Hebreos 13:2 - Manityanati Tupax

² Tapɨ takɨrusu napakionko apakumananau ɨmoma axɨbama iñataimia au naupo, tyopiki sane, sɨrɨmanama axɨbama chɨtusiupɨ ɨmoma yasuriuruma axɨbama ángeles.

Manitanati Tuparrü

² Apasusiusuma aübu napacumanauncu ümo bama iñataimia au naupo. Tücañe aboma bama isamutema sane, y yasuriuruma ümo bama angelerrü, pero ni atusipü ümoma arrtü tonema.

Hebreos 13:2 교차 참조

San Mateo 25:35

Tyopiki naukiche isɨrɨpɨka, axaño apasapakañɨ. Naukiche ichosɨka, toxio aboi ichɨpoboñɨ. Naukiche anankañɨ ñamenkatai, toxioityo aboi iñemo kauta xharɨkɨ.

San Mateo 25:40

Axti yɨriabux iñumutati ñana nabura: ‘Ñemanauntu sukanañɨ aume nanaiña axɨna apisamute tɨkañe ɨmo axɨbama isarukityaiki takisɨrɨmantai, iñemo apisamute.’

San Mateo 25:43

Anankañɨ ñamenkatai, chɨtoxiopɨ aboi kauta yasikia. Nukiche champɨ nisaibi, chapachekapɨ isaibiboñɨ. Anankañɨ ñaunxokoka, anankañɨntyo amanañɨmpo, chabakapɨtɨ amasarañɨ.’

Hechos 16:15

Auki ɨrio aɨbu nanaiña axɨmanuma aboma au nipox, auki nantɨ suiñemo: –Axtɨ ñemanauntu axaño amukanaño uxia axɨna nixhakokonaunku ɨmo Nupu Tupax, ausiapata au nipo. Tyone mankio nuxia somopɨnanaki nauki subasikia akamanu.

Romanos 12:13

Apisamuse takana axtɨ nauxiantɨmo axɨna nixhantɨmoma axɨbama champɨ nipɨnatema, taikiana aupukɨru tyakuma axɨbama iñataimia au naupo.

Romanos 16:23

Ñakionkoxtityo Gayo tanu aume. Axɨñɨ yaka auna nipoxti, axɨna ityoximiatati kauta aiyoberabaramakɨ nantax axɨbama ikokoromati Jesús. Ñakionkoxtityo tanu aume axti Erasto, axti naki mekuche naka nimonixhimia axɨbama po'oso axtityo usaruki Cuarto ñakionkoxti tanu aume.

1 Timoteo 3:2

Sane naukiche, axti naki ane nɨriakaxti tari uxia nisɨborikixhti tapɨ ane urapoboiboma makiataka kɨtɨpɨti. Tari kunauntañantai nikɨpostoti tapɨ chebo uiti aisamunenti chɨtamampatai nixhantɨmoti, tari uxia nisɨborikixhti besɨro ñapanaunkuxti. Tari makumananaunxti ɨmoma axɨbama iñataimia au nipoxti. Tari aipiati anunekati.

1 Timoteo 5:10

Tari namanaiña asuputanema axtɨ uxia tɨkañe nisɨborikixh yusiuki axɨba omixhia isamute. Axtɨ uxia ñasunaunkukux ɨmo axɨbama aɨtaiki, axtɨ uxia uixh ɨmoma axɨbama iñataimia au nipox, axtɨ iyaxɨbita nipopesɨma axɨbama ikokoromati Jesús, axtɨ asaratɨ tyakuma axɨbama takisɨrɨma. Ta sane, nanaiña axɨba opisamute axɨba omixhia.

Tito 1:8

Taikiana uxia uiti ɨmoma axɨbama iñataimia au nipoxti, taikiana uxia nisɨborikixhti, besɨro ñapanaunkuxti, tapɨ ane nomɨnantɨ uiti, tari chiyaupɨ ñanaunkuxti.

1 Pedro 4:9

Apasusiusaño aumeampatoe au naupo, tapɨ chuxiampatai nabura kɨtɨpɨ makiataka.

3 Juan 1:5

Axɨkɨ saruki, uxia axɨna aisamute tyopiki asakatɨ tyaku makiataka axɨbama ikokoromati Cristo, axɨbamampae kuamatɨ auki kiatax narɨkɨkixh.