Hebreos 7:25 - Manityanati Tupax

²⁵ Sane naukiche axti Jesús ane maximiakatax uiti ɨmoma axɨbama sɨromatɨ esati Tupax auki nakaxti, tyopiki sɨborikoti ɨmo nanaiña naskɨbeka, nauki ankiti pɨnanakiti Tupax tyakuma.

Manitanati Tuparrü

²⁵ Sane nauquiche arrti ipiacati caüma y ñana ito ayurati nurria ümo namanaiña bama oncomatü ümoti Tuparrü auqui nacarrti. Champü nitacüru nisüboriquirrimia, itopiqui arrti chütacürusupü nisüboriquirrti. Naneneca manitanati ümoti Tuparrü itacuma.

Hebreos 7:25 교차 참조

San Juan 14:13

Nanaiña axɨna apankitio au nisɨri, ityoximiata aume, sane naukiche isiukiñɨ tusiankana nɨriakaxti Iyaɨ.

San Juan 14:16

Axɨñɨ xhankitioki pɨnanakiti Tupax naki Iyaɨ, nauki aikɨpuruti tauna aume axti Espíritu Santo, naki sɨsioti auna auchepe ichoboñɨ.

San Juan 14:6

Aiñumuti Jesús nuraxti: –Axɨñɨ tyone axɨmanu kutubiux, axɨna ñemanauntu axɨnaintyo sɨborikixh. Axtɨ chiyakapɨ, champɨti iyebo uiti esati Iyaɨ.

Romanos 5:10

Tyopiki axti Tupax naukiche tɨkañe chiyaupɨ nomɨnantɨ osoi ɨmoti, ane maximiakatax uiti oemo ityopiki nikonkoxti Aɨtoxti, sane naukiche uxia uiti Tupax oemo ityopiki nisɨborikixhti.

Romanos 5:2

Ityopikiti Jesucristo uɨkatɨ tato saimia esati Tupax ui numakokonaunku, nauki upukɨnu ui nukuasɨrɨkɨ ɨmoti, sane chuɨkapɨtɨ isiu kiatax mapanaunkux, sane upukɨnunka tyopiki iyebo ñana osoi esati Tupax.

Romanos 8:34

¿Ñakuti naki uiche uraboiti isane ñana axɨna toxiobo ɨmoma? Axti Cristo tyonenti naki koiñoti. Tyonentityo naki sɨborikoti tato, anati au nepanaunkuxti Tupax, tyonentityo naki mankioti utaku.

1 Corintios 1:21

Tyopiki axɨbama ikuki axɨna kɨx chiñataipɨ nipiakaxɨma nauki asuputaramati Tupax, auna kauta ityusiankatati nipiakaxti, axti Tupax ui nipukɨruxti axɨbama ikokotama axɨba omixhia nuraxti ane maximiakatax ɨmoma, champɨ nɨmoche axtɨ ɨmo makiataka axɨna manunekatax chɨsamianapɨ.

Efesios 2:18

Ui axɨna isamutenti Cristo, axɨbama judíos takana axɨbama chɨtɨpɨ judíos anati kunauntañantiatai nuesa Espíritu uixh uiñatai esati Tupax naki Uyaɨ.

Efesios 3:12

Aɨbuti Cristo, chebo oemo uɨrotɨ esati Tupax tyopiki oñonkatɨ ɨmo axɨna numakokonaunku ɨmoti.

Efesios 3:20

Axti Tupax ane noñemaxti uiche aisamunenti pɨrɨkɨ axɨna mankikia pɨnanakiti. ¡Champɨ pariu au numakionko axɨna uxiantamoebo uiti Tupax utaku ui noñemaxti!

Filipenses 3:21

uiti aikiaɨbuti axɨna champɨ nanenekiche nokɨtɨpɨ nauki aye uixh takana nanentaka nikɨtɨpɨxti. Isamutenti ñana ui axɨmanu yarusɨrɨx nɨriakaxti iku axɨna kɨx.

1 Timoteo 2:5

Anati kunauntañatiatai Tupax, anatityo kunauntañatiatai naki uiche uxia uiti Tupax oemo axti Cristo Jesús.

2 Timoteo 1:12

sane naukiche taruku nichakisɨrɨkɨ oboi axɨba sane. Ta axɨñɨ chisɨsokapɨ oboi, tyopiki axɨñɨ tusiu iñemo ñakuti ɨmoche ñonkatɨ. Tusiuityo iñemo chepe axɨmanu nanenes ñana asaratitɨ tyaku axɨmanu toxio uiti iñemo.

Hebreos 11:6

Chuxiampɨ ɨmoti Tupax axtɨ chuikokokatipɨ, nauki apukɨnuti Tupax ukuata uikokora ta anati sɨborikoti, ane toxiobo uiti ɨmoma axɨbama yapacherioromati.

Hebreos 13:15

Axɨna numakumanata ɨmoti Tupax ta taikiana machampienka ɨmoti au nɨrixhti Jesucristo, tyopiki tyonenti naki Yɨriabux oemo.

Hebreos 2:18

Tyopiki axtityo tɨkañe takisɨrɨti ui makokotox, kaɨma ane nɨriakaxti asaratitɨ tyakuma axɨbama ane makokotox ɨmoma.

Hebreos 2:9

Basakati Jesús, naki simia nɨriakaxti uiti Tupax pɨnanaki axɨbama ángeles ñome mɨmanantai naneneka, anati aɨbu yarusɨrɨx nɨriakaxti, tyopiki nikonkoxti. Axti Tupax, ui ñakumananaunkuxti, chebo uiti nauki asuriuti nikonkoxti tyaku namanaiña.

Hebreos 5:7

Naukiche anankatiki Cristo iku axɨna kɨx, tosibikoti nuxia aɨbu nareoxti mankioti pɨnanakiti Tupax asamuti nuxia nauki añekati uiti pɨnanaki nikonkoxti, tyopiki axti Tupax ane nɨriakaxti aisamunenti sane. Tyopiki ñakokonaunkuxti Cristo, axti Tupax onsapetioti neankaxti.

Hebreos 7:16

chɨtɨpɨ sacerdoteti isiuki bakɨpukux ui mañoñɨnka, ta tyopiki champɨ nityakɨru nisɨborikixhti.

Hebreos 7:19

tyopiki axɨmanu bakɨpukux uiti Moisés chɨbesɨropɨ uixh nisɨboriki mañoñɨnka, ityobo kaɨma ane kiatax kɨmenuche baxɨpera axɨna uiche uɨkatɨ esati Tupax.

Hebreos 7:24

Tyopiki axti Jesús champɨ nityakɨru nisɨborikixhti, champɨ nɨmoche anati kiatax matokonobo ityoboti.

Hebreos 7:8

Axɨbama sacerdotes kaɨma toxio ɨmoma aruki axɨna iyebo osoi ta koiñoma ñana. Tapɨ iku Nikorox manityana kɨtɨpɨti Melquisedec takanati naki sɨborikotiki.

Hebreos 9:24

Tyopiki axti Cristo chɨsɨrotitɨpɨpo au axɨmanu nipo meankax nisamuku mañoñɨnka, tyopiki tyone ta nausɨpɨtuatai axɨmanu ñemanauntu ane au napes. Axti Cristo sɨrotitɨ ta'a, akamanu axti Cristo manityanati ɨmoti Tupax utaku nauki aixhimiakati nomɨnantɨ osoi.

SAN JUDAS 1:24

Axti Tupax asaratitɨ autaku tapɨ apisamute axɨba nomɨnantɨ, anentyo nɨriakaxti nauki tapɨ ane nomɨnantɨ aboi axtɨ amekatɨ esati axtɨ tɨkuatati tato aɨbu niyarusɨrɨkɨ nɨriakaxti. Amekatɨ ñana esati aɨbu taruku naupukɨnunku, champɨ nomɨnantɨ aboi anentax naukɨtɨpɨ takana nabaibi axɨna iyebo.