Hebreos 2:2 - Manityanati Tupax

² Axɨmanio bakɨpukux botoxio tɨkañe uiti Tupax, kuantio uimia axɨbama ángeles, ane yarusɨrɨx nobɨriakax, axɨbama isamutema nomɨnantɨ chikokotapɨma, ane besɨro manityomokotox ɨmoma.

Manitanati Tuparrü

² Tusio te oemo, arrümanu nurarrti Tuparrü tücañe turuqui bama angelerrü, ñemanauntu nurria. Namanaiña bama chümacoconaunrrüpü y chisamutempüma isiu, carrticaboma nurria.

Hebreos 2:2 교차 참조

Hechos 7:53

Toxio tɨkañe bakɨpukux uiti Moisés aume ui axɨbama ángeles, ta chapikokotapɨ.

Gálatas 3:19

Axtɨ sane, ¿isane nanenekiche axɨmanu bakɨpukux? Toxio tɨkañe pɨrɨkɨ nanaiña axɨna sane, nauki atusi axɨba nomɨnantɨ ui mañoñɨnka, chepe axtɨ iñataiti maniki “Aɨtoxti” naki ɨmoche axɨmanu ɨriotɨ tɨkañe uiti. Axɨmanu bakɨpukux ui axɨbama ángeles uraboimia, tapɨti Moisés tyonenti naki uiche uraboiti sukarɨ namanaiña.

Hebreos 1:1

Aukiapae tɨkañe axti Tupax taikiana anityati ɨmoma axɨbama uyaɨtaiki oboi aruki nanaiñantai nuraxti uimia axɨbama profetas.

Hebreos 10:28

Axtɨ anati naki chikokotapɨ bakɨpukux uiti Moisés, axtɨ aboma axɨbama toxɨma o trexɨma urabomati axɨbama astaimia nomɨnantɨ uiti, toxioti ɨmo nikonkoxti champɨti okɨmanabo tyakuti.

Hebreos 10:35

Tapɨ apiñokota napakokonaunku ɨmoti Tupax, tyopiki sane ane toxiobo aume ityobo.

Hebreos 11:26

Au ñakionkoxti chuxiampɨ ɨmoti taruku nipukɨnunkuxti oboi nenaxi Egipto, au ñakionkoxti uxia ɨmoti asuriuti nityakisɨrɨkɨxti takana nityakisɨrɨkɨxti ñana Mesías. Tyopiki tusiu ɨmoti ta axti Tupax ane ñana toxiobo uiti ɨmoti ityobo.

Hebreos 11:6

Chuxiampɨ ɨmoti Tupax axtɨ chuikokokatipɨ, nauki apukɨnuti Tupax ukuata uikokora ta anati sɨborikoti, ane toxiobo uiti ɨmoma axɨbama yapacherioromati.

Hebreos 12:25

Amasasai nuxia, tapɨ champɨ nɨmoche aboi axtɨ anati naki manityanati oemo. Tyopiki axɨbama champɨ nɨmocheti Tupax uimia naukiche kuasoma uiti iku axɨna kɨx, chañekanapɨma uiti. Saneityo axoñɨ champɨ kauta mataneka axtɨ uicheta nuchaku ɨmoti naki makuansomokonoti oemo auki napes.

2 Pedro 1:19

Sane naukiche axɨñɨ sukanañɨ ta ñemanauntu axɨmanu nuraxti Tupax urapoimia tɨkañe axɨbama profetas. Apasamu nuxia amonsapesio axɨmanio omixhia manityakax, tyopiki uixh atusi aume kausane apisamune nausɨboriki chepe axtɨ tɨkuatati tato Cristo aisamunenti kiatax nausɨboriki.

SAN JUDAS 1:5

Axaño chauki tɨtusiu aume, ixhanka suraboi tatityo ausukarɨ ta axti Tupax, naukiche kaɨburuma uiti auki Egipto axɨbama auki Israel, axɨbama chɨmakokonaumpɨma koiñoma uiti.