Hebreos 5:10 - Manityanati Tupax

¹⁰ sane naukiche yɨriabuxti uiti Tupax ɨmoma axɨbama sacerdotes, takanati Melquisedec.

Manitanati Tuparrü

¹⁰ Itopiqui arrti Tuparrü iñanatiti tacana yarusürürrü sacerdoterrü ümo para siemprerrü, tacana nacarrti Melquisedec tücañe.

Hebreos 5:10 교차 참조

Hebreos 2:17

Ɨmo axɨna sane isamunutiyɨ takana nakaxɨma axɨbama yarukityoxti iku axɨna kɨx, sane aye uiti yɨriabuxti ɨmoma axɨbama sacerdotes aɨbu ñakokonaunkuxti aɨbuityo nipukɨruxti au yaserebikixhti ɨmoti Tupax, nauki ane maximikatax uiti ɨmoma axɨbama ikokoromati Tupax.

Hebreos 3:1

Sane naukiche, masarukityaiki, axɨbama samamekana año, batasukux aume uiti Tupax nauki aɨtoxti año, apiñanaunsuti nuxia Cristo Jesús naki yakɨpusuxti Tupax naki Yɨriabuxti ɨmoma axɨbama sacerdotes, naki tyopikiche uikokokati Tupax.

Hebreos 5:11

Abiki sɨrɨmana axɨba suburapoboibo ɨmo axɨna sane, ta kuextaxapae sopiñununekanaño, tyopiki axaño chɨkontopɨ aye aboi.

Hebreos 6:20

kauta tɨkañe sɨrotitɨpo Jesús nauki aiyaɨbuti besɨro kutubiux oemo esati Tupax, tyopiki axti Cristo tyonenti yɨriabuxti ɨmoma axɨbama sacerdotes ñome nanaiña naskɨbeka takanati Melquisedec tɨkañe.