Hebreos 5:1 - Manityanati Tupax

¹ Axti Tupax tyonenti naki uiche samamekanama ɨriatuxɨma axɨbama sacerdotes axɨpekuki mañoñɨnka, sɨroma nauki anityanama ɨmoti Tupax au nɨri namanaiña nauki aityoximiama makumanataka yutaku nomɨnantɨ.

Manitanati Tuparrü

¹ Arrübama yarusürürrü sacerdoterrü icu na cürrü ane yachücoboiboma: Arrüma manitanama ümoti Tuparrü itacu macrirrtianuca y itorrimiatama macumanataca ümoti Tuparrü y numuquianca, arrüba tiene que aucon itobo nomünantü ui macrirrtianuca.

Hebreos 5:1 교차 참조

Romanos 15:17

Ane tyopikiche taruku nipukɨnunku aɨbuti Jesucristo ta tyopiki axɨna yaserebikia ɨmoti Tupax,

1 Corintios 15:3

Kusɨrɨbo iñununekanaño axɨna urapoimia tɨkañe sukarɨñɨ, axti Cristo koiñoti nauki ane maximiakatax tato yotopiki axɨba nomɨnantɨ osoi, sane nantɨ iku Nikorox,

Hebreos 10:11

Namanaiña axɨbama sacerdote judío makumananama numukianka ɨmoti Tupax naneneka taikiana tyone tatityo, axɨmanio makumanataka champɨ nobɨriakax nauki apikiaɨbu nomɨnantɨ okɨtɨpɨki.

Hebreos 10:12

Tapɨti Jesucristo kunauntañantai ñakumanataxti ɨmoti Tupax ɨmo nanaiña naskɨbeka, sane naukiche moximiakana tato nomɨnantɨ osoi. Auki tɨmonsoti au nepanaunkuxti Tupax.

Hebreos 11:4

Axti Abel tɨkañe onkotitɨ ɨmoti Tupax. Sane naukiche ityoximiatati ɨmoti Tupax axɨmanu ñakumanataxti uxia pɨnanaki ñakumanataxti Caín, naki yarukityoxti. Uxia nakaxti Abel au nastaxti Tupax, ityopiki onkotitɨ ɨmoti, auki yasutiuti ñakumanataxti. Tɨkoboi nikonkoxti Abel, manunekanatiki isiuki axɨmanu ñakokonaunkuxti ɨmoti Tupax.

Hebreos 2:17

Ɨmo axɨna sane isamunutiyɨ takana nakaxɨma axɨbama yarukityoxti iku axɨna kɨx, sane aye uiti yɨriabuxti ɨmoma axɨbama sacerdotes aɨbu ñakokonaunkuxti aɨbuityo nipukɨruxti au yaserebikixhti ɨmoti Tupax, nauki ane maximikatax uiti ɨmoma axɨbama ikokoromati Tupax.

Hebreos 7:27

Chisiupɨ nakaxti takana axɨbama makiataka ɨriatuxɨma axɨbama sacerdotes, axɨbama batabayoma naneneka numukianka ñakumanataboma ɨmoti Tupax, kusɨrɨbo ityobo axɨba nomɨnantɨ uimia takanaintyo axɨba nomɨnantɨ ui namanaiña.

Hebreos 8:3

Auna iku axɨna kɨx, sɨroti yɨriabux ɨmoma axɨbama sacerdotes naki uiche aityoximiati ɨmoti Tupax ñakumanataxɨma axɨbama ikokoromati. Sane naukiche axti Jesucristo anentyo ñakumanataboti ɨmoti Tupax.

Hebreos 8:4

Axtɨ anatipɨ iku axɨna kɨx, champɨpɨ nɨmoche sacerdotexti, tyopiki iku axɨna kɨx tɨtaboma sacerdotes axɨbama uiche aityoximiama makumanataka ɨmoti Tupax yakɨpukux axɨmanu bakɨpukux uiti Moisés.

Hebreos 9:9

Nanaiña axɨna sane tyone takana machepekatax ɨmo axɨba naskɨbeka kaɨma. Tyopiki nanaiña axɨba makumanataka botoxio ɨmoti Tupax champɨ maximiakatax oboi ñome axɨba nomɨnantɨ osoi.