Hebreos 7:1 - Manityanati Tupax

¹ Axti Melquisedec yɨriabuxti tɨkañe au Salem sacerdotetityo ɨmoti Tupax. Sɨrotitɨ Melquisedec kɨmenuti Abraham nauki akurusɨti uiti naukiche basɨkɨbɨkoti tato auki yaikixhti kauta iyeboma uiti axɨmanuma mayɨriabuka.

Manitanati Tuparrü

¹ Arrti tücañe maniqui Melquisedec yüriaburrti au manu pueblurrü Salem, y sacerdoterrtito ümoti yarusürürrü Tuparrü. Au manu tiemporrü tücañe arrti Abraham bahiyoti aübu bama maquiataca mayüriabuca, y macananati ümoma. Nauquiche cuati tato auqui manu bahiquirri, sürotitü Melquisedec cümenuti, y acamanu curusüuti Abraham uiti.

Hebreos 7:1 교차 참조

San Marcos 5:7

auki nityosibixhti nanti ɨmoti: –¡Tapɨ asikia suatañɨ, Jesús, Aɨtoxti Tupax auki ape! ¡Asamu nuxia iñemo au nɨrixhti Tupax tapɨ ichakisɨrɨka obi!

Hechos 16:17

Axɨmanu kupikixh sɨrotɨ isiuti Pablo sɨrotityo suisiu aɨbu nityosibixh, nantɨ: –¡Axɨba noñɨnka tyoneio paserebio ɨmo yarusɨrɨx Nupu Tupax auki napes. Uburapoi ausukarɨ kausane nauki autaesɨbu eanaki nomɨnantɨ!

Hebreos 6:20

kauta tɨkañe sɨrotitɨpo Jesús nauki aiyaɨbuti besɨro kutubiux oemo esati Tupax, tyopiki axti Cristo tyonenti yɨriabuxti ɨmoma axɨbama sacerdotes ñome nanaiña naskɨbeka takanati Melquisedec tɨkañe.

Hebreos 7:2

Auki axti Abraham ityoximiatati ɨmoti Melquisedec aruki axɨmanu iyebo uiti auki yaikixhti. Axɨmanu nɨrixhti Melquisedec ta sane “yɨriabux besɨro ñapanaunkuxti”, kiatax nɨrixhti yɨriabux ɨmo Salem, ta sane “yɨriabuxti naki uxia uiti ɨmo namanaiña”

Hebreos 7:3

Champɨti tusiu ɨmoti ñakusanema tɨkañe axɨbama yaɨtoti, axɨbamaintyo iñumantaxti, chɨtusiupɨ kauta anati iku kɨx kautaityo akonti. Sane naukiche, tyopiki sacerdotexti, tyonentiatoe aɨtoxti Tupax, sacerdotexti ñome nanaiña naskɨbeka.

Hebreos 7:6

Tapɨti Melquisedec, chityonentipɨ aɨtoxti Leví, ta toxio ɨmoti aruki axɨmanu iyebo uiti Abraham, naki ɨmoche tɨkañe abe ɨriotɨ uiti Tupax. Axti Melquisedec kurusɨoti Abraham uiti.