Hebreos 7:14 - Manityanati Tupax

¹⁴ Tyopiki tusiu nuxia oemo ta axti naki Yɨriabux oemo kuatati axɨpekuki axɨbama aɨtoxti Judá, tapɨti Moisés chɨmanityanatipɨ kɨtɨpɨma axɨmanuma makiataka naukiche manityanati ɨmo axɨmanu sacerdocio.

Manitanati Tuparrü

¹⁴ Tusio te oemo que arrti Señor Jesús anati icu cürrü eana nesarrti familiarrü Judá, y arrübama eanaqui na familiarrü Judá chütasurupüma tücañe uiti Moisés, nauqui aserebimia tacana sacerdoterrü.

Hebreos 7:14 교차 참조

San Mateo 2:6

‘Tapɨ axɨkɨ, Belén, nikɨxti Judá, yarusɨrɨxɨkɨ ubaxɨpeku axɨmanio tube auki axɨmanu nikɨxti Judá. Tyopiki aukina ñana anati yɨriabux naki asarabotɨ tyakuma axɨbama auki Israel.’

San Lucas 1:43

¿Isane niyaka, nauki ayekatɨ asarañɨ nipiakɨ Nɨriabux iñemo?

San Lucas 3:33

axti Nahasón tyonenti aɨtoxti Aminadab, axti Aminadab tyonenti aɨtoxti Admín, axti Admín tyonenti aɨtoxti Arní, axti Arní tyonenti aɨtoxti Hesrón, axti Hesrón tyonenti aɨtoxti Fares, axti Fares tyonenti aɨtoxti Judá,

San Juan 20:13

Axɨmanuma ángeles ñankitioma pɨnanaki: –Axɨkɨ paɨx, ¿kausane areorakakɨ? Tyone aiñumu nuraxɨma: –Tyopiki sɨrotɨ oboi nikɨtɨpɨ Nɨriabux iñemo, chɨtusiupɨ iñemo kauta opiñata.

San Juan 20:28

Aiñumuti Tyomanxi: –¡Axɨkɨ Tupaxɨkɨ axɨkɨtyo Yɨriabuxɨkɨ iñemo!

Romanos 1:3

Axɨmanu uxia manityakax kɨtɨpɨti Aɨtoxti, naki Yɨriabux Jesucristo, tyonenti nityakɨbaɨtuxti David isiuki nikɨtɨpɨxti.

Romanos 2:3

Tapɨ axɨkɨ axtɨ, asikia kuata nipɨnatema makiataka, aisamutentyo takana axɨna isamutema, tapɨ ukanɨ ta añekaka ñana uiti Tupax.

Efesios 1:3

Taikiana yarusɨrɨx nɨrixhti Tupax Yaɨtoti Yɨriabux Jesucristo, tyopiki aɨbuti Cristo ukurusɨka uiti aɨbu nanaiñantai pukɨnunkux auki napes.

Filipenses 3:8

Nanaiña axɨmanu onkono sobi, tyone takana semenux iñemo, axtɨ ichepekata axɨna yarusɨrɨx nuxiantux tyopiki isuputakati Cristo Jesús naki Yɨriabuxti iñemo. Tyopikiti Cristo ensoro sobi nanaiña, ityobo kaɨma yaka chepeti.

Hebreos 7:13

Tapɨti Yɨriabux oemo, naki kɨtɨpɨche nantɨ axɨmanu Nikorox sane, tyonenti aɨtoxɨma axɨbama auki Israel, axɨpekuki axɨmanuma champɨti taman sacerdote.

Hebreos 7:15

Nanaiña axɨna sane tusiu nuxia axtɨ axti maniki sacerdote aɨbo aityusiankanatiyɨ tyonenti takana nakaxti Melquisedec,

Apocalipsis 22:16

“Axɨñɨ Jesús, xhakɨpuka tanu ɨmoti ángel nauki uraboiti nuxia axɨna sane sukarɨ namanaiña axɨbama ikokoromañɨ. Axɨñɨ tyoneñɨ nityakɨbaituxti David. Axɨñɨ tyone axɨmanu nokobores anentax uixh tansɨrɨ.”

Apocalipsis 5:5

Tamanti axɨpekukimia axɨmanuma mayɨriabuka nanti iñemo: “Tapɨ areoka, tyopiki axɨmanu Nokɨtɨrɨkiox axɨpekukimia axɨbama aɨtoxti Judá, nityakɨbaɨtuxti David chɨtapenekotipɨ uiti kaɨma aurɨbo axɨmanu kiñoeno kichonimiakax uitityo aikiompɨnati axɨmanio siete nityomoentox.”