Hebreos 7:19 - Manityanati Tupax

¹⁹ tyopiki axɨmanu bakɨpukux uiti Moisés chɨbesɨropɨ uixh nisɨboriki mañoñɨnka, ityobo kaɨma ane kiatax kɨmenuche baxɨpera axɨna uiche uɨkatɨ esati Tupax.

Manitanati Tuparrü

¹⁹ Itopiqui ui manu nüriacarrü torrio uiti Moisés, chüpuerurrüpü nauqui urria nusaca au narrtarrti Tuparrü. Sane nauquiche caüma ane quiatarrü cutubiurrü manrrü urria oemo, uiche puerurrü uiñanai esati Tuparrü.

Hebreos 7:19 교차 참조

San Juan 1:17

Axɨna bakɨpukux toxio tɨkañe uiti Moisés, tapɨ axoñɨ usuputakai axɨna nukuasɨrɨkɨ axɨnaintyo ñemanauntu uiti Jesucristo.

San Juan 14:6

Aiñumuti Jesús nuraxti: –Axɨñɨ tyone axɨmanu kutubiux, axɨna ñemanauntu axɨnaintyo sɨborikixh. Axtɨ chiyakapɨ, champɨti iyebo uiti esati Iyaɨ.

Hechos 13:39

Namanaiña axɨbama ikokoromati moximiakana tato nomɨnantɨ uimia, ɨmo axɨbama champɨ maximiakatax ɨmoma ui nɨriakaxti Moisés tɨkañe.

Romanos 5:2

Ityopikiti Jesucristo uɨkatɨ tato saimia esati Tupax ui numakokonaunku, nauki upukɨnu ui nukuasɨrɨkɨ ɨmoti, sane chuɨkapɨtɨ isiu kiatax mapanaunkux, sane upukɨnunka tyopiki iyebo ñana osoi esati Tupax.

Romanos 7:7

¿Usukana oñɨ kaɨma axɨna bakɨpukux uiti Moisés tyone axɨna nomɨnantɨ? ¡Chɨsanempɨ! Axɨñɨ chisuputakaipɨ axɨmanu nomɨnantɨ ta ui axɨna bakɨpukux uiti Moisés. Champɨityo axtɨ tusiu iñemo axtɨ xhubatio nenaxixhti kiatax, axtɨ chɨnampɨtɨ axɨmanu bakɨpukux uiti Moisés: “Tapɨ ubatio nenaxixhti kiatax.”

Romanos 8:3

Tyopiki axti Tupax isamutenti axɨna chisamutempɨ axɨmanu bakɨpukux uiti Moisés, chisamutempɨ ityopiki axɨna nokɨtɨpɨ champɨ narukux ɨmo. Axti Tupax bakɨpuruti ɨmoti Aɨtoxti takana nakaxti ñoñɨnx naki ane nomɨnantɨ kɨtɨpɨti takana makumanatax ityobo axɨna nomɨnantɨ.

Gálatas 2:16

Tusiu oemo champɨti ñoñɨnx uxia nisɨborikixhti au nastaxti Tupax axtɨ ikokotati axɨmanu bakɨpukux uiti Moisés ta chapie ɨmo makokonaunkux ɨmoti Jesucristo. Sane naukiche, axoñɨntyo uikokokati Jesucristo, chapie ɨmo axɨmanu makokonaunkux chɨtɨpɨ ui axɨna uisamute axɨmanu bakɨpukux uiti Moisés.

Gálatas 3:21

¿Ensapɨ axɨna nantɨ axɨmanu bakɨpukux ta chomixhampɨ axɨmanio ɨriotɨ tɨkañe uiti Tupax? ¡Chɨsanempɨ! Tyopiki axtɨ axɨmanu bakɨpukux uixh ane sɨborikixh, tyopikipɨ numakokonaunku ɨmoti Tupax uxia uiti oemo.

Gálatas 3:24

Axɨmanu bakɨpukux tyone tɨkañe oemo tanati naki asaratitɨ tyaku masiomanka, chepe niyekixhti tato Cristo, nauki isiuki axɨna numakokonaunku uxia nosɨboriki au nastaxti Tupax.

Efesios 3:12

Aɨbuti Cristo, chebo oemo uɨrotɨ esati Tupax tyopiki oñonkatɨ ɨmo axɨna numakokonaunku ɨmoti.

Colosenses 1:27

Ɨmoma xhanxti Tupax aityusiankati sukarɨma axɨna taruku niyarusɨrɨkɨ nenaxixhti axɨmanu nixhantɨmoti aisamunenti ɨmo namanaiña. Axɨmanu ananka anekana uiti ta tyonenti Cristo naki anati abaxɨpeku, tyonenti naki uiche ñana aye aboi au nanentakax esati Tupax.

1 Timoteo 1:1

Axɨñɨ Pablo, anankañɨ isiuti Cristo Jesús, bakɨpukux iñemo uiti Tupax, naki uiche utaesɨbuka eanaki nomɨnantɨ uitityo Cristo Jesús, naki kɨmenuche baxɨperaka,

Hebreos 10:1

Tyopiki axɨmanu bakɨpukux tɨkañe uiti Moisés, tyone ta nausɨpɨtuatai nanaiña axɨba omixha botoxiobopɨ oemo uiti Tupax, chityonempɨ axɨna toxiobo oemo. Sane naukiche, champɨti naki besɨro nisɨborikixhti axɨpekukimia axɨmanuma taikiana aɨromatɨ au nipo meankax akumanama numukianka ɨmoti Tupax.

Hebreos 11:40

Tyopiki axti Tupax ane tɨkañe axɨmanu uxiampae nixhantɨmoti aisamunenti usaɨbu, nauki axoñɨntyo basuriu axɨmanu ensɨmunu uiti tɨkañe. Nauki axɨma ñana uxia nakaxɨma au nastaxti Tupax ochepe.

Hebreos 11:6

Chuxiampɨ ɨmoti Tupax axtɨ chuikokokatipɨ, nauki apukɨnuti Tupax ukuata uikokora ta anati sɨborikoti, ane toxiobo uiti ɨmoma axɨbama yapacherioromati.

Hebreos 3:6

Tapɨti Cristo, naki Aɨtoxti, makokonaunxti au nipoxti Tupax axɨmanu pox ta axoñɨ, axtɨ oñonkatɨ nuxia aɨbu nupukɨnunku.

Hebreos 4:16

Sane naukiche axtɨ ane nuxiantɨmo, kuri esati Tupax naki taruku ñakumananaunkuxti, nauki apukɨruti utaku, axtɨ ane nuxiantɨmo ui nipukɨruxti aityoximiati oemo axɨmanu nuxiantɨmo.

Hebreos 6:18

Sane, axti Tupax chɨmapañantipɨ, axɨmanu ɨriotɨ uiti takanaintyo axɨmanu nuraxti ta ñemanauntu. Ui axɨna sane upukɨnunka tyopiki uxianka nauki axti Tupax asaratitɨ utaku, saneityo aityoximiati oemo axɨmanu ɨriotɨ uiti.

Hebreos 7:11

Axɨmanuma auki Israel yasutiuma axɨmanu bakɨpukux ɨmoma axɨbama sacerdotes aɨtoxti Leví. Axtɨ axɨmanumampɨ sacerdotes uimia bɨsɨro nisɨboriki mañoñɨnka champɨpɨ nɨmoche ayetitɨ kiatax sacerdote, ta champɨki axtɨ axɨpekukimia axɨbama aɨtoxti Aarón ta axɨpekukimia axɨbama aɨtoxti Melquisedec.

Hebreos 7:20

Axti Tupax nanaiña axɨna ɨriotɨ tɨkañe uiti au nɨrixhtiatoe. Axɨbama makiataka sacerdotes naukiche sɨroma champɨti naki nanti au nɨrixhtiatoe.

Hebreos 7:25

Sane naukiche axti Jesús ane maximiakatax uiti ɨmoma axɨbama sɨromatɨ esati Tupax auki nakaxti, tyopiki sɨborikoti ɨmo nanaiña naskɨbeka, nauki ankiti pɨnanakiti Tupax tyakuma.

Hebreos 8:6

Tapɨ axɨmanu yachɨkoboiboti Cristo uiti Tupax, naki yɨriabuxti ɨmoma axɨbama sacerdotes takanaintyo oemo, okɨmanati tyaku axɨmanu tratox uxia, axɨna champɨ takanache axɨba ɨriotɨ uixh oemo.

Hebreos 9:9

Nanaiña axɨna sane tyone takana machepekatax ɨmo axɨba naskɨbeka kaɨma. Tyopiki nanaiña axɨba makumanataka botoxio ɨmoti Tupax champɨ maximiakatax oboi ñome axɨba nomɨnantɨ osoi.

Santiago 4:8

Amekosi esati Tupax, axtityo kuatati aukɨmenu. ¡Axɨbama chuxiampɨ nausɨboriki, tapɨ abasikia apisamune axɨba nomɨnantɨ, axaño axɨbama auxianka akuasɨrɨti Tupax aume takanaintyo axɨna kɨx!