Hebreos 9:1 - Manityanati Tupax

¹ Axɨmanu kusɨrɨbo ɨriotɨ uiti Tupax ane isiukiche uisamune axɨmanu manaunkux ɨmoti, au nipo meankax iku axɨna kɨx.

Manitanati Tuparrü

¹ Arrümanu primer tratorrü uiti Tuparrü aübu bama israelitarrü ane yacüpucurrü, arrüna causane anauma ümoti Tuparrü bama macrirrtianuca. Ane ito arrümanu porrü au Jerusalén urriante ui mañoñünca, arrüna cauta eama.

Hebreos 9:1 교차 참조

San Lucas 1:6

Chepema uxia nisɨborikixhimia sukarɨti Tupax champɨ kausane ñakokonaunkuxɨma ñome yakɨpukuxti Yɨriabux.

Romanos 9:4

Tyonema aɨtoxti Israel, tapɨti Tupax yasuriuruma ñamanaiña takana axɨbama aɨtoxtiatoe, axti Tupax anankati chepema aɨbu nanentakaxti, toxio uiti ɨmoma axɨmanu nɨriakax uiti Moisés, toxioityo ɨmoma nauki anauma ɨmoti Tupax takanaintyo axɨmanu ɨriotɨ uiti tɨkañe.

Colosenses 2:8

Amasasatɨ nuxia. Tapɨ amonsapetio nuraxɨma axɨbama xhanxɨma atachemakama aume oboi nuraxɨma takana axtɨ taruku ñapanaunkuxɨma, abo tyoneantai ñanunekakaxɨma mañoñɨnka. Axɨmanuma mañoñɨnka ikokotama yakɨpukuxɨma axɨbama espíritu ane nɨriakaxɨma iku axɨna kɨx tapɨ ɨmoti Cristo chɨmakokonaumpɨma.

Hebreos 8:13

Axtɨ manityanati Tupax ɨmo axɨmanu kiatax ɨriotɨ uiti ta tyopiki tɨnanankax axɨmanu kusɨrɨbo tɨkañe. Axɨna tɨnanankax champɨki nanenekiche, tɨniyɨkɨx aenso.

Hebreos 8:2

Axti maniki sacerdote tyonenti Jesucristo, naki baserebioti au nipoxti Tupax, axɨna kauta ñemanauntu ane manaunkux ɨmoti Tupax, axɨna nisamukuxtiatoe chityonempɨ nisamuku mañoñɨnka.

Hebreos 8:7

Axtɨ axɨmanupɨ kusɨrɨbo tratox tɨkañe nanaiñampɨ ane ɨmo, champɨ nɨmochepɨ axɨmanu kiatax.

Hebreos 9:24

Tyopiki axti Cristo chɨsɨrotitɨpɨpo au axɨmanu nipo meankax nisamuku mañoñɨnka, tyopiki tyone ta nausɨpɨtuatai axɨmanu ñemanauntu ane au napes. Axti Cristo sɨrotitɨ ta'a, akamanu axti Cristo manityanati ɨmoti Tupax utaku nauki aixhimiakati nomɨnantɨ osoi.