Hebreos 3:19 - Manityanati Tupax

¹⁹ Sane bastai, ta chiyebopɨ uimia tyopiki chɨmakokonaumpɨma.

Manitanati Tuparrü

¹⁹ Sane nauquiche caüma arroñü barrtai nurria que arrüma chiyebopü uimia esati Tuparrü, itopiqui chümacoconaunrrüpüma ümoti.

Hebreos 3:19 교차 참조

San Marcos 16:16

Axti naki ikokotati axtɨ ɨrioti, taesɨburuti pɨnanaki nomɨnantɨ. Tapɨti naki chikokotatipɨ, toxioti ɨmo nikonkoxti.

San Juan 3:18

“Axti naki ikokoroti Aɨtoxti Tupax, chɨtoxiotipɨ ɨmo nityakisɨrɨkɨxti. Tapɨti naki chɨmakokonaumpɨ, tɨtoxioti ɨmo nityakisɨrɨkɨxti ityopiki chɨmakokonaunxtipɨ ɨmoti naki kunauntañati Aɨtoxti Tupax.

San Juan 3:36

Axti naki makokonaunxti ɨmoti Aɨtoxti, ane isɨborikiboti ñome nanaiña naskɨbeka. Tapɨti naki chixhanxtipɨ akokonaunti ɨmoti Aɨtoxti, chɨtoxiopɨ ɨmoti axɨmanu isɨborikiboti, axɨna toxiobo ɨmoti taruku nityakisɨrɨkɨxti uiti Tupax.”

Romanos 11:23

Tapɨ axtɨ axɨbama judíos makokonauma tato, sɨroma tatityo kauta naukiche atɨsɨma. Tyopiki axti Tupax ane noñemaxti uiche aɨroma tatityo aukiche atɨsɨma.

2 Tesalonicenses 2:12

Sane nauki asuriuma nityakisɨrɨkɨxɨma ñana namanaiña axɨbama chixhanxɨpɨma aikokoma axɨna ñemanauntu uxia manityakax, taruku nipukɨnunkuxɨma oboi axɨba chomixhampɨ isamutema.

Hebreos 3:12

Masarukityaiki, amasasai nuxia, tapɨ anati taman abaxɨpeku axti naki champɨ nuxiantu nausasɨxti naki chɨmakokonaumpɨ naki iñanatiyɨ pese pɨnanakiti Tupax naki sɨborikoti.

1 Juan 5:10

Axti naki ikokoroti Aɨtoxti Tupax, ane uiti axɨna manityakax au nausasɨxti. Axti naki chikokotatipɨ axtɨ anati Tupax, uiti ta takana axtɨ taruku ñapantuxti Tupax, tyopiki chikokotatipɨ nuraxti ikɨtɨpɨti Aɨtoxti.

SAN JUDAS 1:5

Axaño chauki tɨtusiu aume, ixhanka suraboi tatityo ausukarɨ ta axti Tupax, naukiche kaɨburuma uiti auki Egipto axɨbama auki Israel, axɨbama chɨmakokonaumpɨma koiñoma uiti.