Hebreos 2:18 - Manityanati Tupax

¹⁸ Tyopiki axtityo tɨkañe takisɨrɨti ui makokotox, kaɨma ane nɨriakaxti asaratitɨ tyakuma axɨbama ane makokotox ɨmoma.

Manitanati Tuparrü

¹⁸ Auquina caüma ipiacati ayurati ümo bama ane macocotorrü ümoma, itopiqui arrtito taquisürüti, y ananca macocotorrü ümoti tacana ümoma.

Hebreos 2:18 교차 참조

San Lucas 22:28

“Axaño amonkañoantai ichepeñɨ ñome makokotoka iñemo.

San Lucas 22:53

Naneneka anankañɨ auchepe au nipo meankax, champɨti iñenotiñɨ. Tyone mapakɨmunkutux aume, tyone mapakɨmunkutux ɨmo axɨna taruku nityomikianenekixh.

San Juan 10:29

Axɨna toxio iñemo uiti Iyaɨ taruku niyarusɨrɨkɨx pɨnanaki namanaiña, champɨti naki ikiaɨbutati pɨnanakiti.

1 Corintios 10:13

Axaño chɨtoxiopɨ aume makokotox axɨna chichepepɨ napasɨu. Axti Tupax chɨmapañantipɨ champɨ ñana makokotox uiti aume axɨna chichepepɨ napasɨu. Axtɨ ane ñana makokotox aume, axti Tupax ityusiankatati ausukarɨ kausane tapɨ abeka ui axɨmanu makokotox, nauki ane napasɨu ɨmo.

Filipenses 3:21

uiti aikiaɨbuti axɨna champɨ nanenekiche nokɨtɨpɨ nauki aye uixh takana nanentaka nikɨtɨpɨxti. Isamutenti ñana ui axɨmanu yarusɨrɨx nɨriakaxti iku axɨna kɨx.

2 Timoteo 1:12

sane naukiche taruku nichakisɨrɨkɨ oboi axɨba sane. Ta axɨñɨ chisɨsokapɨ oboi, tyopiki axɨñɨ tusiu iñemo ñakuti ɨmoche ñonkatɨ. Tusiuityo iñemo chepe axɨmanu nanenes ñana asaratitɨ tyaku axɨmanu toxio uiti iñemo.

Hebreos 5:2

Tyopiki axti maniki sacerdote tusiutyo ɨmoti ta ane makokotox ɨmoti, sane naukiche pukɨrusuti tyakuma axɨbama champɨ nipiakaxɨma axɨbamaintyo ane nomɨnantɨ uimia.

2 Pedro 2:9

Axti Tupax añekanama uiti pɨnanaki makokotox axɨbama onkomatɨ ɨmoti, tapɨ axɨbama chuxiampɨ nisɨborikixhimia sɨsioma uiti ɨmo nityakisɨrɨkɨxɨma kɨmenu axɨmanu tyakɨrux nanenes ñana.

SAN JUDAS 1:24

Axti Tupax asaratitɨ autaku tapɨ apisamute axɨba nomɨnantɨ, anentyo nɨriakaxti nauki tapɨ ane nomɨnantɨ aboi axtɨ amekatɨ esati axtɨ tɨkuatati tato aɨbu niyarusɨrɨkɨ nɨriakaxti. Amekatɨ ñana esati aɨbu taruku naupukɨnunku, champɨ nomɨnantɨ aboi anentax naukɨtɨpɨ takana nabaibi axɨna iyebo.

Apocalipsis 3:10

Aikokota nixhakɨpuku, sane naukiche yasakatɨ atakukɨ axtɨ kuatɨ ñana axɨmanu makokotox ɨmo namanaiña axɨbama po'osoma iku axɨna kɨx.