Hebreos 6:11 - Manityanati Tupax

¹¹ Suixhanka nauki axaño sɨsio año aɨbu narukux aume chepe nityakɨrux ñana, nauki apasuriu nanaiña axɨba omixhia chaɨbopɨ nauxianka apasuriu.

Manitanati Tuparrü

¹¹ Arrüsomü tarucu suirranca nauqui amenotü isiuti Cristo aübu narucurrü aume, chepe nitacüru nausüboriqui. Sane caüma iyebo aboi ñana arrüna urria, arrüna ümoche aparrüperaca.

Hebreos 6:11 교차 참조

San Mateo 24:13

Tapɨti naki iñatati nuxia chepe nityakɨrux, añekanati ui nikonkoxti.

San Lucas 1:1

Sɨrɨmanama axɨbama aɨbapae tyone yachɨkoimia aikonomonomaio axɨmanio tɨkañe omixhankio uiti Tupax auna uyaxɨpeku,

Romanos 12:8

Axti naki toxio ɨmoti nauki anunekati ɨmo makiataka, tari tyone yachɨkoiti. Axti naki makumananati tapɨ ityoximiatati aɨbu nokɨtɨnaunxti. Axti naki ane nɨriakaxti abaxɨpeku, tari aisamunenti aɨbu narukux ɨmoti. Axti naki asaratitɨ tyakuma axɨbama taruku nityakisɨrɨkɨxɨma, tari aisamunenti aɨbu nipukɨnunkuxti.

Romanos 15:13

Axti Tupax naki uiche uxia numakionko, tari yachebati aupukɨnunkubu, taikiana axiaintyo uiti aume axaño axɨbama apikokokati, tari yachebati aukusɨubu ui noñemaxti Espíritu Santo.

1 Corintios 13:13

Abe trex axɨba chɨbutakɨrusupɨ: axɨna uikokokati Jesús, axɨna nubaxɨperaka axɨnaintyo nukuasɨrɨkɨ oemoantoe, axɨna yarusɨrɨx omeanaki tyone axɨna nukuasɨrɨkɨ oemoantoe.

1 Corintios 15:58

Sane naukiche, masarukityaiki apiña nuxia, tapɨ autapeneka au axɨna napakokonaunku abasikia aɨbu, tari tyone napachɨkoi apanunekai au nɨrixhti Yɨriabux Jesús. Tyopiki tusiu aume ta chɨmunataipɨ axɨna napaserebiki ɨmoti Yɨriabux.

Gálatas 5:5

Axoñɨ, ui noñemaxti Espíritu Santo baxɨperaka kɨmenu nipukɨruxti Tupax utaku isiuki numakokonaunku.

Gálatas 6:9

Tapɨ ubata oemo uisamune axɨna uxia. Tyopiki axtɨ chubatapɨ oemo, iñatai axɨmanu nanenes auche ñana bapakɨtauka.

Filipenses 3:15

Namanaiña axɨbama tɨkoboi uikokoroti Cristo uisamunena sane. Axtɨ ane auche kiatax napakionko. Uiti Tupax uraboiti nuxia ausukarɨ.

Colosenses 1:23

Axɨna sane ñana axtɨ sɨsio año aɨbu napakokonaunku, axtɨ chapiñokotapɨ axɨmanu ɨriotɨ oboi axɨmanio omixhia manityakax. Axɨba omixhia manityakax chauki tɨtusiu au nanaiña iku axɨna kɨx, axɨñɨ Pablo anankañɨntyo xhanunekaka.

Colosenses 1:5

axaño apisamute sane nausɨboriki tyopiki, naukiche amonkoi axɨba ñemanauntu omixhia manityakax, tusiu nuxia aume isane axɨmanu aɨburu uiti Tupax aume au napes.

Colosenses 2:2

Axɨñɨ ɨmo yaka nauki aruku nuxia aume au nabausasɨ, nauki chepe nabaka aɨbu napakumananaunku aumeampatoe aɨbu besɨro napapanaunku axɨna uiche atusi aume axɨna nixhantɨmoti Tupax aisamunenti axɨna ananka anekana uiti, ta tyonenti Cristo.

1 Tesalonicenses 1:5

Naukiche suburapoi ausukarɨ axɨba omixhia manityakax, chisopisamutempɨ ui manityakaxtai, sopisamute ui noñemaxti Tupax takanaintyo ui noñemaxti Espíritu Santo.

1 Tesalonicenses 4:10

Sane apisamute aɨbu namanaiña axɨmanuma ikokoromati Cristo auki nanaiña Macedonia. Apasamu nuxia suiñemo masarukityaiki aukuasɨrɨ nuxia aumeampatoe.

2 Tesalonicenses 3:13

Tapɨ axaño masarukityaiki, tapɨ tochenko aboi napasamuku axɨna uxia.

Hebreos 10:22

Sane naukiche kuri esati Tupax aɨbu kicheseña nuyausasɨ aɨbuityo ñemanauntu numakokonaunku, axɨbio nuxia nuyausasɨ pɨnanaki nanaiñantai nomɨnantɨ takanaintyo nokɨtɨpɨ axɨbio ui tux kɨcheseña.

Hebreos 3:14

Tyopiki axoñɨ toxioityo ñana oemo axɨmanu toxiobo ɨmoti Cristo, axtɨ oñonkatɨ nuxia aɨbu narukux oemo chepe nityakɨrux takana aukiapae maɨbo.

Hebreos 3:6

Tapɨti Cristo, naki Aɨtoxti, makokonaunxti au nipoxti Tupax axɨmanu pox ta axoñɨ, axtɨ oñonkatɨ nuxia aɨbu nupukɨnunku.

1 Pedro 1:21

Auki nakaxti Cristo axaño apikokota nakaxti Tupax, naki uiche asɨboriti tato axɨpekuki makoiñoka, auki toxio ɨriakaboti au napes. Sane naukiche axaño amonkatɨ ɨmoti Tupax, tusiuityo aume ta ñemanauntu toxio ñana nanaiña axɨmanu ɨriotɨ tɨkañe uiti.

2 Pedro 1:10

Sane naukiche masarukityaiki, axti Tupax samamekana año uiti amenotɨ axɨpekuma axɨbama aɨtoxti, apiña nuxia nauki sɨsio aukɨtɨpɨ axɨna sane, axtɨ apisamute sane, chautapenekapɨ ñana aɨbu napakokonaunku.

2 Pedro 3:14

Sane naukiche, masarukityaiki, axɨna amasankatɨ kɨmenu axɨna sane, apapache nikiubu año nauki uxia nausɨboriki au nastaxti Tupax, nauki atabɨ uiti kicheseña nabausɨpɨ tapɨ ane nomɨnantɨ aboi.

1 Juan 3:14

Axoñɨ auki nokonko uɨkatɨ ɨmo nosɨboriki, tusiu nuxia oemo tyopiki kuasɨrɨma oemo axɨbama usarukityaiki. Axti naki chɨmakumananauntipɨ ta takana axtɨ tɨkoiñoti.

1 Juan 3:19

Sane atusi oemo ta axoñɨ uisamute axɨna ñemanauntu, sane champɨ arapoboiboti Tupax oemo.

Apocalipsis 2:26

Axti naki chɨtapenekotipɨ axtɨ aɨburu uiti axɨna nixhakɨpuku chepe nityakɨrux ñana, toxio sobi ɨriakaboti ɨmoma namanaiña axɨbama ikuki axɨna kɨx,