨpɨ axtɨ osɨrikia, axtɨ kuatati Espíritu Santo okɨtɨpɨ, axtɨ uikokota ta sɨborikoma tato axɨbama tɨkoiñoma, anentyo ñana tyakɨrux nanenes ɨmo namanaiña.

Hebreos 6:5

tiñakontemaintyo axɨba omixhia nuraxti Tupax axɨnaintyo nɨriaka axɨmanu kɨx kuabotiki,

Hebreos 7:12

Tyopiki axtɨ kuamatɨ ityoboma makiataka sacerdotes, saneityo axɨmanu bakɨpukux sɨro kiatax ityobo.

Hebreos 7:16

chɨtɨpɨ sacerdoteti isiuki bakɨpukux ui mañoñɨnka, ta tyopiki champɨ nityakɨru nisɨborikixhti.

Hebreos 9:1

Axɨmanu kusɨrɨbo ɨriotɨ uiti Tupax ane isiukiche uisamune axɨmanu manaunkux ɨmoti, au nipo meankax iku axɨna kɨx.