Hebreos 3:14 - Manityanati Tupax

¹⁴ Tyopiki axoñɨ toxioityo ñana oemo axɨmanu toxiobo ɨmoti Cristo, axtɨ oñonkatɨ nuxia aɨbu narukux oemo chepe nityakɨrux takana aukiapae maɨbo.

Manitanati Tuparrü

¹⁴ Itopiqui arroñü usaca ichepeti Cristo, arrtü chuiñocotapü noñonco ümoti chepe noconco, tacana numo aübo uicococati.

Hebreos 3:14 교차 참조

Romanos 11:17

Axɨmanu soes olivo, tyonema axɨbama judíos, botɨsɨro omeanaki nipiax, au niñokonosɨox sɨro tato kiatax eanaki nɨunx, axɨmanio tyone axɨkɨ. Sane naukiche iyebo obi chepe nixhanakax saneityo iyebo obi asɨborikibo aɨbu axɨmanu soes olivo.

Romanos 11:22

Unka astai taruku nipukɨruxti Tupax, chuxiampityo ɨmoti chuisamutempɨ yakɨpukuxti. Besɨro ñapanaunkuxti aɨbuma axɨbama tapenekoma, tapɨ aɨbukɨ taruku nipukɨruxti. Aisamuse au nanaiña nasɨboriki takana axɨna nipukɨruxti. Tyopiki axtɨ chɨsanempɨ obi atɨsɨkaityo uiti.

1 Corintios 1:30

Uitiatoe Tupax abaka chepeti Cristo Jesús, uitityo Cristo tyonenti axɨna nuipiaka, axɨnaintyo uxia numapanaunku, uitityo ukurusɨka uitityo ane maximiakatax oemo.

1 Corintios 10:17

Champɨ nɨmoche axtɨ sɨrɨmana oñɨ, namanaiña ubaka auki axɨmanu kunauntaña pan, sane naukiche kunauntaña nakax osoi axɨmanu kɨtɨpɨx.

1 Corintios 9:23

Axɨna sane isamute tyopiki axɨba omixhia manityakax nauki, atoxityo iñemo.

Efesios 3:6

Axɨmanu nixhantɨmoti Tupax aisamunenti tyone axɨna: Aɨbuti Jesucristo, namanaiña mañoñɨnka ikuki kɨx nauki asuriuma, chepeti Cristo Jesús, axɨmanu toxiobo ɨmoma axɨmanu ɨriotɨ uiti Tupax ɨmoma axɨbama auki Israel.

1 Timoteo 6:2

Axtɨ aboma axɨbama baserebioma ɨmoti naki ikokoroti Jesús, tapɨ champɨ ñanaunkuxɨma ɨmoma tyopiki ta yarukityoxɨma au ñakokonaunkuxɨma. Tari aserebimia nuxia ɨmoma tyopiki axɨbama ɨmoche aserebimia, ta yarukityoxɨma axɨbama taruku nikuasɨrɨkɨxɨma ɨmoma.

Hebreos 11:1

Axtɨ oñonkatɨ nuxia ɨmoti Tupax, ta basutiu ñana axɨna ɨriotɨ uiti oemo. Ta uikokota axɨna chubastaipɨ.

Hebreos 12:10

Axɨbama uyaɨtaiki iku axɨna kɨx iñununekanama oñɨ ɨmo axɨna chabaityuxɨpɨ nosɨboriki, tyopiki au ñakionkoxɨma tyone axɨna uxia oemo. Tapɨti Tupax iñununekanati oñɨ nauki ñemanaunkuxatoe uxia nosɨboriki, nauki tapɨ ane nomɨnantɨ osoi takanati.

Hebreos 3:1

Sane naukiche, masarukityaiki, axɨbama samamekana año, batasukux aume uiti Tupax nauki aɨtoxti año, apiñanaunsuti nuxia Cristo Jesús naki yakɨpusuxti Tupax naki Yɨriabuxti ɨmoma axɨbama sacerdotes, naki tyopikiche uikokokati Tupax.

Hebreos 3:6

Tapɨti Cristo, naki Aɨtoxti, makokonaunxti au nipoxti Tupax axɨmanu pox ta axoñɨ, axtɨ oñonkatɨ nuxia aɨbu nupukɨnunku.

Hebreos 6:11

Suixhanka nauki axaño sɨsio año aɨbu narukux aume chepe nityakɨrux ñana, nauki apasuriu nanaiña axɨba omixhia chaɨbopɨ nauxianka apasuriu.

Hebreos 6:4

Tyopiki axɨbama tiyasutiuma basarux, tiyasutiumaintyo nichesoxti Tupax ɨmoma, sane toxioityo Espíritu Santo ɨmoma,

1 Pedro 4:13

Axtɨ sane, tari taruku naupukɨnunku, tyopiki autakisɨrɨka chepeti Cristo, nauki aupukɨnunkaityo axtɨ tɨkuatati tato aɨbu yarusɨrɨx nɨriakaxti.

1 Pedro 5:1

Ixhanka xhanuneka ɨmo mayɨriabuka axɨbama ikokoromati Jesús, axɨbama aboma abaxɨpeku, axɨñɨntyo yɨriabuxɨñɨ takana axɨma, sukarɨñɨ tɨkañe axɨmanu nityakisɨrɨkɨxti Cristo. Axtɨ tɨkuatati tato ñana Cristo axtɨ tɨtusiankana uiti ñana axɨmanu champɨ takanache nɨriakaxti iyeboityo ñana sobi axɨmanu nɨriakaxti. Axɨna nixhanunekaka tyone axɨna sane.

1 Juan 1:3

Suburapoi ausukarɨ, axɨna sumastai axɨnaintyo somonkoi, nauki axaño apiyoberabakaño suichepe, takana axɨsomɨ subaka chepeti Tupax, naki Uyaɨ, chepetityo Jesucristo naki Aɨtoxti.