Hebreos 6:2 - Manityanati Tupax

² axɨba manunekatax kɨtɨpɨ axtɨ osɨrikia, axtɨ kuatati Espíritu Santo okɨtɨpɨ, axtɨ uikokota ta sɨborikoma tato axɨbama tɨkoiñoma, anentyo ñana tyakɨrux nanenes ɨmo namanaiña.

Manitanati Tuparrü

² y causane nauqui maunimia, y causane nauqui uiña noñe itati quiatarrü nauqui oñean itacuti, y causane ñana arrtü süboricoma tato bama coiño, y arrtü bacurrtarati Tuparrü au nitacürurrü, y bacheboti carrticurrü arrüna chütacürusupü.

Hebreos 6:2 교차 참조

San Mateo 28:19

Sane naukiche, amekosi au nanaiña iku axɨna kɨx, apiñununekasama namanaiña nauki aikokoromañɨ. Apaunimia ɨmoma au nɨrixhti Iyaɨ, axti Aɨtoxti axtityo Espíritu Santo.

San Mateo 3:14

Auki maɨbo axti Kuan chixhanxtipɨ, nanti ɨmoti: –Axɨpɨñɨ isɨrikia obi, ¿tapɨ axɨkɨ ta ayekatɨ yesañɨ?

San Marcos 16:16

Axti naki ikokotati axtɨ ɨrioti, taesɨburuti pɨnanaki nomɨnantɨ. Tapɨti naki chikokotatipɨ, toxioti ɨmo nikonkoxti.

San Marcos 7:4

Axtɨ iñataimia tato aukina yapachekixhimia utuburiboma, chɨbasopɨma kusɨrɨbo ñana entunumimia. Abikityo sɨrɨmana pikiataka axɨba yacheataxɨma aisamunema, iyaxɨbitama nanaiña axɨba aukiche achama, takanaityo nikɨruxɨma.)

San Marcos 7:8

Tyopiki axaño apiñokota yakɨpukuxti Tupax, yakɨna amenotɨ isiu nisɨboriki mañoñɨnka.

San Lucas 11:38

Axti maniki fariseo kɨtobɨsoti nuxia naukiche astaiti ta chikokotatipɨ axɨna bakɨpukux uimia kusɨrɨbo nantax entunumimia nauki a'ama.

San Lucas 12:50

Kusɨrɨbo yasuriu axɨmanu pichananene makokotox iñemo, ¡taruku nichakisɨrɨkɨ ichepe axtɨ tuxiante axɨna sane!

San Lucas 14:14

Sane taruku napukɨnunku. Tyopiki axɨma champɨ uiche apakama aemo, tapɨ axɨkɨ ane ñana toxiobo aemo ityobo au axɨmanu nanenes auche sɨborikoma tato axɨbama uxia nisɨborikixhimia.

San Lucas 3:16

Tapɨti Kuan nanti ɨmo namanaiña: “Axɨñɨ, ñemanaunkuxatoe xhaunimiaka ui tux. Kuatatiki taman maunimianati ñana aume ui pes uitityo Espíritu Santo. Axti taruku nɨriakaxti xhopɨnanakiñɨ, axɨñɨ chɨkoñopɨtɨ iñemo ityakisɨna nityomoento nipopetakixhti.

San Juan 1:33

Axɨñɨ chɨtusiupɨ iñemo ñakuti. Axti naki uiche aikɨpuruñɨ xhaunimia ui tux, nanti iñemo: ‘Axti naki onɨche astai sɨsioti Espíritu Santo, tyonenti naki maunimiana uiti Espíritu Santo.’

San Juan 5:29

atɨraimia tato auki nikɨxɨma. Axɨbama uxia tɨkañe nisɨborikixhimia, sɨborikoma tato nauki asuriuma nisɨborikixhimia. Tapɨ axɨbama chuxiampɨ tɨkañe nisɨborikixhimia, sɨborikoma tato nauki asuriuma nityakisɨrɨkɨxɨma.

Hechos 10:47

Auki nanti Peru ɨmoma: –¿Emsapɨ ane uiche chichebopɨ tapɨ ɨrioma axɨbama tiyasutiuma axti Espíritu Santo takana axoñɨ tɨkañe?

Hechos 13:3

Naukiche chauki axɨmanu neankaxɨma, iñatama ne'esɨma ityama. Auki bakɨpuruma tato ɨmoma.

Hechos 16:15

Auki ɨrio aɨbu nanaiña axɨmanuma aboma au nipox, auki nantɨ suiñemo: –Axtɨ ñemanauntu axaño amukanaño uxia axɨna nixhakokonaunku ɨmo Nupu Tupax, ausiapata au nipo. Tyone mankio nuxia somopɨnanaki nauki subasikia akamanu.

Hechos 16:33

Au axɨmanu tobixh, axti maniki anankati asaratitɨ tyakuma iyaxɨbitati axɨmanio obɨrio kɨtɨpɨma, auki ɨrioti aɨbu namanaiña axɨmanuma amonkoma au nipoxti.

Hechos 17:18

Abomaintyo axɨmanuma taruku nipiakaxɨma axɨmanuma epicúreos ichepe axɨmanuma estoicos baparioma aɨbuti Pablo. Aboma axɨmanuma namatɨ: –¿Isanempɨ axɨna sane nuraxti naki yuraxiox? Tapɨ makiataka namatɨ: –¿Kanapae manityanati ɨmo makiataka matupaka? Namatɨ sane ityopiki axti Pablo manunekanati ɨmoma nuraxti Jesús, kɨtɨpɨtyo axɨna sɨborikoti tato.

Hechos 2:38

Aiñumuti Peru nuraxɨma: –Apankisio pɨnanakiti Tupax, aixhimiakati nomɨnantɨ aboi, apikokosio yakɨpukuxti, cheboityo aboi nauki soboi abɨrikia au nɨrixhti Jesucristo. Sane ixhimiakatati nomɨnantɨ aboi, auki toxio noñemaxti Espíritu Santo.

Hechos 2:41

Au axɨmanu nanenes, saimia ɨmo trex mil nububikixhimia ikokotama axɨna ñanunekakaxti Peru. Naukiche ɨrioma ui axɨmanuma amonkoma isiuti Jesús, namanaiña sɨromatɨ isiuma.

Hechos 23:6

Auki kuatɨ au ñakionkoxti Pablo, aboma axɨpekukimia axɨmanuma mayɨriabuka axɨbama nɨrixhimia saduceos abomaintyo axɨmanuma fariseos, manityanati rabotɨ nuxia nuraxti: –Masarukityaiki, axɨñɨ fariseoxɨñɨ, axti iyaɨ fariseoxti. Ane axɨna chɨrɨri saɨbuñɨ, ityopiki ikokota sɨborikoma tato ñana axɨbama tɨkoiñoma.

Hechos 24:15

Axɨna ane sobi, anentyo uimia, sɨborikoma tato ñana axɨbama tɨkoiñoma, axɨbama uxia takanaintyo axɨbama chuxiampɨ nisɨborikixhimia tɨkañe.

Hechos 24:21

Axtɨ sane, axaño ɨnantɨ aume ityopiki axɨmanu rabotɨ nuxia nisura naukiche sukanañɨ: ‘Axaño amastai iñemo tyopiki axɨñɨ ikokota axɨna sɨborikoma tato axɨbama tɨkoiñoma.’ ”

Hechos 24:25

Naukiche manityanati Pablo ɨmoma nauki aipesɨnakama nisɨborikixhimia nauki aisamunema axɨna uxia, axti Félix kɨtobɨsoti auki nanti: –Au kiatax xhaemenka tatityo akɨ axtɨ champɨ niyachɨkoi.

Hechos 26:8

¿Kausane axaño chapikokotapɨ ta uiti Tupax sɨborikoma tato axɨbama tɨkoiñoma?

Hechos 4:2

Taruku nityɨborixhimia ɨmoma, ityopiki axti Peru chepeti Kuan manunekanama ɨmo namanaiña ta axɨbama tɨkoiñoma sɨborikoma tato, takanati Jesús sɨborikoti tato.

Hechos 6:6

Auki sɨromatɨ aɨbuma esa axɨmanuma amonkoma isiuti Jesús, axɨma iñatama ne'esɨma ityama, axɨma kaɨma mankioma pɨnanakiti Tupax tyakuma.

Romanos 2:16

au axɨmanu nanenes ñana auche axti Tupax asaratitɨ uiti Jesucristo axɨba umanekana au nausasɨxɨma mañoñɨnka, isiuki axɨba omixhia manityakax xhanunekaka.

1 Corintios 10:2

Ui axɨna sane, namanaiña amonkoma tyupekuti Moisés naukiche ɨrioma ui axɨmanu kɨsaɨbox eanaintyo axɨmanu narubaityu tux.

1 Corintios 12:13

Tyopiki uiti kunauntañanti Espíritu Santo namanaiña osɨrikia, axɨbama judíos axɨbamaintyo chɨtɨpɨ judíos, axɨbama kumanakaka axɨbamaintyo chɨtɨpɨ kumanakaxɨma nauki chepe nusaka ui noñemaxti Espíritu Santo. Namanaiña uchaka uiti maniki Espíritu Santo.

2 Corintios 5:10

Tyopiki namanaiña ñana uɨkatɨ uityusiankana oñɨ kauta nityɨmoxti Yɨriabux Jesucristo, nauki taikianati taman atoxi ɨmoti axɨna toxiobo, isiu axɨna isamutenti axtɨ axɨna uxia axtɨ axɨnaintyo chuxiampɨ naukiche anankaiki kɨtɨpɨti nisɨborikixhti.

Filipenses 3:21

uiti aikiaɨbuti axɨna champɨ nanenekiche nokɨtɨpɨ nauki aye uixh takana nanentaka nikɨtɨpɨxti. Isamutenti ñana ui axɨmanu yarusɨrɨx nɨriakaxti iku axɨna kɨx.

Colosenses 2:12

Naukiche abɨrikia, axaño amekatityo kɨtu chepeti Cristo, chepetityo ausɨborikia tato, tyopiki apikokota nɨriakaxti Tupax.

2 Timoteo 2:18

sɨroma pese pɨnanaki axɨna ñemanauntu namatɨ ta tosɨborikia tato, aboma axɨbama chɨmastakaxɨpɨ ñakokonaunkuxɨma uimia.

Hebreos 11:35

Abe paɨka axɨba omonkotɨ ɨmoti Tupax, sane naukiche niñupaɨmakax axɨbama tɨkoiñoma sɨborikoma tato. Aboma axɨbama onkomatɨ nuxia ɨmoti Tupax ta chixhanxɨpɨma añekama ui nikonkoxɨma tyopiki axtɨ sɨborikoma tato koñoxatai axɨmanu nisɨborikixhimia.

Hebreos 9:10

Nanaiña axɨba bakɨpukuka sane tyoneiantai yokɨtɨpɨ axɨba uñutuburibo otɨpobo, takanaintyo ɨmo nokobori ɨmo noñeanka, axɨba bakɨpukuka uburapoi axɨba uisamutumuebo, paserebio chepe axtɨ isamutenti Tupax kiatax axɨna ñemanauntu uxia.

2 Pedro 3:7

Axɨna napes chepe axɨna kɨx kaɨma, omiñaxio ñana ui pes tyopiki sane yakɨpukuxti Tupax. Ui axɨmanu pes ɨroma ñana au axɨmanu tyakɨrux nanenes axɨbama chuxiampɨ nisɨborikixhimia axtɨ tastaiti nisɨboriki namanaiña.