Hebreos 2:3 - Manityanati Tupax

³ ¿Kausane nauki añekana oñɨ, axtɨ champɨ nɨmoche osoi axɨna yarusɨrɨx maximiakatax oemo? Tyopiki axti Yɨriabux Jesús kusɨrɨboti uraboiti axɨna maximiakatax, tyone axɨna urapoimia tatityo usukarɨ axɨbama onkoimia axɨmanio omixhia manityakax.

Manitanati Tuparrü

³ ¡Causanempü caüma oemo! Manrrü tarucu carrticurrü oemo, arrtü chübasutiupü arrüna yarusürürrü ñataesümunucucurrti Tuparrü oemo. Arrtiatoe Señor Jesús cusürüboti uraboiti arrüna yayuracarrti Tuparrü oemo, uiche utaesübuca eanaqui nomünantü. Aboma bama oncoimia nurarrti tücañe. Auqui caüma arrüma matoconoma uraboimia usucarü.

Hebreos 2:3 교차 참조

San Mateo 23:33

“¡Noixhoboka año! ¡Nityakɨbaɨtu noixhoboka! ¿Kausane amañekaka ui nautakisɨrɨkɨ au infierno?

San Mateo 4:17

Aukimanu manunekanati Jesús sane: “Ausiapata tato esati Tupax, ityopiki nɨriakax auki napes ane saimia.”

San Marcos 1:14

Naukiche amanatipo Kuan uimia, sɨrotitɨ Jesús au Galilea uraboiti axɨba omixhia manityakax au nɨrixhti Tupax.

San Lucas 1:2

sane urapoimia usukarɨ axɨbama aukiapae amonkoma tɨkañe ichepeti aukityo asuriuma bakɨpukux nauki uraboimia axɨba omixhia nuraxti.

San Lucas 1:69

Bakɨpuruti oemo tamanti naki taruku nɨriakaxti aikiaɨburuti oñɨ eanaki nomɨnantɨ, nityakɨbaɨtuxti David, naki baserebioti ɨmoti.

San Lucas 24:19

Ñankitioti pɨnanakimia: –¿Isane axɨba omixhankio? Namatɨ ɨmoti: –Axɨmanu isamutema ɨmoti Jesús auki Nazaret, axti profeta taruku nɨriakaxti oboi axɨba isamutenti oboityo nuraxti sukarɨti Tupax isukarɨtyo namanaiña.

San Juan 15:27

Axañointyo apanityaka ñana au nisɨri, ityopiki amonkaño ichepeñɨ aukiapae.

Hechos 1:22

aukiapae naukiche ɨrioti uiti Kuan ichepe niyɨkɨxti tato au napes. Uxia axtɨ anati kiatax ityoboti Judas auna ochepe, nauki aɨrotitɨ ochepe uraboiti ta sɨborikoti tato Jesús.”

Hechos 2:22

“Amonsapesio nuxia nisura, axɨbama auki Israel axɨna ixhanka sukanañɨ kaɨma aume: Axaño tɨtusiu nuxia aume, ityusiankatati Tupax ausukarɨ nɨriakaxti Jesús auki Nazaret, auki nakaxti omixhante uiti axɨba champɨ tubastai.

Hechos 4:12

Champɨti kiatax uiche ane maximiakatax oemo, ityopiki iku axɨna kɨx, tyonentiatai axti naki ane nɨriakaxti aixhimiakati nomɨnantɨ osoi.

Romanos 11:14

Ixhanka nauki aboma axɨbama isarukityaiki ɨnantɨ ɨmoma autopiki, sane aikiaɨburuma año eanaki nomɨnantɨ.

Romanos 2:3

Tapɨ axɨkɨ axtɨ, asikia kuata nipɨnatema makiataka, aisamutentyo takana axɨna isamutema, tapɨ ukanɨ ta añekaka ñana uiti Tupax.

1 Corintios 1:21

Tyopiki axɨbama ikuki axɨna kɨx chiñataipɨ nipiakaxɨma nauki asuputaramati Tupax, auna kauta ityusiankatati nipiakaxti, axti Tupax ui nipukɨruxti axɨbama ikokotama axɨba omixhia nuraxti ane maximiakatax ɨmoma, champɨ nɨmoche axtɨ ɨmo makiataka axɨna manunekatax chɨsamianapɨ.

1 Tesalonicenses 5:3

Axtɨ namanaiña namatɨ: “Nanaiña uxia, champɨ kausane”, auki kaɨma takana taman basakuakax iñatai ɨmoma nityakisɨrɨkɨxɨma, champɨti añekana ñana, uxiante ñana axɨna sane axtɨ champɨti ane au ñakionkoxti, takana axtɨ taman paɨx xhanx ane meku. ¡Champɨti ñana añekana!

1 Timoteo 1:15

Axɨna sane ta ñemanaunkuxatoe, tari namanaiña aikokoma: axti Cristo Jesús kuatati tɨkañe iku axɨna kɨx, nauki ataesɨmunuti eanaki nomɨnantɨ ɨmo axɨbama ane nomɨnantɨ uimia, axɨpekukimia axɨñɨ isusɨrɨka.

Tito 2:11

Tyopiki ityusiankatati Tupax axɨna nipɨkɨruxti tyaku namanaiña mañoñɨnka ikuki axɨna kɨx.

Hebreos 1:1

Aukiapae tɨkañe axti Tupax taikiana anityati ɨmoma axɨbama uyaɨtaiki oboi aruki nanaiñantai nuraxti uimia axɨbama profetas.

Hebreos 1:14

Tyopiki namanaiña axɨbama ángeles tyonema axɨbama espíritu baserebioma ɨmoti Tupax, axɨbama bakɨpukux ɨmoma nauki asaramatɨ tyakuma axɨbama toxio ñana ɨmoma axɨna maximiakatax.

Hebreos 1:2

Tapɨ kaɨma au axɨba tyakɨrux naskɨbeka, axti Aɨtoxti tyonenti naki manityanati oemo au nɨrixhti Yaɨtoti, naki tyopikiche aisamunenti axɨna kɨx naki ɨmoche ñana aityoximiati nanaiña.

Hebreos 12:25

Amasasai nuxia, tapɨ champɨ nɨmoche aboi axtɨ anati naki manityanati oemo. Tyopiki axɨbama champɨ nɨmocheti Tupax uimia naukiche kuasoma uiti iku axɨna kɨx, chañekanapɨma uiti. Saneityo axoñɨ champɨ kauta mataneka axtɨ uicheta nuchaku ɨmoti naki makuansomokonoti oemo auki napes.

Hebreos 4:1

Sane naukiche, axɨna ɨriotɨki atoxi oemo uiti Tupax axɨmanu nikɨxti, tari basarira nuxia tapɨ anati naki uyaxɨpekuki chiyebopɨ ñana uiti.

Hebreos 4:11

Uiñana nuxia, nauki aye osoi au axɨmanu nikɨxti, nauki tapɨ anati naki isamutenti isiukimia axɨmanuma chɨmakokonaumpɨma.

Hebreos 5:9

Sane, naukiche tisamutenti Cristo nanaiña axɨna yakɨpukuxti Tupax, tyonenti kaɨma naki uiche ane maximiakatax ɨmoma axɨbama ikokoromati,

Hebreos 9:28

sanentityo Cristo tamantai nikonkoxti, nauki ane maximiakatax tato oemo yotopiki axɨba nomɨnantɨ osoi. Auki kuatati tatityo, chɨtɨpɨ nauki akontiki yotopiki axɨba nomɨnantɨ osoi, ta nauki aye uimia nisɨborikixhimia axɨbama ikokoromati.

1 Juan 1:1

Supakonomoka aume kɨtɨpɨ axɨmanu aukiapae ñemonkox anankatai, axɨna somonkoi sumastai sopiñentaityo. Tyone axɨmanu manityakax ɨmo sɨborikixh.

SAN JUDAS 1:17

Tapɨ axaño, masarukityaiki, apakionsaño ñome nuraxɨma axɨbama amonkoma isiuti Yɨriabux Jesucristo

Apocalipsis 7:10

Namanaiña kɨpurabo nuxia nityosibixhimia: “¡Axɨna maximiakatax oemo uiti Tupax axti naki tɨmonsoti au nityɨmoxti, uityo axɨmanu Nobixhax!”