Hebreos 13:23 - Manityanati Tupax

²³ Ixhanka suraboi ausukarɨ axti usaruki Timoteo chauki tɨtaesɨburuti, axtɨ konto aiñanainti, sɨrotitɨ chepeñɨ axtɨ tiyɨkatɨ tanu yasaraño.

Manitanati Tuparrü

²³ Suraboira ausucarü, arrti Timoteo naqui usaruqui chauqui tütaesüburuti auqui preso. Arrtü cuati tauna yesañü conto, sürotitü ichepeñü, arrtü yeca tanu yapasearaño.

Hebreos 13:23 교차 참조

Romanos 15:25

Tapɨ kaɨma yɨkatɨ au Jerusalén, nauki yasarama axɨbama ikokoromati Jesús ta'a.

Romanos 15:28

Sane, axtɨ tɨtakɨrusu sobi axɨna niyachɨkoi, axtɨ tɨtoxio sobi ɨmoma axɨmanu makumanatax, auki kaɨma yɨkatɨ au España, auki niyɨkɨ yɨkatɨ tanu yasaraño.

Colosenses 1:1

Axɨñɨ Pablo, anankañɨ isiuti Jesucristo ui noñemaxti Tupax, chepeti usaruki Timoteo,

1 Tesalonicenses 3:2

nauki sopikɨpuruti tanu usaruki Timoteo, baserebiotityo ɨmoti Tupax nauki uraboiti axɨba omixhia manityakax kɨtɨpɨti Cristo. Sopikɨpukati tanu nauki acheti aupukɨnunkubu nauki sane aruku nuxia aume aɨbu napakokonaunku kɨtɨpɨti Jesucristo.

1 Timoteo 6:12

Aiña nuxia takanati naki kupiusuti axti naki xhanxti akusɨrɨti aiñanainti tyakɨru taikiana besɨro nasɨboriki, ityobo toxio ñana aemo axɨna champɨ nityakɨru nasɨboriki. Axti Tupax ityasurutiyɨ auki ɨriotɨ tɨkañe uiti aemo naukiche sukarɨ namanaiña ukanɨ ta aikokokati.

2 Timoteo 1:8

Sane naukiche, tapɨ akɨsoka uraboi nɨrixhti naki Yɨriabux oemo. Tapɨ akɨsokaityo chopikiñɨ, axɨna yaka auna amanañɨmpo tyopikiti. Ta asusiu natakisɨrɨkɨ yotopiki axɨba omixhia manityakax ui noñemaxti Tupax.

Filemón 1:1

Axɨñɨ Pablo, yaka auna amanañɨmpo tyopikiti Cristo Jesús, ichepetityo usaruki Timoteo supakionko ɨmoti subaruki Filemón, naki supachɨkoisapa,

Filemón 1:22

Sukanañɨntyo aemo, aikoñoko sɨmenuñɨ kauta besɨro sobi axtɨ iñatai tanu, tyopiki ñonkatɨ ñome nameanka ɨmoti Tupax nauki chebo uiti ichaesɨbu nauki yɨrotɨ tanu yasaraño.

Apocalipsis 7:14

“Tusiu aemo axɨkɨ yɨriabux”, iñumuta nuraxti. Auki nanti iñemo: “Tyonema axɨbama chɨkoiñopɨma ui axɨmanu tɨkañe taruku nityakisɨrɨkɨxɨma iku kɨx, axɨbama ipunusumiankatama naibixhimia ui noto axɨmanu Nobixhax.