Hebreos 13:21 - Manityanati Tupax

²¹ tari au nanaiña besɨro nausɨboriki uiti, nauki apisamune noñemaxti. Nauki aisamunenti usaɨbu axɨna nixhantɨmoti, tyopikiti Jesucristo. ¡Chɨtakɨnunaumpɨ manaunkux ɨmoti Cristo! Amén.

Manitanati Tuparrü

²¹ Rranquiquia pünanaquiti Tuparrü, nauqui ayurati aume, nauqui apisamune arrüna urria isiu nirrancarrti. Arrtiatoe anati au nuyausasü, sane nauqui puerurrü uisamune arrüna urria ümoti. Puerurrü sane, itopiquiti Jesucristo. Tonenti naqui ümoche numanauncu ümo para siemprerrü. Amén.

Hebreos 13:21 교차 참조

San Mateo 12:50

Axti naki isamutenti noñemaxti Iyaɨ naki anati au napes, tyonenti isaruki, nikiasi nipiakɨtyo.

San Mateo 21:31

¿Ñakuti axɨpekukimia axɨmanuma tox isamutenti axɨna nixhantɨmoti yaɨtoxɨma? –Axti maniki kusɨrɨbo–iñumutama. Auki nanti Jesús ɨmoma: –Ñemanauntu sukanañɨ aume axɨbama bakaɨburuma monixh ɨmo Roma, yochepe axɨba paɨka chuxiampɨ niyosɨborikixh, kusɨrɨboma aye uimia ñana amopɨnanaki au napes.

San Mateo 28:20

Apiñununekasama nauki akokonauma ɨmo nanaiña nixhakɨpuku aume. Tapɨ axɨñɨ yasikia auchepe nanaiña naneneka, ichepe axtɨ iñatai nityakɨrux ɨmo axɨna kɨx.

San Mateo 6:13

Tapɨ chebo obi suichapene au makokotox, aityaesɨmunusu somɨ eanaki nomɨnantɨ.’

San Mateo 7:21

“Chɨtɨpɨ namanaiña axɨbama namatɨ iñemo: ‘Yɨriabux, Yɨriabux’, iyebo ñana uimia au nɨriakax au napes, axɨbamantai isamutema noñemaxti Iyaɨ auki napes.

San Juan 17:23

Axɨñɨ yaka au nisɨborikixhimia axɨkɨ aka au nisɨboriki, nauki aiñanaimia ñemanauntu tamantai nakaxɨma, nauki sane axɨbama ikuki axɨna kɨx atusi ɨmoma ta obi aikɨpuruñɨ, taruku nikuasɨrɨkɨxɨma aemo takana nisuasɨrɨkɨ aemo.

San Juan 7:17

Axti naki xhanxti aisamunenti noñemaxti Tupax, tyonenti tusiu ɨmoti axtɨ axɨna xhanunekaka kuatɨ aukiti, o xhanunekaka saukiñɨantoe.

Romanos 11:36

Tyopiki nisamukuxti, ɨmoti nanaiña axɨba abe iku axɨna kɨx. ¡Taikiana yarusɨrɨxti Tupax au napes! Amén.

Romanos 16:27

¡Ɨmoti Tupax naki kunauntañati taruku ñapanaunkuxti, tari ɨmoti manaunkux ñome nanaiña naskɨbeka, tyopikiti Jesucristo! Amén.

2 Corintios 9:8

Axti Tupax ui noñemaxti uxia nausɨboriki au nastaxti, nauki ane aume nanaiña axɨba nauxiantɨmo nauki anentyo toxiobo aboi ɨmoma axɨbama taruku nityakisɨrɨkɨxɨma.

Gálatas 1:5

¡Yarusɨrɨxti Tupax ɨmo nanaiña naskɨbeka! Amén.

Efesios 2:10

Uiti Tupax aisamunuti oñɨ. Isamunuti oñɨ aɨbuti Cristo Jesús nauki uisamunio axɨba omixhia, tyone axɨna aukiapae tɨkañe xhanxti uisamune.

Efesios 2:18

Ui axɨna isamutenti Cristo, axɨbama judíos takana axɨbama chɨtɨpɨ judíos anati kunauntañantiatai nuesa Espíritu uixh uiñatai esati Tupax naki Uyaɨ.

Filipenses 1:11

Tyopiki uiti Jesucristo axaño apisamute axɨna uxia, nauki namanaiña anauma ɨmoti Tupax sane yarusɨrɨxtyo nɨrixhti uimia.

Filipenses 2:11

nauki namanaiña asuputaramati ta tyonenti Cristo Yɨriabuxti, nauki achampienkama ɨmoti Tupax naki Uyaɨ.

Filipenses 2:13

Tyopiki ui noñemaxti Tupax apisamute axɨna besɨro nausɨboriki, isamutenti sane tyopiki sane nixhankaxti.

Filipenses 4:13

Ui noñemaxti Cristo aruku nuxia iñemo nauki yɨro kutakikibo nanaiñantai.

Filipenses 4:18

Axti Epafrodito ityoximiatati nanaiña axɨmanu apakɨpuka iñemo, ta iñatai ɨmo nanaiña nixhantɨmo. Axɨmanu napakumanata tyone takana axɨmanu makumanatax koñoxtai norixh yasutiuti Tupax aɨbu nipukɨnunkuxti.

Colosenses 3:17

Nanaiña axɨna napachɨkoi napanityaka, apisamuse au nɨrixhti Yɨriabux Jesucristo, apachampienka ɨmoti Tupax naki Uyaɨ yotopiki axɨba isamutenti Jesús autaku.

Colosenses 3:20

Masiomanka, apakokonau ɨmoma axɨbama aubaɨtaiki, tyopiki tyone uxia ɨmoti Tupax.

Colosenses 4:12

Ñakionkoxti tanu aume Epafras, naki baserebioti ɨmoti Jesucristo. Tyonenti aukitanu abaxɨpekuki, taikiana meaboti autaku, mankioti pɨnanakiti Tupax nauki aruku nuxia aume apityoximia naukɨtɨpɨ ɨmo noñemaxti Tupax.

1 Tesalonicenses 3:13

Supankikiaityo pɨnanakiti Yɨriabux Jesús nauki aruku nuxia aume aɨbu napakokonaunku ɨmoti Tupax, achetityo abausasɨbo axɨna uxia champɨ nomɨnantɨ kɨtɨpɨ. Sane axtɨ kuatati tato ñana aɨbu namanaiña axɨbama Ángeles, tapɨ anati naki chuxiampɨ ñana nuraxti aukɨtɨpɨ sukarɨti Tupax. Amén.

1 Tesalonicenses 4:3

Axti Tupax xhanxti nauki tapɨ ane kausane nausɨboriki, tapɨ auxiankatai aumeampatoe

1 Tesalonicenses 5:23

Tari uiti Tupax naki uiche taikiana uxia nosɨboriki, sɨsio año uiti aɨbu napaserebiki ɨmoti. Tari sɨsio año uiti champɨ nomɨnantɨ aboi, chepe axtɨ tɨkuati tato Yɨriabux Jesucristo, nauki nabausɨpɨ, naukɨtɨpɨ tapɨ butabɨko aɨbu nomɨnantɨ yokɨtɨpɨ.

2 Tesalonicenses 2:17

tari uimia taikiana aruku nuxia aume nauki amukanaño nantax axɨna ñemanauntu takanaintyo apisamune axɨba omixhia.

1 Timoteo 1:17

¡Manauna masonina ɨmoti Yɨriabux naki champɨ nityakɨru nisɨborikixhti, naki chɨtusiutipɨ, naki kunauntañati Tupax! Amén.

1 Timoteo 5:10

Tari namanaiña asuputanema axtɨ uxia tɨkañe nisɨborikixh yusiuki axɨba omixhia isamute. Axtɨ uxia ñasunaunkukux ɨmo axɨbama aɨtaiki, axtɨ uxia uixh ɨmoma axɨbama iñataimia au nipox, axtɨ iyaxɨbita nipopesɨma axɨbama ikokoromati Jesús, axtɨ asaratɨ tyakuma axɨbama takisɨrɨma. Ta sane, nanaiña axɨba opisamute axɨba omixhia.

1 Timoteo 6:16

Kunauntañati naki champɨ nityakɨru nisɨborikixhti, po'osoti kauta axɨna tarukapae nanentakax kautaityo champɨti naki iyebo uiti asaraiti. ¡Taikiana ɨmoti tarukapae manaunkux axɨnaintyo nɨriakaxti! Amén.

2 Timoteo 3:17

nauki axɨbama ikokoromati Tupax besɨro ñapanaunkuxɨma, atusityo ɨmoma kausane aisamunema nanaiña axɨba omixhia.

2 Timoteo 4:18

axti Cristo okɨmanati chakuñɨ ñopɨnanaki nanaiña nomɨnantɨ, nauki yɨrotɨ uiti au napes. ¡Taikiana Yarusɨrɨxti ɨmo nanaiña naskɨbeka! Amén.

Hebreos 10:36

Tapɨ apatacheka ui nautakisɨrɨkɨ, nauki apisamune noñemaxti Tupax nauki sane apasuriu axɨmanu ɨriotɨ uiti aume.

Hebreos 12:23

akamanu chepema axɨbama kusɨrɨboma tɨkañe aɨtoxti Tupax axɨbama nɨrixhimia tɨkorobo au napes. Axaño amekatɨ esati Tupax, naki uiche ñana asaraiti ɨmo namanaiña, esaityo nausɨpɨxɨma axɨbama mañoñɨnka besɨro nisɨborikixhimia uiti Tupax,

Hebreos 12:28

Axɨna nɨriakaxti Tupax toxio uiti oemo, tyone axɨna chichebopɨ akaɨbu. Machampienkana ɨmoti ityobo nanaiña, manaunaintyo ɨmoti Tupax sane takana nixhankaxti.

Hebreos 13:16

Tapɨ takɨrusu napakionko apisamune axɨna uxia, apakumana ɨmoma axɨbama takisɨrɨma axɨba namenaxi. Tyoneio axɨba makumanataka axɨba omixhia ɨmoti Tupax.

1 Pedro 2:5

Sane naukiche, oboi kanka axɨba bosɨboriko, axti Tupax masamunuti ñana ipoboti aboi, axañointyo tyonema axɨbama sacerdotes kiatax nakaxɨma, aɨbuti Jesucristo apakumanaka ñana ɨmoti Tupax makumanataka axɨba uiche pukɨnuñati.

1 Pedro 4:2

nauki aisamunenti nisɨborikixhti isiuki noñemaxti Tupax tapɨ isamutenti isiuki axɨna nixhantɨmo nikɨtɨpɨxti.

2 Pedro 3:18

Ausuputasati nuxia axti naki Yɨriabux oemo Jesucristo, naki uiche utaesɨbuka eanaki nomɨnantɨ, tari uiti besɨro nausɨboriki. ¡Yarusɨrɨx niriakaxti ɨmo nanaiña naskɨbeka! Amén.

1 Juan 2:17

Axɨna kɨx tɨniyɨkɨx atakɨru, aɨbu nanaiña axɨba chomixhampɨ nixhantɨmo. Tapɨti naki isamutenti nixhantɨmoti Tupax champɨ nityakɨru nisɨborikixhti.

1 Juan 3:22

Ityoximiatatityo oemo nanaiña axɨna mankitio pɨnanakiti, tyopiki uikokota yakɨpukuxti, uisamutentyo axɨna uxia ɨmoti.

SAN JUDAS 1:25

Sane naukiche, yarusɨrɨx nɨrixhti Tupax aboi axti naki xhimiakana uiti nomɨnantɨ, apikokoityo niyarusɨrɨkɨxti, nɨriakaxti, tyopiki ui yakɨpukuxti kuatati naki Yɨriabux oemo Jesucristo. Machampienkana ɨmoti ityobo nanaiña axɨna sane kaɨma ɨmointyo nanaiña naskɨbeka. Amén.

Apocalipsis 4:6

esa axɨmanu nityɨmoxti Yɨriabux anentyo axɨmanu takana narubaityu tux, anentaxtai pɨrɨkɨ. Akamanu kɨmuintya kauta ananka axɨmanu nityɨmoxti Yɨriabux, akamanuintyo tyupeku, aboma cuatro axɨbama sɨborikoma, ataso nikɨtɨpɨxɨma oboi nisɨtoxɨma, kɨmenuma takanaintyo chakuma.

Apocalipsis 5:13

Ñonkoityo ta nanaiña axɨba omixhante uiti Tupax au napes, iku kɨx, kiana kɨx, takanaintyo au narubaityu tux, munantɨ: “¡Ɨmoti naki tɨmonsoti iku nityɨmoxti ɨmointyo axɨmanu Nobixhax, nanaiña masonikixh, manaunkux, nanentakax chepe nɨriakax ñome nanaiña naskɨbeka!”

Apocalipsis 5:9

Masoniomaintyo axɨna sonixh aɨbo: “Axɨkɨ koñotɨ aemo asarai axɨmanu kichonimiakax kiñoeno aikiompɨnaintyo axɨmanio nityomoentox, tyopiki axɨkɨ akonka ɨmo makumanatax. Ui noto nakɨtɨpɨ kuamatɨ tato obi esati Tupax namanaiña mañoñɨnka ikuki axɨna kɨx.