Hebreos 4:9 - Manityanati Tupax

⁹ Sane naukiche aninki taman axɨna samamekana kauta aɨromatɨ axɨbama ikokoromati Tupax.

Manitanati Tuparrü

⁹ Uirri tusio oemo que ta cuatiqui nauqui acansama bama icocoromati Tuparrü.

Hebreos 4:9 교차 참조

San Mateo 1:21

Mariax, anati taunainki ipiaɨmakax, aiña ɨriboti Jesús. Sane nɨrixhti ityopiki uiti ñana taesɨburuma namanaiña eanaki nomɨnantɨ.”

Tito 2:14

Axti ityoximianatiyɨ ɨmo nikonkoxti utaku, nauki aikiaɨburuti oñɨ omeanaki nomɨnantɨ naukityo aisɨbuti nanaiña okɨtɨpɨki, sane kaɨma aɨtoxti oñɨ, nauki osoimatoe uisamunio axɨba omixhia.

Hebreos 11:25

Axti xhanxti asuriuti nityakisɨrɨkɨxti chepema axɨbama aɨtoxti Tupax, yasutiuti apukɨnuti ñome mantukubatai naneneka eana nomɨnantɨ.

Hebreos 3:11

Sane naukiche sukanañɨ ɨmoma auki nichɨbori ta chiyebopɨ ñana uimia au axɨmanu kɨx toxiobo ɨmoma.”

Hebreos 4:1

Sane naukiche, axɨna ɨriotɨki atoxi oemo uiti Tupax axɨmanu nikɨxti, tari basarira nuxia tapɨ anati naki uyaxɨpekuki chiyebopɨ ñana uiti.

Hebreos 4:10

Tyopiki axti naki iyebo uiti kauta axɨmanu nikɨxti Tupax, tochenko niyachɨkoiti, sane takanati Tupax tochenko niyachɨkoiti.

Hebreos 4:3

Tapɨ axoñɨ axɨbama uikokota, iyebo ñana osoi kauta axɨmanu nikɨxti, axɨmanu kauta nanti Tupax: “Sane naukiche sukanañɨ ɨmoma auki nichɨbori ta chiyebopɨ ñana uimia au axɨmanu kɨx toxiobo ɨmoma.” Tapɨti Tupax ta tɨtakɨrusu uiti niyachɨkoiti naukiche isamutenti axɨna kɨx auki ñemonkox.

Hebreos 4:8

Tyopiki axtɨ axɨmanuma auki Israel, uitipɨ Josué ñemanaunkuxatoe uxia nakaxɨma, axti Tupax champɨ nɨmochepɨ uraboiti tatityo kiatax nanenes.

1 Pedro 2:10

Tɨkañe axaño champɨ isane nabaka, tapɨ kaɨma ta aɨtoxti Tupax año. Tɨkañe axti Tupax champɨ nipukɨruxti autaku, tapɨ kaɨma taruku nipukɨruxti autaku.

Apocalipsis 14:13

Auki ñonkoi taman tosibixh auki napes, nantɨ iñemo sane: “Aikonomo axɨna sane: ‘Aukina kaɨma chiyaupɨ nipukɨnunkuxɨma axɨbama koiñoma chepeti Yɨriabux Jesús.’ ” “Sane–nanti Espíritu Santo–, axtɨ tochenko nityakisɨrɨkɨxti, tyopiki axti Tupax ane toxiobo uiti ɨmoti ityobo nanaiña axɨna uxia isamutenti.”

Apocalipsis 21:4

Uiti ñana aisɨbuti nisukɨxɨma, champɨki konkox, suchekixh, noxokox, nareokox. Tyopiki nanaiña axɨmanu ane tɨkañe chauki champɨki.”